完整藏文原文 · 德格版页 当前仅加载第 82 函德格 225b 版页；藏文 NFD、目录标记与异常页序保留在来源切片中，重复版页行以稳定序号区分。
པ་མཆོག་ཏུ་མཛེས་པར་གཤེགས་པ་སངས་རྒྱས་ཐམས་ཅད་ཀྱི་རྣམ་པ་ལས་བྲལ་བ་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །ཡུལ་དང་དབང་པོ་བདག་པོའི་རྐྱེན། །དེ་མ་ཐག་པའི་མཚུངས་མེད་པ། །རང་བཞིན་བྱུང་བའི་སྐད་ཅིག་ལ། །
D453.082.0225b01.01བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་ཞི་བའི་དོན་སངས་རྒྱས་ཐམས་ཅད་ཀྱི་རང་གི་ངོ་བོ་དག་པ་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །ངོ་བོ་འབྲལ་མེད་ཆོས་ཀྱི་སྐུ། །མི་འཆད་འབྱུང་བ་
D453.082.0225b02.01ལོངས་སྤྱོད་རྫོགས། །རང་གི་མཚན་ཉིད་བདེ་བ་ཆེ། །དབྱེར་མེད་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་ཞི་བའི་དོན་སངས་རྒྱས་ཐམས་ཅད་ཀྱི་གྲུབ་པ་རྡོ་རྗེའི་ཚུལ་གྱི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །
D453.082.0225b03.01མིང་དང་ངེས་ཚིག་ངོ་བོ་གང་། །མཚན་ཉིད་དབྱེ་བའི་དོན་གྱིས་ན། །རྒྱུ་འབྲས་ཆོས་ལས་རྒྱལ་བ་འབྱུང་། །ཚད་མེད་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་སྐྱོན་མེད་སངས་རྒྱས་ཐམས་ཅད་ཀྱི་སྤངས་པ་མེད་ཅིང་ཐོབ་པ་མེད་པ་རྡོ་རྗེའི་ཏིང་
D453.082.0225b04.01ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། གང་དུ་བསྐལ་པ་བྱེ་བར་ཡང་། །སྤོང་བར་ཞུགས་ཤིང་སྦྱང་པ་ལས། །བྱང་ཆུབ་རིང་སོང་འགྱུར་བ་མེད། །མཉམ་པ་ཉིད་ཀྱི་རང་གྲོལ་འགྱུར། །ཞེས་གསུངས་སོ། །དེ་ནས་དེ་བཞིན་གཤེགས་བ་བློ་དབྱངས་
D453.082.0225b05.01དགེ་བ་སངས་རྒྱས་ཐམས་ཅད་ཀྱི་ཕྱིན་ཅི་མ་ལོག་པའི་དོན་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །སྐྱེ་བ་མེད་པས་ཆོས་ཀྱི་སྐུ། །འགག་པ་མེད་པས་ལོངས་སྤྱོད་རྫོགས། །གནས་པ་མེད་པས་སྤྲུལ་པའི་སྐུ། །དབྱེར་མེད་ཚུལ་འདི་བསྟན་
D453.082.0225b06.01བའོ། །ཞེས་གསུངས་སོ། །དེ་ནས་འདི་ནི་གསུངས་ཙམ་གྱིས། །རིག་པའི་རྒྱལ་པོ་རྡོ་རྗེ་ཅན། །ཡེ་ཤེས་བླ་ན་མེད་པའི་ཆོས། །བསྟན་པ་ངེས་པར་ལེགས་པའི་གནས། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་གསང་བ་གསང་བ་འདུས་པ་སངས་རྒྱས་
D453.082.0225b07.01