完整藏文原文 · 德格版页 当前仅加载第 82 函德格 277b 版页；藏文 NFD、目录标记与异常页序保留在来源切片中，重复版页行以稳定序号区分。
སྨ་ར་ཎི། བི་ག་ཏ། རཱ་ག་བུདྡྷ། ས་ར་ས་ར། ས་མ་བ་ལཱ། ཧ་ས་ཧ་ས། ཏྲ་ཡ་ཏྲ་ཡ། ག་ག་ན། མ་ཧཱ་བར་ལཀྵ་ཎི། ཛྭ་ལ་ཛྭ་ལ་ན། སཱ་ག་རེ་སྭཱ་ཧཱ། དེ་ནས་འདི་ནི་གསུངས་ཙམ་གྱིས། །བརྟན་གཡོ་ཁྱབ་པའི་དེ་བཞིན་གཤེགས། །རིགས་རྣམས་བརྒྱ་ཡི་བདག་
D453.082.0277b01.01ཉིད་འགྱུར། །དེ་ལས་ཡེ་ཤེས་ལྔ་བདག་ཉིད། །རྡོ་རྗེ་རིན་ཆེན་པདྨ་དང་། །སྣ་ཚོགས་རྒྱལ་བ་ལྷ་ཡི་སྐུ། །ཕྱག་རྒྱ་བསྡུས་པ་ཉིད་དུ་གནས། །སྐུ་གསུང་ཐུགས་ཀྱི་རྡོ་རྗེ་ལས། །སྙིང་པོ་གསང་ཆེན་གཅིག་ཏུ་བསྡུས། །ཆོས་ལྔ་དག་གི་ཕུང་པོ་ཅན། །བག་ཆགས་
D453.082.0277b02.01བཅས་པའི་ཉོན་མོངས་པ། །དེ་དག་རྣམ་པར་སྤྱོད་བྱེད་པ། །ཆོས་ཀྱི་སྒོ་ལས་གྱུར་པ་ཡི། །ཁྲི་ཕྲག་བརྒྱད་དང་སྟོང་ཕྲག་བཞི། །ཡི་གེ་དམ་པ་སྟོན་པ་ཉིད། །ཏིང་འཛིན་ཡན་ལག་ལྔ་ལྡན་པའི། །མཉམ་ཉིད་དག་པའི་ཚོགས་སུ་བརྗོད། །ཇི་ལྟར་མཁའ་ལ་ཉི་
D453.082.0277b03.01ཤར་ཡང་། །དམུས་ལོང་གིས་ནི་མཐོང་བ་མེད། །དེ་བཞིན་ལམ་གྱི་རྟགས་རྣམས་ཀྱང་། །བློ་གྲོས་ལྡན་པ་དེ་དག་ལས། །ཀུན་གྱིས་མཐོང་བའི་ཡུལ་མ་ཡིན། །རབ་རིབ་མེད་ན་དེ་མཐོང་འགྱུར། །བྱང་ཆུབ་སེམས་དཔའི་ལམ་རྟགས་གང་། །དེ་ཉིད་དག་པའི་སྤྱོད་ཡུལ་ཏེ། །
D453.082.0277b04.01རང་གཞན་གཉིས་ཀས་མ་མཐོང་ཡང་། །དེ་ནི་མེད་པར་མི་འགྱུར་ཏེ། །ཞིང་ཁམས་དག་པ་རྣམས་སུ་འཆར། །རྫུ་འཕྲུལ་སྦས་པའི་ཚུལ་དུ་གནས། །ཐབས་དང་ཤེས་རབ་གཉིས་མེད་མཉམ་སྦྱོར་རྣམ་རྒྱལ་ཐུགས་རྗེ་སྟོང་པ་རོ་མཉམ་སྲིད་དང་ཞི་བའི་རྒྱ་མཚོ་ལས་བརྒལ་རབ་
D453.082.0277b05.01ཏུ་མི་གནས་བདེ་བ་ཆེ། །མཁའ་དང་མཚུངས་པས་འགྲོ་འོང་རྣམ་བྲལ་དུས་གསུམ་ལས་འདས་དངོས་དང་དངོས་མེད་ཕྱོགས་ཆ་མཐའ་དང་དབུས་ལས་རྣམ་གྲོལ་དག་ཅིང་དྲི་མེད་རྣམ་པར་དབེན། །གསང་བ་ཆེན་པོ་མི་ཟད་དཔལ་ལྡན་འདུས་འདིར་རྟོགས་དཀའ་ཟབ་ཅིང་རྒྱ་ཆེ་དེ་བཞིན་
D453.082.0277b06.01གཤེགས་ཀུན་མཐའ་ཡས་པས་ནི་ཡང་དག་དོན། །རྒྱལ་བ་ཐམས་ཅད་བླ་མེད་གནས་འདིར་བྱང་ཆུབ་དམ་པ་བདག་དང་གཞན་དོན་སྐུ་བཞི་རབ་རྫོགས་ཡེ་ཤེས་མངོན་གྱུར་གཏེར་མཛོད་གསང་ཆེན་དགའ་བའི་སྙིང་པོའོ། །དཀྱིལ་འཁོར་འཁོར་ལོ་དུ་མ་རབ་ཏུ་འབྱེད་ཅིང་སྤྲོ་དང་
D453.082.0277b07.01