完整藏文原文 · 德格版页 当前仅加载第 82 函德格 120a 版页；藏文 NFD、目录标记与异常页序保留在来源切片中，重复版页行以稳定序号区分。
མནན་ཅིང་ཤར་ཕྱོགས་བཞུགས། །གཤིན་རྗེ་གཤེད་ལ་ཕྱག་འཚལ་ལོ། །པྲཛྙཱནྟ་ཀྲྀཏ་སྔགས་ལས་སྐྱེས། །ཐུགས་ལས་སྐྱེས་པའི་ཁྲོ་རྒྱལ་ནི། །གཤིན་རྗེ་མནན་ཅིང་ལྷོ་ཕྱོགས་བཞུགས། །རྣམ་པར་རྒྱལ་ལ་ཕྱག་འཚལ་ལོ། །པདྨཱནྟ་ཀྲྀཏ་སྔགས་
D453.082.0120a01.01ལས་སྐྱེས། །གསུང་མཆོག་པདྨ་རང་འབྱུང་བ། །ཆུ་བདག་མནན་ཅིང་ནུབ་ཕྱོགས་བཞུགས། །གསུང་མཆོག་རྒྱལ་ལ་ཕྱག་འཚལ་བསྟོད། །བིགྷནཱནྟ་ཀྲྀཏ་སྔགས་ལས་སྐྱེས། །ཕྲིན་ལས་སྣ་ཚོགས་མཛད་པ་པོ། །གནོད་སྦྱིན་མནན་ཅིང་བྱང་ཕྱོགས་བཞུགས། །
D453.082.0120a02.01བདུད་རྩི་འཁྱིལ་ལ་ཕྱག་འཚལ་བསྟོད། །རྣམ་པར་རྟོག་པས་མི་གཡོ་ཞིང་། །ཡེ་ཤེས་གསང་བའི་དོན་ལྡན་པའི། །ཁྲོ་རྒྱལ་བྱིན་ཟའི་སྟེང་བཞུགས་པ། །མི་གཡོ་མགོན་ལ་ཕྱག་འཚལ་ལོ། །བརྟུལ་ཞུགས་ཆེན་པོ་མི་བཟད་པས། །ལོག་འདྲེན་དཔུང་རྣམས་འཇོམས་
D453.082.0120a03.01མཛད་པ། །ཁྲོ་རྒྱལ་བདེན་བྲལ་སྟེང་ན་བཞུགས། །འདོད་པའི་རྒྱལ་པོ་ཕྱག་འཚལ་ལོ། །གཏུམ་པོ་སྲིད་གསུམ་འཇོམས་མཛད་ཅིང་། །སྙིང་རྗེའི་སྟོབས་དང་ལྡན་པའི་སྐུ། །རླུང་བདག་སྟེང་གནས་ཁྲོ་བོ་ཆེ། །དབྱུག་སྔོན་ཅན་ལ་ཕྱག་འཚལ་ལོ། །དུས་གསུམ་བདེ་
D453.082.0120a04.01གཤེགས་ཐམས་ཅད་ཀྱི། །ཡེ་ཤེས་མཆོག་གིས་དབང་བསྐུར་བ། །ཁྲོ་རྒྱལ་དབང་ལྡན་སྟེང་བཞུགས་པ། །སྟོབས་པོ་ཆེ་ལ་ཕྱག་འཚལ་ལོ། །དུག་གསུམ་རྟོག་པ་དག་བྱས་ཤིང་། །སྣ་ཚོགས་སྒྱུ་མར་གར་མཛད་པ། །ཚངས་པའི་སྟེང་བཞུགས་ལྷ་ཡི་གཙོ། །འཁོར་
D453.082.0120a05.01ལོས་སྒྱུར་ལ་ཕྱག་འཚལ་ལོ། །བྱང་ཆུབ་སེམས་ཀྱི་རང་བཞིན་སྐུ། །སྤྲོས་མེད་དེ་བཞིན་ཉིད་ལས་བྱུང་། །ཀཱ་ལ་ཀྲོ་དྷ་གནོན་མཛད་པ། །ཁྲོ་རྒྱལ་གནོད་མཛེས་ཕྱག་འཚལ་ལོ། །བྱང་ཆུབ་སེམས་ལས་རང་བྱུང་བ། །སངས་རྒྱས་ཀུན་གྱི་དེ་བཞིན་ཉིད། །སྒྱུ་མ་དག་ལ་སྤྲོས་
D453.082.0120a06.01མེད་སྐུ། །འོད་གསལ་བདེ་བའི་བསམ་གཏན་ཉིད། །དུས་གསུམ་སངས་རྒྱས་ཐམས་ཅད་ཀྱི། སྐུ་གསུང་ཐུགས་ཀྱི་ཕྱག་རྒྱ་ལས། །རླུང་སྔགས་ལས་བྱུང་རང་དག་ཅིང་། །ཐམས་ཅད་ཆོས་ནི་ཡོངས་རྫོགས་པར། །སྣང་བ་ཡེ་ཤེས་རང་བཞིན་ཚོགས། །སྤྲོ་དང་
D453.082.0120a07.01