完整藏文原文 · 德格版页 当前仅加载第 3 函德格 105a 版页；藏文 NFD、目录标记与异常页序保留在来源切片中，重复版页行以稳定序号区分。
བསབ་པར་བྱའོ། །གལ་ཏེ་མེད་ན་དེ་ནི་སྤྱད་པ་ལེགས་པར་སྤྱད་པ་ཡིན་ཏེ། ཕའི་ལ་བུ་བཞིན་དུ་རིགས་པ་ཡིན་པས་དེ་ལ་འགྱོད་པར་མི་བྱའོ། །གླེང་གཞི་ནི་མཉན་ཡོད་ནའོ། །དགེ་སློང་ནད་ཀྱིས་ཐེབས་པ་སྡུག་བསྔལ་བ་ནད་ཚབས་ཆེ་བ་ཚོར་བས་ཉེན་པ་ཞིག་
D1.003.0105a01.01ཡོད་པ་དེ་ལ་ལྷུང་བཟེད་བཟང་པོ་ཞིག་ཡོད་དེ། དེ་དེ་ལ་ལྷག་པར་ཆགས་ནས་རིམ་གྲོ་བྱེད་པ་ལ་སྨྲས་པ། ཁོ་བོའི་ལྷུང་བཟེད་འོན་ཅིག །དེས་མ་བྱིན་པ་དང་དེ་དེ་ལ་ངན་སེམས་སྐྱེས་ཤིང་ལྷུང་བཟེད་ལ་ལྷག་པར་ཆགས་པས་ཤི་ནས་དེ་ལྷུང་བཟེད་དེ་ཉིད་དུ་སྦྲུལ་ཞིག་ཏུ་སྐྱེས་སོ། །
D1.003.0105a02.01དགེ་སློང་རྣམས་ཀྱིས་དེ་སྲེག་ཏུ་ཁྱེར་ནས་བསྲེགས་ཏེ་གཙུག་ལག་ཁང་དུ་ལྷགས་ནས་དགེ་སློང་གི་དགེ་འདུན་འདུས་སོ། །གོས་འགེད་པས་ཤི་བའི་ཡོ་བྱད་རྒན་པའི་མཐར་སྤུངས་སོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་
D1.003.0105a03.01བོ་སོང་ལ་དགེ་སློང་རྣམས་ལ་དགེ་སློང་སུས་ཀྱང་དེའི་ལྷུང་བཟེད་གཞག་པའི་སྣོད་མ་དབྱེ་ཞིག །དེ་བཞིན་གཤེགས་པ་ཉིད་ཀྱིས་འབྱེད་པར་འགྱུར་རོ་ཞེས་སྒོ་ཞིག །ཚེ་དང་ལྡན་པ་ཀུན་དགའ་བོས་དགེ་སློང་རྣམས་ལ་བསྒོའོ། །དེ་ནས་བཅོམ་ལྡན་འདས་ཉིད་ཀྱིས་ཕྱེ་བ་དང་སྦྲུལ་
D1.003.0105a04.01ཞིག་མགོའི་གདེངས་ཀ་ཆེར་བྱས་ནས་འདུག་གོ། །དེ་ནས་བཅོམ་ལྡན་འདས་ཀྱིས་སེ་གོལ་གྱི་སྒྲས་བསླང་ནས་བཀའ་སྩལ་པ། མི་གཏི་མུག་ཅན་ལྷུང་བཟེད་འདི་སྤོངས་ལ་སོང་ཤིག །དགེ་སློང་རྣམས་ཀྱིས་འགེད་པར་འགྱུར་རོ། །དེ་འཁྲུགས་ནས་ཅི་དགའ་བའི་སྤྱོད་ལམ་
D1.003.0105a05.01གྱིས་སོང་སྟེ་ནགས་སྟུག་པོ་ཞིག་ཏུ་ཞུགས་ནས། དེས་དེར་ཁྲོས་པའི་མེ་སྦར་བས་ནགས་དེ་རབ་ཏུ་འབར་ཏེ་དེ་ཉིད་དུ་ཚིག་ནས་དགེ་སློང་རྣམས་ལ་ངན་སེམས་སྐྱེས་པས་དམྱལ་བ་རྣམས་སུ་སྐྱེས་སོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་
D1.003.0105a06.01སློང་དག་སྲིད་པ་ཐམས་ཅད་ལ་སྐྲག་པར་གྱིས་ཤིག །སྲིད་པའི་ཡོ་བྱད་གང་གི་ཕྱིར་སེམས་ཅན་གཅིག་གི་ལུས་དེ་གནས་གསུམ་པོ་ནགས་སྟུག་པོར་བྲོས་པའི་མེ་དང་། དམྱལ་བར་སེམས་ཅན་དམྱལ་བའི་དང་། དུར་ཁྲོད་དུ་མེ་ཕལ་པས་སྲེག་པར་འགྱུར་བ་ཐམས་
D1.003.0105a07.01