完整藏文原文 · 德格版页 当前仅加载第 82 函德格 117a 版页；藏文 NFD、目录标记与异常页序保留在来源切片中，重复版页行以稳定序号区分。
འདས་དེ་བཞིན་གཤེགས་པ་གྲུབ་པ་གདོན་མི་ཟ་བས་གསུངས་སོ། །དེ་ནས་རྡོ་རྗེ་འཛིན་པ་ཐམས་ཅད་ཀྱི་བཙུན་མོ་སྤྱན་མས་རྡོ་རྗེ་འཛིན་པ་ཐམས་ཅད་མཉེས་པར་བྱེད་པའི་དམ་ཚིག་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། སྲིད་མེད་མྱ་ངན་
D453.082.0117a01.01འདས་མེད་པ། །འདི་ནི་རྡོ་རྗེ་བདེ་ཆེན་པོ། །སྒོམ་པ་མེད་ཅིང་བསྒོམ་པའང་མེད། །དགོས་པ་མཆོག་ཏུ་བསྒྲུབས་པས་བདེ། །ཞེས་གསུངས་སོ། །རྡོ་རྗེ་བཙུན་མོ་མཱ་མ་ཀཱིས་སངས་རྒྱས་ཐམས་ཅད་རྗེས་སུ་མཉེས་པར་བྱེད་པའི་དམ་ཚིག་རྡོ་རྗེ་ཞེས་བྱ་བའི་ཏིང་ངེ་འཛིན་ལ་
D453.082.0117a02.01སྙོམས་པར་ཞུགས་ཏེ། སྟོང་ཞིང་སྣང་མེད་གནས་ཀྱི་མཆོག །རྨི་ལམ་སྒྱུ་མའི་རང་བཞིན་ཅན། །སེམས་ཀྱི་རང་བཞིན་སྒོམ་པ་སྟེ། །ཇི་སྲིད་དུ་ཡང་མེད་པའོ། །ཞེས་གསུངས་སོ། །རྡོ་རྗེ་བཙུན་མོ་གོས་དཀར་མོས་སངས་རྒྱས་ཐམས་ཅད་རྗེས་སུ་ཆགས་པར་བྱེད་
D453.082.0117a03.01པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། དབྱངས་དང་ཡི་གེ་རྣམ་བྲལ་ཏེ། །དེ་ནི་སེམས་དང་ཐིག་ལེ་མིན། །འདི་ནི་དམ་པའི་བདེ་ཆེན་ཏེ། །དབྲི་ཞིང་བསྣན་པ་ཡོད་མ་ཡིན། །ཞེས་གསུངས་སོ། །རྡོ་རྗེ་བཙུན་མོ་སྒྲོལ་མས་སངས་རྒྱས་ཐམས་
D453.082.0117a04.01ཅད་ཀྱི་སྐུ་གསུང་ཐུགས་མི་སླུ་བ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། ཆོས་རྣམས་གཟུགས་བརྙན་རང་བཞིན་ཏེ། །དེ་བཞིན་བསྒོམ་བྱའི་དངོས་གང་ཡང་། །སྟོང་ཞིང་སྣང་མེད་གནས་མཆོག་སྟེ། །དེ་ཚེ་སྡིག་དང་བསོད་ནམས་དག །ཅེས་གསུངས་སོ། །
D453.082.0117a05.01དེ་ནས་ལྷ་མོ་གཟུགས་རྡོ་རྗེ་དམ་ཚིག་མཆོག་གིས་མཆོད་པ་བླ་ན་མེད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། དཔེར་ན་ཆུ་དང་ཟླ་བ་ནི། །བདེན་མིན་{བརྫུན་,རྫུན་}པའང་མ་ཡིན་པ། །དེ་བཞིན་དཀྱིལ་འཁོར་འཁོར་ལོ་འདི། །དང་ཞིང་གསལ་བའི་རང་བཞིན་ནོ། །
D453.082.0117a06.01ཞེས་གསུངས་སོ། །ལྷ་མོ་སྒྲ་རྡོ་རྗེ་ནམ་མཁའི་འོད་ཀྱི་སྤྲིན་རྡོ་རྗེས་ཚིམ་པར་བྱེད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། སྟོང་ཞིང་སྣང་མེད་གནས་གྱུར་པ། །རྨི་ལམ་སྒྱུ་མའི་རང་བཞིན་ཏེ། །སེམས་ཀྱི་ངོ་བོ་སྒོམ་པ་སྟེ། །ཇི་སྲིད་ཡང་དག་བདག་མེད་པའོ། །
D453.082.0117a07.01