完整藏文原文 · 德格版页 当前仅加载第 82 函德格 133b 版页；藏文 NFD、目录标记与异常页序保留在来源切片中，重复版页行以稳定序号区分。
སྟེ། །ཐམས་ཅད་བརྟེན་པའི་ཚུལ་འབྱུང་བ། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་བཅོམ་ལྡན་འདས་སྤོབས་པ་བརྩེགས་པ་སངས་རྒྱས་ཐམས་ཅད་ཀྱི་ཡེ་ཤེས་མངོན་པར་རོལ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། བྱང་ཆུབ་ཀྱི་
D453.082.0133b01.01སེམས་འདི་གསུངས་སོ། །རང་བཞིན་རྟོག་པའི་ཚོགས་འབྱུང་བ། །རྣམ་པར་བརྟགས་པ་རང་བྱུང་གང་། །སེམས་གསུམ་སྣང་བའི་ངང་དུ་དག །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་བཅོམ་ལྡན་འདས་མེ་ཏོག་དེ་བཞིན་གཤེགས་པ་
D453.082.0133b02.01རྡོ་རྗེ་རྒྱལ་མཚན་སངས་རྒྱས་ཐམས་ཅད་ཀྱི་མངོན་པར་རྟོགས་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། བྱང་ཆུབ་ཀྱི་སེམས་འདི་གསུངས་སོ། །གསང་བ་རབ་ཏུ་འཛིན་པ་ཡིས། །རྣལ་འབྱོར་པ་ནི་བྱང་ཆུབ་མཆོག །སྤྲོས་བཅས་སྤྲོས་མེད་ཚུལ་དག་གིས། །
D453.082.0133b03.01གསང་བ་སྤྱོད་པའི་ཚུལ་བསྟན་པའོ། །ཞེས་གསུངས་སོ། །དེ་ནས་བཅོམ་ལྡན་འདས་ཕན་པར་བཞེད་པ་རྡོ་རྗེས་སངས་རྒྱས་ཐམས་ཅད་ཀྱི་སྙིང་པོ་ཁྱབ་པའི་ཡེ་ཤེས་ཀུན་དུ་འཕྲུལ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། བྱང་ཆུབ་ཀྱི་སེམས་འདི་གསུངས་སོ། །
D453.082.0133b04.01འདིར་ནི་གང་དུ་རྣམ་ཤེས་དང་། །ཡེ་ཤེས་གཉིས་སུ་མེད་པ་སྟེ། །ཀུན་གཞི་རྟོག་པ་མེད་པར་གསལ། །བྱང་ཆུབ་རྟེན་འབྲེལ་ཚུལ་བསྟན་པའོ། །ཞེས་གསུངས་སོ། །དེ་ནས་བཅོམ་ལྡན་འདས་རྣམ་པར་རོལ་པར་ལྡན་པའི་སྙིང་པོས་སངས་རྒྱས་ཐམས་ཅད་ཀྱི་ཡེ་ཤེས་ནམ་
D453.082.0133b05.01མཁའི་སྙིང་པོ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། བྱང་ཆུབ་ཀྱི་སེམས་འདི་གསུངས་སོ། །ཇི་སྲིད་ནམ་མཁའ་སྟོང་བ་མིན། །རང་སེམས་སྟོང་ཉིད་ནམ་མཁའ་ལས། །རྟོགས་པའི་ཡེ་ཤེས་སྟོང་ཉིད་དེ། །ཀུན་སྟོན་ཚུལ་འདི་བསྟན་པའོ། །ཞེས་གསུངས་སོ། །
D453.082.0133b06.01དེ་ནས་བཅོམ་ལྡན་འདས་མུན་པ་དང་བྲལ་བའི་རྡོ་རྗེ་སངས་རྒྱས་ཐམས་ཅད་ཀྱི་ཡེ་ཤེས་རྡོ་རྗེའི་དྲ་བས་ཡོངས་སུ་འབྲེལ་བ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །དངོས་པོ་མེད་ཅིང་རང་སྟོང་པ། །བདེ་ཆེན་ཕྱི་ནང་དམིགས་མེད་
D453.082.0133b07.01