完整藏文原文 · 德格版页 当前仅加载第 82 函德格 160a 版页；藏文 NFD、目录标记与异常页序保留在来源切片中，重复版页行以稳定序号区分。
བར་དཀའ། །དེ་བས་གསང་ཆེན་རྙེད་དཀའ་བས། །སངས་རྒྱས་རྣམས་ནི་འཇིག་རྟེན་དུ། །འབྱུང་བར་འགྱུར་རམ་མ་བྱོན་ཡང་། །གསང་བའི་ཡི་གེ་རྣམ་དག་པ། །འཕེལ་འགྲིབ་སྤངས་པས་གནས་པ་ཡིན། །སངས་རྒྱས་ཀུན་གྱི་གསང་བའི་གནས། །
D453.082.0160a01.01གསང་ཆེན་རང་འབྱུང་མཉམ་པ་ཉིད། །དཔལ་མཆོག་འདི་ནི་བསྡུས་པའི་ཚུལ། །ཡེ་ཤེས་ཆེན་པོའི་ཚུལ་བསྟན་པའོ། །ཞེས་དེ་བཞིན་གཤེགས་པ་རྡོ་རྗེ་སེམས་དཔའ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ལ་གསང་བ་འཇིག་རྟེན་དུ་འབྱུང་བར་དཀའ་བར་གདམས་ཤིང་
D453.082.0160a02.01བསྟན་པའོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་གསང་བ་གསང་བ་འདུས་པ་རྣལ་འབྱོར་ཆེན་པོ་གཉིས་སུ་མེད་པ་མཉམ་པ་ཉིད་རྣམ་པར་རྒྱལ་བ་ལས་སངས་རྒྱས་ཐམས་ཅད་ཀྱི་མཛད་པ་བསྟན་པའི་ལེའུ་སྟེ་ཉེར་དྲུག་པའོ།། །།དེ་ནས་དེ་
D453.082.0160a03.01བཞིན་གཤེགས་པ་སྲིད་མཐའ་གཟིགས་སངས་རྒྱས་ཐམས་ཅད་ཀྱིས་སྲིད་པའི་ཆུ་ཀླུང་སྐེམས་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །འདིར་ནི་སྲིད་པའི་དྲ་བ་དག །རྣམ་པར་གཅོད་ཅིང་ཡེ་ཤེས་མེས། །སྡུག་
D453.082.0160a04.01བསྔལ་གནས་འདི་བསྲེག་པར་བྱ། །དེ་ཉིད་བདེ་བ་ཀུན་གྱི་གནས། །ཞེས་གསུངས་སོ། །དེ་ནས་དེ་བཞིན་གཤེགས་པ་ཟླ་བ་སྒྲ་གཅན་སངས་རྒྱས་ཐམས་ཅད་ཀྱི་འཁོར་བའི་རི་བོ་འཇོམས་པར་བྱེད་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་
D453.082.0160a05.01འདི་གསུངས་སོ། །རྟོག་པ་སྣ་ཚོགས་ལས་བཅས་པ། །གཡེང་བས་སྡུག་བསྔལ་ཕུང་པོར་གྱུར། །དེ་བསལ་ཡེ་ཤེས་བྱང་ཆུབ་སེམས། །བླང་དོར་མེད་པའི་ངང་དུ་གནས། །ཞེས་གསུངས་སོ། །དེ་ནས་དེ་བཞིན་གཤེགས་པ་རིན་ཆེན་ཟླ་བ་སངས་རྒྱས་ཐམས་ཅད་ཀྱི་ཕྱག་
D453.082.0160a06.01རྒྱའི་གནས་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །ཀུན་དུ་ཕྱག་རྒྱས་རྒྱས་བཏབ་པས། །མི་ཕྱེད་ཡེ་ཤེས་བདག་ཉིད་གྱུར། །དེ་ཉིད་ཕྱག་རྒྱ་བཞི་ལྡན་པས། །ཐམས་ཅད་སྡོམ་པར་ཤེས་པར་བྱ། །ཞེས་གསུངས་སོ། །
D453.082.0160a07.01