完整藏文原文 · 德格版页 当前仅加载第 82 函德格 232a 版页；藏文 NFD、目录标记与异常页序保留在来源切片中，重复版页行以稳定序号区分。
བདུད་རྩི་གསལ་བ་སངས་རྒྱས་ཐམས་ཅད་ཀྱི་རྒྱན་བཀོད་པ་སྣང་བ་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །རྒྱུན་ཆད་མེད་པའི་བྱང་ཆུབ་སེམས། །ཐམས་ཅད་དེ་ལས་སྐྱེས་པའི་དངོས། །ཕྲ་མོ་རྐྱེན་བྱུང་དག་པའི་དོན། །བྱང་
D453.082.0232a01.01ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་བསམ་གཏན་སྙོམས་པས་སངས་རྒྱས་ཐམས་ཅད་ཀྱི་ཕྲིན་ལས་དག་པ་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །རང་བཞིན་གྱིས་ནི་རྣམ་པར་དག །ཁམས་
D453.082.0232a02.01རྒྱུད་ཡུལ་དང་དབང་པོ་དག །རབ་ཏུ་དག་པར་རྫོགས་བ་ནི། །བྱང་ཆུབ་སེམས་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་འཁྲུག་པ་མེད་པ་སངས་རྒྱས་ཐམས་ཅད་ཀྱི་ཆོས་འབྱུང་རོལ་བ་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་
D453.082.0232a03.01འདི་གསུངས་སོ། །གནས་དག་བར་ཆད་མེད་པའི་ལམ། །ཆོས་རྒྱལ་ཞིང་ཁམས་ཡོངས་སུ་དག །མི་ལྡོག་ཏིང་འཛིན་ཟད་མི་ཤེས། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་དྲི་མ་མེད་པ་སངས་རྒྱས་ཐམས་ཅད་ཀྱི་ཡོན་ཏན་མངོན་
D453.082.0232a04.01པར་དག་པ་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །རྣམ་པར་སྨིན་པར་བསོད་ནམས་སྟོབས། །བྲལ་བ་ཡེ་ཤེས་སྤྱོད་ཡུལ་བ། །ཁྱད་པར་རྣམ་པར་མི་རྟོག་ལས། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་
D453.082.0232a05.01གཤེགས་པ་ཕྱོགས་མ་བསླད་པ་སངས་རྒྱས་ཐམས་ཅད་ཀྱི་ཐབས་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །སེམས་ཅན་མོས་པ་སྣ་ཚོགས་ལ། །ཡེ་ཤེས་སྤྱོད་པའི་སྒྱུ་འཕྲུལ་གྱིས། །བསྟན་པ་བསམ་གྱིས་མི་ཁྱབ་པ། །བྱང་ཆུབ་ཚུལ་འདི་
D453.082.0232a06.01བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་ཐུབ་པ་མཛེས་པའི་རྒྱལ་པོ་སངས་རྒྱས་ཐམས་ཅད་ཀྱི་ཡེ་ཤེས་ཀྱི་ཕྲེང་བ་དག་པ་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །འཁོར་བའི་རྒྱ་མཚོ་མ་སྟོངས་པར། །ཡེ་ཤེས་འཁོར་
D453.082.0232a07.01