完整藏文原文 · 德格版页 当前仅加载第 82 函德格 295a 版页；藏文 NFD、目录标记与异常页序保留在来源切片中，重复版页行以稳定序号区分。
གྲི་འབར་བའི་དཀྱིལ་འཁོར་ལས། །གང་དུ་སྣ་ཚོགས་ཕྲིན་ལས་སྤྱོད། །རྡོ་རྗེ་སྒྲོལ་མའི་ཁྱད་པར་ལས། །ཅང་ཤེས་རྟ་ཡི་སྟོབས་ཀྱིས་བགྲོད། །འཁོར་ལོ་འབར་བའི་དཀྱིལ་འཁོར་དུ། །ཡེ་ཤེས་དེ་བཞིན་གཤེགས་པའི་རླུང་། །ཆོས་ཀྱི་དབྱིངས་ཀྱི་
D453.082.0295a01.01དབང་ཕྱུག་མས། །བསམ་འཕེལ་ནོར་བུ་ཐོབ་བྱེད་པའོ། །རྒྱུ་བའི་རླུང་ནི་རབ་ཟིན་པས། །འཇིག་རྟེན་གསུམ་པོ་ཀུན་གྱི་ནི། །གཟུགས་གསུམ་ཕྲ་རགས་མེད་པར་ནི། །བློ་ཡི་ཡུལ་དུ་མཐོང་བར་བྱེད། །རབ་ཏུ་རྒྱུ་བ་རབ་ཟིན་པས། །ཕྱོགས་བཅུ་ཀུན་དུ་
D453.082.0295a02.01ཁྱབ་གྱུར་པའི། །རྡོ་རྗེ་དྲི་ཡི་བྱེ་བྲག་ཀུན། །མ་ལུས་ཚོར་བར་གྱུར་པ་ཡིན། །མངོན་པར་རྒྱུ་བ་ཟིན་པས་ན། །ས་གསུམ་པོ་ནི་གྲག་པ་ཡིན། །སྒྲ་ཡི་ཚོགས་རྣམས་ཇི་སྙེད་པ། །དེ་ཀུན་དྲུང་ན་གྲག་བཞིན་འབྱུང་། །ཤིན་ཏུ་རྒྱུ་བ་ཟིན་པ་ཡིས། །རྡོ་རྗེ་རོ་ཡི་བྱེ་བྲག་
D453.082.0295a03.01ཀུན། །མ་ལུས་ལུས་པ་མེད་པ་དག །མྱོངས་འགྱུར་རྡོ་རྗེ་འཛིན་པ་ཀྱེ། །ཡང་དག་རབ་ཏུ་རྒྱུ་བ་ནི། །ཤིན་ཏུ་བརྟན་པ་ཐོབ་པ་ལས། །སྲིད་ཞི་རེག་བྱར་གྱུར་པ་དག །དེ་ཡིས་ངེས་པར་ཚོར་བར་འབྱུང་། །གང་དུ་རྡོ་རྗེ་བརྟན་པ་ལས། །མི་ཕྱེད་སྲོག་ནི་གཅིག་
D453.082.0295a04.01གྱུར་བ། །དེ་སྙེད་སྙིང་ལས་འོད་འབྱུང་བའི། །བསིལ་ཟེར་རྟ་བདུན་ཆ་མཉམ་པས། །ཨཱ་ལི་ཀཱ་ལི་ལས་བྱུང་བ། །སྣ་ཚོགས་རྡོ་རྗེ་གར་བཅས་པའི། །ཐབས་དང་ཐབས་ལྡན་བསྐྱོད་པའི་རླུང་། །འདིས་ནི་མཁའ་ལ་རབ་ལྡིང་འགྱུར། །ཉིན་དང་མཚན་མོའི་
D453.082.0295a05.01ཆ་ལས་ནི། །ཕྱག་རྒྱའི་ཤུ་ཏྲ་ལེན་བྱེད་པ། །གསང་བ་རྡོ་རྗེ་ནང་དུ་ནི། །བདེ་བ་སྐྱེས་པ་ཏིལ་འབྲུ་བཞིན། །དེ་ཉིད་ཡོངས་སུ་དག་པ་ནི། །ཀུན་འདར་མར་ནི་དེ་བཞིན་གཤེགས། །མཁའ་དང་ཐིག་ལེ་སངས་རྒྱས་སྐུ། །རབ་ཏུ་མཐོང་བྱེད་རྣལ་འབྱོར་ཆེ། །
D453.082.0295a06.01བདེ་བ་ཉམས་པ་མེད་པ་ལས། །བཅུ་དྲུག་ཆ་ཡི་རིན་ཆེན་རྩེ། །རི་རབ་སྟེང་དུ་དབང་པོ་ནི། །ཐུར་བལྟས་སུམ་ཅུ་རྩ་གསུམ་པས། །རི་བོང་འཛིན་ཕྱིར་མི་ལྡོག་པས། །དེ་ཉིད་ཟག་མེད་ཁང་{བཟངས་,བཟང་}ན། །བདེ་བ་ཆེན་པོར་གནས་གྱུར་པའོ། །ཁམས་རྣམས་
D453.082.0295a07.01