完整藏文原文 · 德格版页 当前仅加载第 3 函德格 73b 版页；藏文 NFD、目录标记与异常页序保留在来源切片中，重复版页行以稳定序号区分。
གྲིབ་མ་ལ་ཐོགས་པར་བྱེད་ན། འདི་ལ་རིགས་པ་ཅི་ཞིག་ཡོད། ཁུ་གུ་འཇིག་རྟེན་བླུན་མོད་ཀུན་དགའ་ར་བ་ཁོ་ནར་གདུགས་བཅང་འཚལ་ཏེ། དེ་ཅིའི་སླད་དུ་ཞེ་ན། ཀུན་དགའ་ར་བ་ནི་རྟག་ཏུ་སྤྲེའུ་དང་བྱ་རྣམས་ཀྱིས་གང་བས་བྱ་རྣམས་ནི་གཅིན་རྟུག་འཐོར་ཞིང་རུས་པའི་
D1.003.0073b01.01དུམ་བུ་དག་འཐོར་རོ། །སྤྲེའུ་རྣམས་ཀྱང་བཤང་བ་དང་གཅི་བ་བྱེད་ཅིང་འབྲས་བུའི་ཟ་འཕྲོ་དག་འཐོར་བར་བྱེད་ལ། རང་བཞིན་གྱིས་རྒོད་བག་ཅན་ཡིན་པས་ཕན་ཚུན་ཡལ་ག་གཞན་དུ་འགྲོ་བར་བྱེད་པ་ན་ཤིང་དུམ་དག་ལྷུང་བར་བྱེད་དོ། །བླ་གབ་མ་མཆིས་པ་ལ་ནི་དེ་དག་
D1.003.0073b02.01མ་མཆིས་སོ། །བརྒྱ་ལ་མཆིས་ན་ཡང་དེ་རེས་འགའ་ཞིག་འབབ་པར་བས་ཏེ། དེས་ན་ཀུན་དགའ་ར་བ་ཁོ་ནར་གདུགས་བཅང་བར་བགྱིའི། བླ་གབ་མ་མཆིས་པར་ནི་མ་ལགས་སོ། །བུ་མོ་ལེགས་ཏེ་དེ་ཡང་ཁོང་དུ་ཆུད་དོ། །གཞན་ཡང་འདི་དྲི་སྟེ་བུ་མོ་འདི་དག་ནི་རླུང་
D1.003.0073b03.01དང་ཆར་པ་བྱུང་ན་ལྷ་ཁང་དུ་འཇུག་ན་ཁྱོད་ནི་བླ་གབ་མེད་པར་འདུག་གོ། །ཁུ་གུ་བླ་གབ་མ་མཆིས་པ་ཁོ་ནར་གནས་པར་བགྱིའི། ལྷ་ཁང་དུ་འཇུག་པར་ནི་མ་ལགས་སོ། །བུ་མོ་འདི་ལ་རིགས་པ་ཅི་ཡོད། ཁུ་གུ་ལྷ་ཁང་སྟོང་པ་འདི་དག་ནི་རྟག་ཏུ་དྭ་དང་། ནལ་ཕྲུག་དང་།
D1.003.0073b04.01གཡོན་ཅན་རྣམས་ཀྱིས་མི་སྟོང་ལགས་ཏེ། གལ་ཏེ་བདག་ཞུགས་པའི་ཡན་ལག་དང་ཉིང་ལག་དག་ལ་འགའ་ཞིག་གིས་རེག་ན། དེ་ལྟ་ན་བདག་གི་ཕ་མ་དག་ལ་མི་སྙན་པར་མི་འགྱུར་རམ། ཉིས་ན་བླ་གབ་མེད་པར་སྲོག་དང་ཕྲལ་བ་ནི་བླའི། ལྷ་ཁང་སྟོང་པར་ནི་མི་འཇུག་
D1.003.0073b05.01གོ། །དེ་ནས་བྲམ་ཟེ་དེ་དེའི་སྤྱོད་ཚུལ་གྱིས་རངས་ཤིང་ཡིད་བདེ་བ་སྐྱེས་ནས་ཁྱིམ་བདག་སྟོབས་ཀྱི་བཤེས་གཉེན་གྱི་ཁྱིམ་དུ་ཞུགས་ཏེ་བུ་མོ་ཐོབ་པར་འདོད་པའི་སྤྲོ་བ་དང་བཅས་པས་བདེ་ལེགས་སུ་གྱུར་ཅིག །བདེ་ལེགས་སུ་གྱུར་ཅིག་ཅེས་སྨྲས་པ་དང་། ཁྱིམ་འཁོར་གྱི་སྐྱེ་
D1.003.0073b06.01བོས་སྨྲས་པ། བྲམ་ཟེ་རེ་ཞིག་བསླང་བའི་དུས་ནི་མ་ཡིན་ན། ཅི་ཞིག་སློང་། བུ་མོ་སློང་ངོ་། །སུ་ཞིག་གི་ཆེད་དུ། མཉན་ཡོད་ན་བློན་པོའི་མཆོག་{རི་དགས་,རི་དྭགས་}འཛིན་ཅེས་བྱ་བ་དེའི་བུ་ས་ག་ཞེས་བྱ་བའི་འོ། །དེ་རྣམས་ཀྱིས་སྨྲས་པ། དེ་དང་བདག་ཅག་ནི་རིགས་མཉམ་
D1.003.0073b07.01