完整藏文原文 · 德格版页 当前仅加载第 82 函德格 226b 版页；藏文 NFD、目录标记与异常页序保留在来源切片中，重复版页行以稳定序号区分。
སྐྱབས་སོང་ན། །དག་པ་ཡེ་ཤེས་སྤྱོད་པ་ཡི། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་སྙེངས་དང་བྲལ་བ་རྡོ་རྗེ་སངས་རྒྱས་ཐམས་ཅད་ཀྱི་སངས་རྒྱས་རྗེས་སུ་དྲན་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་
D453.082.0226b01.01ཀྱི་སེམས་འདི་གསུངས་སོ། །སངས་རྒྱས་ལ་ནི་སྐྱབས་སོང་བ། །མ་འོངས་པ་ན་སངས་རྒྱས་ཀྱི། །ལྟ་བས་མི་ངོམས་སྐུ་མཐོང་ཞིང་། །དེ་ཉིད་ཚུལ་འདི་བསྟན་པའོ། །ཞེས་གསུངས་སོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཡེ་ཤེས་བརྗེད་པ་མེད་པ་སངས་
D453.082.0226b02.01རྒྱས་ཐམས་ཅད་ཀྱི་ཆོས་རྗེས་སུ་དྲན་པ་རྡོ་རྗེའི་ཏིང་ངེ་འཛིན་ལ་སྙོམས་བར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །དམ་པའི་ཆོས་ལ་སྐྱབས་འགྲོ་བ། །མ་འོངས་པ་ན་རྒྱལ་བ་ལ། །དམ་པའི་ཆོས་སྒྲ་ཐོས་ནས་ནི། །བྱང་ཆུབ་ཚུལ་འདི་ཐོབ་བྱེད་པའོ། །ཞེས་གསུངས་
D453.082.0226b03.01སོ། །དེ་ནས་དེ་བཞིན་གཤེགས་པ་སྤོབས་པའི་སྤྱན་སངས་རྒྱས་ཐམས་ཅད་ཀྱི་འཕགས་པའི་ཚོགས་རྗེས་སུ་དྲན་པ་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །འཕགས་པའི་དགེ་འདུན་སྐྱབས་སོང་གང་། །མ་འོངས་པ་ན་ཉན་ཐོས་
D453.082.0226b04.01དང་། །བྱང་ཆུབ་སེམས་དཔའི་ཚོགས་རྣམས་དང་། །ལྷན་ཅིག་སྤྱོད་པ་སྟོན་པར་འགྱུར། །ཞེས་གསུངས་སོ། །དེ་ནས་དེ་བཞིན་གཤེགས་པ་བློའི་མཆོག་ཐུབ་པ་སངས་རྒྱས་ཐམས་ཅད་ཀྱི་བསྟན་པ་གཅིག་ཏུ་སྟོན་པ་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་
D453.082.0226b05.01སེམས་འདི་གསུངས་སོ། །རྒྱལ་བའི་རིན་ཆེན་རྣམ་གསུམ་པོ། །དབང་ཕྱུག་ཚོགས་པས་མཐར་ཐུག་དུས། །གཅིག་པུ་ཉིད་དུ་ཐུགས་ལ་བཞུགས། །དེ་ཉིད་བྱང་ཆུབ་ཚུལ་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་ཐུབ་པ་ཟླ་བ་སངས་རྒྱས་ཐམས་
D453.082.0226b06.01ཅད་ཀྱི་ཆོས་ཀྱི་རྗེས་སུ་མཐུན་པའི་ཕྱོགས་ལ་ཞུགས་པ་རྣམ་པར་དག་པ་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །སྐུ་གསུམ་རང་ལས་ལྷན་ཅིག་སྐྱེས། །དེ་ཉིད་ལྷུན་གྱིས་གྲུབ་པའི་གནས། །ཡེ་ཤེས་སྤྱོད་པ་གནས་འདི་ཉིད། །སྟོན་པའི་
D453.082.0226b07.01