完整藏文原文 · 德格版页 当前仅加载第 82 函德格 235a 版页；藏文 NFD、目录标记与异常页序保留在来源切片中，重复版页行以稳定序号区分。
ཤེས་རྒྱས་པར་འགྱུར། །གནས་བཅུ་འདི་དག་གསང་འཛིན་ང་ཡི་ཡུལ། །ས་བཅུའི་དབང་ཕྱུག་ཕྱག་རྒྱ་ཆེན་པོའི་ངང་། །གཅིག་དང་དུ་མར་དམིགས་མེད་བདེ་བ་ཆེ། །ཆོས་དང་ཆོས་ལས་བྱུང་བའི་ཡུལ་མི་དམིགས། །ཀོ་ཊ་ཀྵ། ཀོ་ཊ་ཝ་ཀྟྱ། ཀོ་
D453.082.0235a01.01ཊ་ཝདྷ། ཀོ་ཊ་པ་ཤ། ཀུ་ཏི་ད་ར། ཀོ་ལ་ཊ་ཀྵྱ། ཀོ་ལ་བྷྱ། ཀོ་ལ་ལོ་བྷ། ཀོ་ཊ་བྷི། ཀོ་ལ་ཏ་ཐཱ་ན། བཅོམ་ལྡན་མགོན་པོ་རྡོ་རྗེ་འཛིན། །ཁྱོད་ནི་གླང་པོ་ལྟ་བ་ཆེ། །ཁྱོད་ནི་བཟང་པོའི་རྒྱན་དང་ལྡན། །ཁྱོད་ནི་རྣམ་པར་གནོན་པ་ཡིན། །ཁྱོད་ནི་རིན་ཆེན་འབྱུང་གནས་གཙོ། །
D453.082.0235a02.01ཁྱོད་ནི་བདེན་པའི་འདྲེན་པ་ཡིན། །ཁྱོད་ནི་གཟུགས་སྡུག་ཡིད་འཕྲོག་ཡིན། །ཁྱོད་ནི་འཇོམས་པ་ཅིར་ཡང་སྣང་། །ཁྱོད་ནི་མེ་ལྕེའི་ཕྲེང་བ་ཅན། །ཁྱོད་ནི་གནས་ལ་སྐྱོ་བ་མེད། །ཁྱོད་ནི་ཡིད་བཞིན་ནོར་བུ་སྟེ། །ཁྱོད་ཀྱི་སྐུ་ནི་མཛེས་པར་བསྟན། །རྒྱ་མཚོ་བླ་ན་མེད་པ་
D453.082.0235a03.01སྟེ། །བསྟོད་པའི་མཆོག་ཏུ་གྱུར་པའོ། །རྡོ་རྗེ་ངེས་པར་སྟོན་པའི་གསང་བ་གཅིག་ཏུ་བསྡུས་པ་བླ་ན་མེད་པ་རྡོ་རྗེ་ཞེས་བྱ་བའི་ཏིང་ངེ་འཛིན་ཏོ། །གང་ལས་བླ་མེད་དཀྱིལ་འཁོར་རབ་གསལ་བ། །རྒྱུད་རྣམས་མ་ལུས་པ་ལ་ཁྱབ་པ་དང་། །ཆོས་ཀུན་ལ་ནི་འདི་ཡིས་རྒྱས་བཏབ་
D453.082.0235a04.01པས། །འདུས་པ་རྩ་བར་གསུངས་པ་དོན་བསྟན་པའོ། །སྙིང་པོའི་འོད་ཟེར་དཔག་མེད་ལས་སྤྲུལ་པའི། །ཐུབ་པས་རབ་རིབ་ཀུན་དུ་ངེས་བསལ་ནས། །མ་ལུས་སེམས་ཅན་སངས་རྒྱས་རྫོགས་བྱས་ཏེ། །གསང་སྔགས་རིག་པའི་ནང་དུ་ཆུད་པར་བྱ། །གཟུགས་ལ་
D453.082.0235a05.01སོགས་པའི་རྣམ་པ་མ་གཏོགས་པའི། །འཛིན་པ་དེ་ནི་དངོས་སུ་མཐོང་མི་འགྱུར། །བཟུང་པ་དག་ཀྱང་ཅུང་ཟད་ཡོད་མིན་ལ། །གཞན་པའི་དྲ་བ་ཡིས་ཀྱང་མཐོང་དུ་མེད། །འཁྲུལ་བའི་ཤེས་རབ་བྱ་གང་ཡང་མེད། །ཡོངས་སུ་འཛིན་པ་ཡོད་པར་མ་མཐོང་སྟེ། །ཅིག་ཅར་
D453.082.0235a06.01སྐྱེ་བཞིན་པ་ནི་གཟུགས་མཆོག་ཡིན། །འདི་དག་འཛིན་པ་པོ་ནི་ཡོད་པ་མིན། །དཀར་དམར་ལ་སོགས་གང་ཞིག་མཐོང་པ་རྣམས། །དེ་ཉིད་དུས་གཞན་དག་ཏུ་མཐོང་མི་འགྱུར། །འདི་དག་གཅིག་ལ་གཅིག་གིས་འགལ་སྣང་ཕྱིར། །རྟག་ཏུ་འཕྲུལ་པའི་ཤེས་པ་དག་དང་མཚུངས། །
D453.082.0235a07.01