完整藏文原文 · 德格版页 当前仅加载第 3 函德格 291a 版页；藏文 NFD、目录标记与异常页序保留在来源切片中，重复版页行以稳定序号区分。
ཚོགས་ཆེན་པོའི་སྒྲ་ཆེན་པོ་དང་སྒྲ་མཐོན་པོ་གྲག་ནས་བྱང་ཆུབ་སེམས་དཔས་སྨྲས་པ། ཤེས་ལྡན་དག་སྐྱེ་བོའི་ཚོགས་ཆེན་པོའི་སྒྲ་ཆེན་པོ་དང་། སྒྲ་མཐོན་པོ་གྲག་པ་འདི་ཅི་ཞིག །འདུན་པས་ཇི་ལྟར་གྱུར་པ་གསོལ་བ་དང་། བྱང་ཆུབ་སེམས་དཔས་
D1.003.0291a01.01གསུངས་པ། གལ་ཏེ་དེ་ལྟ་ན་འབྱིན་དུ་འདོང་ངོ་ཞེས་བྱང་ཆུབ་སེམས་དཔའ་གཞོན་ནུ་རྣམས་དང་ལྷན་ཅིག་དོང་བ་དང་། ཇི་ཙམ་ན་ཁུང་ནས་སྦྲུལ་གདུག་པ་ཞིག་བྱང་ཆུབ་སེམས་དཔའི་མདུན་དུ་བྱུང་བ་དང་འཆར་ཀས་བྱང་ཆུབ་སེམས་དཔའ་ཐལ་བར་བརླགས་སུ་འགྱུར་དུ་འོང་
D1.003.0291a02.01ཞེས་མཚོན་རྣོན་པོས་རྐེད་དུ་བཅད་པ་ལས་དེའི་དབུགས་ཀྱིས་འཆར་ཀ་ལ་ཕོག་པས་འཆར་ཀ་ནག་པོར་གྱུར་ནས། དེའི་མིང་འཆར་ཀ་ནག་པོ་འཆར་ཀ་ནག་པོ་ཞེས་བྱ་བར་གྱུར་ཏོ། །དེ་ནས་གཞོན་ནུ་རྣམས་ཀྱིས་ཤིང་དགེ་བའི་སྙིང་པོ་འབྱིན་པ་ལ་ཞུགས་པ་ན་ལྷས་བྱིན་
D1.003.0291a03.01གྱིས་འབད་པ་དང་ཅུང་ཟད་ཅིག་གཡོས་སོ། །དགའ་བོས་ནི་ཅུང་ཟད་ཅིག་བཏེག་གོ། །བྱང་ཆུབ་སེམས་དཔས་ནི་ཐམས་ཅད་ཀྱི་ཐམས་ཅད་དུ་སྟེང་གི་ནམ་མཁའ་ལ་འཕངས་ཏེ་དུམ་བུ་གཉིས་སུ་ཆག་ནས་འབབ་ཆུ་རོ་ཧི་ཀའི་ཚུ་རོལ་གྱི་འགྲམ་དུ་དུམ་བུ་གཅིག །ཕ་རོལ་
D1.003.0291a04.01གྱི་འགྲམ་དུ་དུམ་བུ་གཅིག་ལྷུང་བར་གྱུར་ཏོ། །བྱང་ཆུབ་སེམས་དཔས་སྐྱེ་བོའི་ཚོགས་ལ་གསུངས་པ། ཤེས་ལྡན་དག་ཤིང་དགེ་བའི་སྙིང་པོ་འདི་ནི་བསིལ་བའི་རང་བཞིན་ཅན་ཡིན་པས་མཁྲིས་པའི་ནད་དང་། ཤུ་བ་དང་། ཕོལ་མིག་བྱུང་བ་ལ་བྱུགས་ན་ཞི་བར་འགྱུར་
D1.003.0291a05.01གྱིས། དུམ་བུ་དུམ་བུར་བྱོས་ལ་ཁྱེར་ཅིག །གཞོན་ནུ་རྣམས་རང་རང་གི་ཤིང་རྟར་ཞུགས་ཏེ་སྐྱེད་མོས་ཚལ་གྱི་ས་ནས་སེར་སྐྱའི་གཞིར་དོང་ནས་གྲོང་ཁྱེར་དུ་ཞུགས་པ་ན་བྱང་ཆུབ་སེམས་དཔའ་ཤིང་རྟར་ཞུགས་པ་ལ་མཚན་མཁན་རྣམས་ཀྱིས་གལ་ཏེ་འདི་ལོ་བདུན་རབ་ཏུ་མ་བྱུང་
D1.003.0291a06.01བར་གྱུར་ན། འཁོར་ལོས་སྒྱུར་བའི་རྒྱལ་པོར་འགྱུར་རོ་ཞེས་ལུང་བསྟན་ནོ། །ཤཱཀྱ་དྲིལ་བུ་སྒྲའི་བུ་མོ་ས་འཚོ་མ་ཞེས་བྱ་བ་སྟེང་གི་ཁང་{བཟངས་ཀྱི་,བཟང་གི་}གཞི་ལ་འདུག་པ་བྱང་ཆུབ་སེམས་དཔས་གཟིགས་སོ། །གཟིགས་མ་ཐག་ཏུ་ཞབས་ཀྱི་མཐེ་བོས་ཤིང་རྟ་མནན་ནས་མི་
D1.003.0291a07.01