完整藏文原文 · 德格版页 当前仅加载第 82 函德格 242a 版页；藏文 NFD、目录标记与异常页序保留在来源切片中，重复版页行以稳定序号区分。
ནི་རང་བྱུང་བའི། །རྣམ་སྣང་མཛད་ཅེས་བྱ་བ་སྐུ་རྡོ་རྗེ། །སྟོན་ཀའི་སྤྲིན་དཀར་དག་པ་ལྟ་བུའི་མདོག །ཞལ་གསུམ་ཕྱག་དྲུག་སྣ་ཚོགས་རྒྱན་གྱིས་མཛེས། །གཡས་མཐིང་གཡོན་དམར་རྩ་བསྐུ་དང་མཚུངས། །དང་པོ་གཉིས་ཀྱིས་འཁོར་ལོ་དྲིལ་
D453.082.0242a01.01བུ་འཛིན། །རིག་མ་ཡེ་ཤེས་ལེགས་པར་འཁྱུད་པའོ། །བར་མ་གཉིས་ཀྱིས་རྡོ་རྗེ་རིན་ཆེན་དང་། །ཐ་མས་པད་དཀར་རལ་གྲི་ལེགས་བསྣམས་པའོ། །དེ་ཉིད་ཐུགས་ཀ་ནས་ནི་ཕྱུང་ནས་ནི། །མཛད་པ་སྤྱོད་དེ་གཏི་མུག་ཅན་སྦྱངས་ནས། །སྟོབས་མཆོག་གླང་
D453.082.0242a02.01པོའི་གདན་ཁྲིའི་སྟེང་དུ་ནི། །ཤར་གྱི་པདྨ་ཟླ་བའི་དབུས་སུ་བསམ། །རཏྣ་དྷྲྀཀ་སྔགས་ལས་ནི་རང་བྱུང་བའི། །དཀོན་མཆོག་དཔལ་ཞེས་བྱ་བ་རིན་ཆེན་སྐུ། །འཛམ་བུའི་ཆུ་བོ་གསེར་གྱི་འོད་དང་མཚུངས། །ཞལ་གསུམ་ཕྱག་དྲུག་ནོར་བུའི་ཚོགས་ཀྱིས་བརྒྱན། །གཡས་
D453.082.0242a03.01སྔོ་གཡོན་དཀར་གཞོན་ནུ་རིན་ཆེན་ཏོག །དང་པོའི་གཡས་གཡོན་ཕྱག་གིས་ལག་བསྣོལ་ཏེ། །ཡིད་བཞིན་ནོར་བུ་དྲིལ་བུ་ལེགས་པ་འཛིན། །བར་མས་འཁོར་ལོ་དང་ནི་རྡོ་རྗེ་དང་། །ཐ་མས་གསེར་གྱི་མེ་ཏོག་རལ་གྲི་འཆང་། །དེ་ཉིད་འོད་ཟེར་ཕུང་པོ་དང་བཅས་པ། །
D453.082.0242a04.01ཕྱུང་སྟེ་གཡས་ལོགས་ངོགས་སུ་བཏོན་ནས་ཀྱང་། །མཛད་པ་སྤྱོད་དེ་ང་རྒྱལ་ཅན་དོན་བྱས། །སླར་ལོག་རྫུ་འཕྲུལ་རྟ་ཡི་ཁྲི་ལ་བཞུགས། །པདྨ་ཟླ་བའི་གདན་ལ་ལྷོར་གནས་པའོ། །ཨཱ་རོ་ལིཀ་སྔགས་ལས་ནི་རབ་བྱུང་བའི། །འོད་དཔག་མེད་པ་གསུང་གི་རྡོ་རྗེ་ནི། །པདྨ་
D453.082.0242a05.01རཱ་ག་ལྟ་བུའི་མདངས་དང་ལྡན། །ཞལ་གསུམ་པ་ལ་ཕྱག་དྲུག་ངེས་བྱུང་བའི། །གཡས་ནག་གཡོན་དཀར་རྩ་བ་སྐུ་དང་མཚུངས། །དང་པོ་གཉིས་ཀྱིས་པདྨ་དྲིལ་བུ་དང་། །བར་པས་རྡོ་རྗེ་རིན་ཆེན་སྙེ་མ་ཅན། །ཐ་མས་འཁོར་ལོ་རལ་གྲི་འཛིན་མཛད་པ། །རིན་ཆེན་དུ་མས་
D453.082.0242a06.01སྤྲས་པའི་བདག་ཉིད་ཆེ། །ཐུགས་ཀ་ནས་ཕྱུང་སྤྲོ་བསྡུས་འགྲོ་བའི་དོན། །འདོད་ཆགས་ཅན་གྱི་དོན་བྱས་སླར་འདུས་པས། །མཛེས་པ་རྨ་བྱའི་ཁྲི་ལ་ནུབ་ཕྱོགས་བཞུགས། །པྲཛྙཱ་དྷྲྀཀ་ཅེས་གསང་སྔགས་ལས་ཕྱུང་བ། །གདོན་མི་ཟ་བ་ཕྲིན་ལས་རྡོ་རྗེ་ནི། །རིན་ཆེན་མ་རྒད་ལྗང་
D453.082.0242a07.01