完整藏文原文 · 德格版页 当前仅加载第 82 函德格 291a 版页；藏文 NFD、目录标记与异常页序保留在来源切片中，重复版页行以稳定序号区分。
གི་ནི་གཉེན་པོ་ཆེས། །ཁྱབ་འཇུག་འདུལ་བར་མཛད་པའོ། །བདག་ཉིད་ཕུང་པོ་ཁམས་དང་ནི། །སྐྱེ་མཆེད་ལྷ་རུ་གསལ་བ་ལས། །འདོད་ཆགས་རྟོག་པ་དང་བྲལ་བའི། །དབང་ཕྱུག་ཆེན་པོ་འདུལ་བའོ། །ཐ་མལ་རྟོག་པ་དག་ནས་ནི། །
D453.082.0291a01.01ཞེན་མེད་སྐུ་རུ་གནས་པ་ཡིས། །ཚངས་པའི་རྒྱལ་པོ་འདུལ་བྱེད་པ། །གཏི་མུག་དག་པའི་ངོ་བོ་ཉིད། །རྡོ་རྗེ་ར་བ་ལ་སོགས་པས། །བརྒྱ་བྱིན་ལ་སོགས་ཕྱོགས་སྐྱོང་བཅུ། །ངེས་པར་འདུལ་མཛད་བསྲུང་བ་ཆེ། །བཀའ་ཡི་འཁོར་ལོ་བསྟན་པ་ཡིན། །ཚད་མེད་བཞི་ནི་གོམས་པ་
D453.082.0291a02.01ཡི། །ཡེ་ཤེས་མཐུ་ཡིས་སྐར་མདའ་གཏོང་། །འདི་ཡིས་དགའ་རབ་དབང་ཕྱུག་ནི། །ཕྲག་དོག་བཅོམ་པས་དེ་བཞིན་གཤེགས། །འཇིག་རྟེན་འཇིག་རྟེན་ལས་འདས་པ། །གསང་བ་འདིར་ནི་མངོན་བརྗོད་པས། །འདིར་ནི་སྐྱེས་བུ་གང་འཇུག་པ། །བློ་གྲོས་ལྡན་
D453.082.0291a03.01པས་ཆོས་འབྱུང་བའི། །ཀུན་དུ་བཟང་པོ་ངེས་པར་ནི། །འགྲོ་བའི་དོན་དུ་བསྟན་པ་ཡིན། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་གསང་བ་གསང་བ་འདུས་པ་རྣལ་འབྱོར་ཆེན་པོ་གཉིས་སུ་མེད་པ་མཉམ་པ་ཉིད་རྣམ་པར་རྒྱལ་བའི་རྒྱུད་ལས་ལས་
D453.082.0291a04.01ཕྲན་ཚེགས་བསྟན་པ་དང་སྤྱོད་པ་བསྟན་པའི་ལེའུ་སྟེ་དྲུག་ཅུ་དགུ་པའོ།། །།དེ་ནས་དཔལ་ལྡན་རྡོ་རྗེ་འཛིན། །དེ་བཞིན་གཤེགས་པ་ཀུན་གྱིས་མཆོད། །སངས་རྒྱས་ཀུན་བདག་མཆོག་མཁྱེན་པས། །གསང་བའི་ཡེ་ཤེས་བཀའ་སྩལ་ཏོ། །ནམ་
D453.082.0291a05.01མཁའི་དབྱིངས་ཀྱི་དབུས་གནས་པར། །སངས་རྒྱས་དཀྱིལ་འཁོར་བསྒོམ་པར་བྱ། །དཔག་ཚད་བརྒྱ་ཡི་ཁྱོན་ཙམ་དུ། །དཀྱིལ་འཁོར་འཁོར་ལོ་བསམ་པ་ཡིས། །དཀྱིལ་འཁོར་གྱི་ནི་ངོས་རེ་ཞིང་། །དཔག་ཚད་རེ་ལ་ཆ་ཆེན་ཏེ། །ཉི་ཤུ་རྩ་ལྔའི་དབྱེ་བ་
D453.082.0291a06.01ཡིས། །ལོགས་རེ་ལ་ནི་གནས་པ་སྟེ། །དཔལ་ལྡན་འདུས་པའི་དཔལ་མཆོག་ལས། །རྣམ་པར་རྒྱལ་པའི་དཀྱིལ་འཁོར་ཆེ། །རྣམ་པར་མཁས་པར་རྟག་པར་ཡང་། །རིགས་རྣམས་རབ་ཏུ་དགོད་བྱ་བ། །སངས་རྒྱས་དང་ནི་ལྷ་མོ་དང་། །བྱང་ཆུབ་
D453.082.0291a07.01