完整藏文原文 · 德格版页 当前仅加载第 82 函德格 230b 版页；藏文 NFD、目录标记与异常页序保留在来源切片中，重复版页行以稳定序号区分。
རང་བྱུང་ཐམས་ཅད་མཁྱེན་པ་ཡི། །ནོར་བུ་རིན་ཆེན་ལྟ་བུར་ནི། །འགྲོ་བའི་དགོས་འདོད་སྐོང་བྱེད་པས། །ཐམས་ཅད་རྡོ་རྗེ་གསུམ་དུ་ནི། །ལྷག་པའི་མཆོག་གི་དབང་བསྐུར་ཏེ། །དུས་གསུམ་ཕྱོགས་བཅུའི་སངས་རྒྱས་དང་། །བྱང་ཆུབ་སེམས་དཔའ་རིག་མར་བཅས། །ལྷ་མོའི་ཚོགས་
D453.082.0230b01.01དང་བཅས་པ་ཡིས། །ཁྲོ་བོའི་རྒྱལ་པོ་དུ་མ་ཡིས། །དབང་བསྐུར་གྱུར་པས་གསང་པའི་རིམ། །སྦས་པའི་ཚུལ་གྱིས་འཚང་རྒྱར་འགྱུར། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་གསང་བ་གསང་བ་འདུས་པ་རྣལ་འབྱོར་ཆེན་པོ་གཉིས་སུ་མེད་པ་མཉམ་པ་ཉིད་
D453.082.0230b02.01རྣམ་པར་རྒྱལ་པའི་རྒྱུད་ལས་སངས་རྒྱས་ཐམས་ཅད་ཀྱི་སྐུ་གསུམ་གྱི་ཞིང་ཁམས་བསྟན་པའི་སྤྱོད་ཡུལ་བླ་ན་མེད་པའི་ལེའུ་སྟེ་ལྔ་བཅུ་གསུམ་པའོ།། །།དེ་ནས་དེ་བཞིན་གཤེགས་པ་སྤོབས་པའི་མཆོག་འདུས་པ་སངས་རྒྱས་ཐམས་ཅད་ཀྱི་རྣམ་པར་མི་འགྱུར་བ་རྡོ་རྗེའི་
D453.082.0230b03.01ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །ཕུན་སུམ་ཚོགས་པའི་འབྱུང་གནས་གང་། །རྣལ་འབྱོར་ཆོས་ཀྱི་རྒྱས་གདབ་པས། །ཁམས་གསུམ་ཡེ་ཤེས་གཅིག་པར་སྒྱུར། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་
D453.082.0230b04.01བཞིན་གཤེགས་པ་ཆོས་སྦྱིན་སངས་རྒྱས་ཀྱི་ཆོས་ཐམས་ཅད་ལ་མངོན་པར་རྫོགས་པ་བྱང་ཆུབ་པ་ལ་མི་འཇིགས་པ་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །ཆོས་ཅན་མ་ལུས་རྒྱ་མཚོ་ཀུན། །རང་ལག་སྐྱུ་རུ་ར་བཞག་བཞིན། །རྣམ་པར་ཐོ་
D453.082.0230b05.01འཚམ་ལས་རྒལ་བའི། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་ཡེ་ཤེས་བཟང་པོ་སངས་རྒྱས་ཐམས་ཅད་ཀྱི་ཟག་པ་མ་ལུས་པར་མཁྱེན་པ་མི་འཇིགས་པ་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །
D453.082.0230b06.01ཡེ་ཤེས་རྡོ་རྗེའི་སྟོབས་ཀྱིས་ནི། །འཇིག་ཚོགས་སྲིད་པ་བཅོམ་ནས་ནི། །མི་ལྡོག་བྱང་ཆུབ་ཆེན་པོ་ཉིད། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་ཟླ་བའི་ཞལ་སངས་རྒྱས་ཐམས་ཅད་ཀྱི་བར་དུ་གཅོད་པའི་ཆོས་རྣམ་པ་གཞན་དུ་མི་འགྱུར་
D453.082.0230b07.01