完整藏文原文 · 德格版页 当前仅加载第 82 函德格 241b 版页；藏文 NFD、目录标记与异常页序保留在来源切片中，重复版页行以稳定序号区分。
ལ། །ཆོ་ག་འདི་ཡིས་སེམས་ནི་བརྟན་པོར་ལྡན། །འཇིག་རྟེན་རྣམས་ལ་ཕན་ཕྱིར་ཡང་དག་དབྱུང་། །ཡེ་ཤེས་བླ་མེད་དམ་པའི་མཆོད་པ་བརྩམ། །ཨོཾ་སརྦ་ཏ་ཐཱ་ག་ཏ་པཱུ་ཙ་བཛྲ་སྭ་བྷཱ་པ་ཨཱ་ཏྨ་ཀོ྅ཧཾ། །པདྨའི་གནས་སུ་རིན་ཆེན་དཀྱིལ་འཁོར་པའི། །རྣམ་པ་དུ་མ་རྫོགས་
D453.082.0241b01.01པའི་དཔལ་དང་ལྡན། །དེར་ནི་སོ་སོར་མངོན་པར་བྱང་ཆུབ་པའི། །ཡེ་ཤེས་ལས་བྱུང་རྡོ་རྗེ་མི་བསྐྱོད་པ། །བྷ་གའི་གཞལ་ཡས་ལས་ནི་རང་བྱུང་བ། །རྣམ་པ་ཡོངས་སུ་རྫོགས་པར་དབྱུང་བར་བྱ། །བཛྲ་དྷྲྀཀ་ཅེས་གསང་སྔགས་ལས་བྱུང་བ། །ཐུགས་ཀྱི་རྡོ་རྗེ་མགོན་པོ་ཐུབ་
D453.082.0241b02.01པ་ནི། །སྐྱེ་བོའི་དོན་མཛད་དམ་པ་ཡང་དག་བསྐུལ། །མཐིང་ཤུན་གསལ་བ་ཡེ་ཤེས་རྒྱལ་པོའི་འོད། །ནོར་བུ་སྔོན་པོའི་འོད་འདྲར་ཡང་དག་འབར། །གཡས་དང་གཡོན་པའི་ཞལ་ནས་དཀར་དང་དམར། །དམ་པ་དང་པོ་ལྟ་བུའི་ཕྱག་དང་ལྡན། །དང་པོ་གཉིས་ཀྱིས་ཡུམ་
D453.082.0241b03.01ལ་འཁྱུད་པ་དང་། །རྡོ་རྗེ་དྲིལ་བུ་འཛིན་པར་མཛད་པའོ། །བར་མ་གཉིས་ཀྱིས་འཁོར་ལོ་ནོར་བུ་དང་། །ཐ་མས་པདྨ་རལ་གྲི་ལེགས་བསྣམས་པའོ། །རིན་ཆེན་དུ་མའི་རྒྱན་རྣམས་ཡོངས་རྫོགས་པས། །ཚད་མེད་ནོར་བུ་སྣ་ཚོགས་ཀྱིས་སྤྲས་ཡིན། །དབུ་མའི་ལམ་ནས་གྱེན་དུ་
D453.082.0241b04.01བརྒྱུད་ནས་ནི། །ཐུགས་ཀ་ནས་ནི་བྱོན་ཏེ་ལེགས་བལྟམས་ནས། །ཕྱོགས་བཅུར་གཟིགས་ཤིང་འོད་ཟེར་གྲངས་མེད་ལས། །ཞིང་ཁམས་མཐའ་ཡས་ཁྱབ་པར་ལེགས་སྤྲོ་བའི། །ཐུབ་པ་མཆོག་གིས་གདུལ་བྱའི་དོན་དུ་ནི། །སངས་རྒྱས་མཛད་པ་ཆོས་ཀྱི་འཁོར་ལོ་བསྐོར། །
D453.082.0241b05.01སེམས་ཅན་ཚོགས་རྣམས་མ་ལུས་གོ་འཕང་བཀོད། །ཞེ་སྡང་རྡོ་རྗེའི་སྐུ་མཆོག་ཐོབ་བྱས་ཏེ། །ཁ་དོག་དཔག་ཏུ་མེད་པའི་འོད་ཚོགས་ལས། །བློ་དང་ལྡན་པས་ལེགས་བསྡུས་བདག་ཉིད་ལ། །དངོས་པོ་ཐམས་ཅད་ཀྱིས་ནི་ཞུགས་པར་བྱ། །སྐད་ཅིག་དེ་ལ་བདག་ཉིད་
D453.082.0241b06.01ཡོངས་བསྒྱུར་ཏེ། །སླར་ཡང་བཅོམ་ལྡན་ཞེ་སྡང་རྡོ་རྗེ་ནི། །རིན་ཆེན་ཨིནྡྲ་ནཱི་ལའི་ཁ་དོག་ལྟར། །མཐིང་ནག་ཅུང་ཟད་ཁྲོས་པའི་བདག་ཉིད་ཅན། །རྡོ་རྗེ་སྐྱིལ་ཀྲུང་དག་གིས་ལེགས་བཞུགས་པའོ། །མི་འཇིགས་སེང་གེའི་ཁྲི་ལ་གནས་མཛད་ཡིན། །ཛི་ན་ཛིཀ་སྔགས་ལས་
D453.082.0241b07.01