完整藏文原文 · 德格版页 当前仅加载第 82 函德格 103a 版页；藏文 NFD、目录标记与异常页序保留在来源切片中，重复版页行以稳定序号区分。
༄༅༅། །རྒྱ་གར་སྐད་དུ། ཤྲཱི་སརྦ་ཏ་ཐཱ་ག་ཏགུ་ཧྱ་ཏནྟྲ་ཡོ་ག་མ་ཧཱ་རཱ་ཛཱ་དྭ་ཡ་ས་མ་ཏཱ་བི་ཛ་ཡ་ནཱ་མ་བཛྲ་ཤྲཱི་ཝ་ར་མ་ཧཱ་ཀལྤཱ་དི། བོད་སྐད་དུ། དཔལ་དེ་བཞིན་གཤེགས་པ་ཐམས་ཅད་ཀྱི་གསང་བ་རྣལ་འབྱོར་ཆེན་པོ་རྣམ་པར་རྒྱལ་བ་ཞེས་བྱ་བ་མཉམ་པ་ཉིད་
D453.082.0103a01.01གཉིས་སུ་མེད་པའི་རྒྱུད་ཀྱི་རྒྱལ་པོ་རྡོ་རྗེ་དཔལ་མཆོག་ཆེན་པོ་བརྟག་པ་དང་པོའོ། །དེ་བཞིན་གཤེགས་པ་ཐམས་ཅད་ཀྱི་བདག་ཉིད་དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་ཡི། །དུས་གཅིག་ཚེ་ན་བཅོམ་ལྡན་འདས། །དེ་བཞིན་
D453.082.0103a02.01གཤེགས་པ་ཐམས་ཅད་ཀྱི། །སྐུ་དང་གསུང་དང་ཐུགས་རྡོ་རྗེ། །རྡོ་རྗེ་བཙུན་མོ་རྣམས་ཀྱི་ནི། །བྷ་ག་ལ་ནི་སྙོམས་པར་ཞུགས། །གསང་བ་ལས་ཀྱང་ཆེས་གསང་བ། །གསང་བ་ཆེན་པོ་འདི་ལྟ་སྟེ། །དེ་ནས་སྟོན་པ་རྡོ་རྗེ་འཛིན། །དེ་བཞིན་གཤེགས་པ་ཀུན་གྱི་
D453.082.0103a03.01བདག །གསང་བ་པ་རྣམས་མ་ལུས་པའི། །སྐུ་དང་གསུང་དང་ཐུགས་རྡོ་རྗེ། །བྱང་ཆུབ་སེམས་ཀྱི་སྙིང་པོ་ཆེ། །ཆོས་ཀུན་མཉམ་པ་ཉིད་དགོངས་པའི། །མཉམ་ཉིད་གཉིས་སུ་མེད་པའི་གནས། །སྤྱོད་པ་མཉམ་པ་ཞེས་བྱ་བའི། །ཏིང་ངེ་འཛིན་ལ་སྙོམས་
D453.082.0103a04.01ཞུགས་ཏེ། །དེ་ཉིད་ངང་ལ་གནས་པ་ཡིས། །འཁོར་གྱི་དཀྱིལ་འཁོར་དཔག་མེད་ལ། །གཟིགས་ཤིང་མི་ཕྱེད་རྡོ་རྗེ་ལས། །མ་གཡོས་ལྷམ་མེ་ལྷང་ངེར་གནས། །མི་འགྱུར་གསང་བ་འདུས་པའོ། །སངས་རྒྱས་བྱང་ཆུབ་སེམས་དཔའ་དང་། །རིག་པའི་
D453.082.0103a05.01ལྷ་མོ་རྫུ་འཕྲུལ་ཅན། །སྣ་ཚོགས་འཁོར་རྣམས་འདུས་པ་སྟེ། །རྣལ་འབྱོར་དབང་ཕྱུག་ཚོགས་རྣམས་ལས། །བྱང་ཆུབ་སེམས་དཔའ་སེམས་དཔའ་ཆེ། །ཀུན་ཏུ་བཟང་པོས་གསོལ་བ་བཏབ། །རང་གི་སྟན་ལས་ལངས་ནས་ནི། །བླ་གོས་ཕྲག་བར་གཟར་
D453.082.0103a06.01གྱུར་པས། །པུས་མོ་ས་ལ་བཙུགས་ནས་ནི། །ཐལ་མོ་སྦྱར་ཏེ་སྤྱིས་བཏུད་ནས། །གསང་བ་ཞེས་ནི་གང་ལ་བྱ། །ཆེས་གསང་བ་ནི་ཇི་ལྟ་བུ། །གསང་བ་ཆེན་པོ་ཇི་ལྟར་ལགས། །བཅོམ་ལྡན་འདས་ཀྱིས་གསུང་དུ་གསོལ། །དེ་ནས་སྟོན་པ་རྡོ་རྗེ་འཛིན། །
D453.082.0103a07.01