完整藏文原文 · 德格版页 当前仅加载第 82 函德格 262a 版页；藏文 NFD、目录标记与异常页序保留在来源切片中，重复版页行以稳定序号区分。
སྲོང་ཐམས་ཅད་ཀྱིས། །བསྟོད་ཅིང་བསྔགས་པར་གྱུར་པ་གང་། །བདེན་པའི་སྟོབས་ལས་བྱུང་བ་ཉིད། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །འདི་ལྟར་དེ་བཞིན་གཤེགས་པས་བསྐལ་པ་གངྒཱའི་ཀླུང་གི་བྱེ་མ་སྙེད་ཁྲག་ཁྲིག་བརྗོད་
D453.082.0262a01.01ཀྱིས་མི་ལང་བ་བསམ་གྱིས་མི་ཁྱབ་པའི་སྤྱོད་ཡུལ་ལ་འདི་ལྟ་སྟེ། དེ་བཞིན་གཤེགས་པ་དེ་དག་གསང་བ་ཆེན་པོ་འདིའི་ངང་ལ་གནས་ཤིང་ཀུན་དུ་སྟོན་པ་དང་། ཏིང་ངེ་འཛིན་གྱི་སྒོ་དུ་མ་མངོན་པར་སྒྲུབ་པར་བྱེད་པ་སྟེ། འདས་པ་དང་མ་འོངས་པ་དང་ད་ལྟར་བྱུང་བའི་
D453.082.0262a02.01གནས་ངེས་པར་ལུང་སྟོན་པ་ཉིད་དོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་གསང་བ་གསང་བ་འདུས་པ་རྣལ་འབྱོར་ཆེན་པོ་གཉིས་སུ་མེད་པ་མཉམ་པ་ཉིད་རྣམ་པར་རྒྱལ་བ་ལས་གསང་བ་དག་པ་ཆེན་པོའི་ཚུལ་བསྟན་པའི་ལེའུ་སྟེ་དྲུག་ཅུ་གསུམ་
D453.082.0262a03.01པའོ།། །།དེ་ནས་དེ་བཞིན་གཤེགས་པ་ཡོན་ཏན་བརྩོན་འགྲུས་སངས་རྒྱས་ཐམས་ཅད་ཀྱི་དབྱིངས་འབྱུང་བའི་སྙིང་པོའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །འཁོར་བའི་ཚང་ཚིང་ཐིབས་པོ་དག །མ་རིག་རྐྱེན་ཅན་རླུང་
D453.082.0262a04.01ལས་བྱུང་། །འཇིག་རྟེན་དྲ་བ་གཅད་པའི་ཕྱིར། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་སྙིང་པོ་ཐུབ་པས་སངས་རྒྱས་ཐམས་ཅད་ཀྱི་ཟག་པ་མེད་པའི་ཆོས་ཉིད་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་
D453.082.0262a05.01འདི་གསུངས་སོ། །འདིར་ནི་ཀུན་དུ་ཁྱབ་པ་ཡི། །རླུང་ལས་སྡུད་དང་སྤྲོ་བ་དང་། །སྨིན་དང་ཉམས་པ་བྱེད་པ་ཡི། །ཚུལ་འདིས་ཕྲ་པའི་ཚུལ་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་བ་ལྷའི་བདག་བོས་སངས་རྒྱས་ཐམས་ཅད་ཀྱི་འབྱུང་གནས་
D453.082.0262a06.01བདེ་བའི་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །ཟག་བཅས་རླུང་ལས་རྟོག་པ་སྟེ། །ཟག་མེད་ཡེ་ཤེས་ཆོས་ཉིད་རླུང་། །གཉིས་སུ་མེད་པའི་དབྱིངས་གྱུར་པ། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་
D453.082.0262a07.01