完整藏文原文 · 德格版页 当前仅加载第 3 函德格 206a 版页；藏文 NFD、目录标记与异常页序保留在来源切片中，重复版页行以稳定序号区分。
ཕུལ་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་སྔོན་བྱུང་བ་བསྐལ་པ་དགུ་བཅུ་རྩ་གཅིག་ལ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ་བླ་
D1.003.0206a01.01ན་མེད་པ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་རྣམ་པར་གཟིགས་ཞེས་བྱ་བ་འཇིག་རྟེན་དུ་བྱུང་ནས། དེ་འཁོར་དགེ་སློང་དྲུག་ཁྲི་ཉིས་སྟོང་དང་ཕྱོགས་འདིར་གཤེགས་སོ། །དེའི་ཚེ་མཉན་ཡོད་འདིར་ཁྱིམ་བདག་རྒྱལ་ཞེས་བྱ་བ་བྱུང་སྟེ། དེས་ས་ཕྱོགས་འདི་
D1.003.0206a02.01རྒྱང་གྲགས་དྲུག་གསེར་དང་དབྱིག་གཤིབས་པས་རྒྱལ་བུ་གཞོན་ནུ་ལས་ཉོས་ནས་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ལ་ཕུལ་ཏེ། དེ་ཉིད་ཀྱི་སྤྱན་སྔར་རབ་ཏུ་བྱུང་ནས་ཉོན་མོངས་པ་ཐམས་ཅད་སྤངས་ཏེ་དགྲ་བཅོམ་པ་མངོན་སུམ་དུ་བྱས་སོ། །ཁྱིམ་བདག་རྒྱལ་
D1.003.0206a03.01གྱི་ཚ་བོ་ཞིག་དེས་བསྟེན་པས་དེ་བཞིན་གཤེགས་པ་རྣམ་པར་གཟིགས་ལ་ཤིན་ཏུ་དད་པ་སྐྱེས་ནས་དེས་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ཀྱི་དབུ་སྐྲ་དང་སེན་མོའི་མཆོད་རྟེན་རྩིག་ཏུ་བཅུག་སྟེ་དེས་བསམས་པ། གང་གིས་ན་བདག་གིས་འདི་ཉིན་མཚན་དུ་སྒྲིབ་པ་མེད་པར་མཐོང་བར་
D1.003.0206a04.01འགྱུར་བའི་ཐབས་དེ་ཅི་ཡོད་སྙམ་པ་དང་། དེ་ལ་རྟེན་པ་རྒྱ་མཚོའི་འགྲམ་ན་འདུག་པ་ཞིག་གིས་ནོར་བུ་རིན་པོ་ཆེ་འབར་བ་ཞིག་སྐྱེས་སུ་བསྐུར་ནས། དེས་དེ་མཆོད་རྟེན་ལ་བཏགས་པ་དང་དེའི་མཐུས་དེས་དབུ་སྐྲ་དང་སེན་མོའི་མཆོད་རྟེན་དེ་ཉིན་མཚན་དུ་སྒྲིབ་པ་མེད་པར་མཐོང་ངོ་། །དེ་ནས་དད་པ་སྐྱེས་ཏེ་སྨོན་ལམ་བཏབ་
D1.003.0206a05.01པ། ཇི་ལྟར་ས་ཕྱོགས་འདི་བདག་གི་ཞང་པོས་རྒྱལ་བུ་གཞོན་ནུ་ལས་གསེར་དང་དབྱིག་གཤིབས་པས་ཉོས་ནས་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ཉན་ཐོས་ཀྱི་དགེ་འདུན་དང་བཅས་པ་ལ་ཕུལ་བ་དེ་བཞིན་དུ་བདག་གིས་ཀྱང་ས་ཕྱོགས་འདི་གསེར་དང་དབྱིག་གཤིབས་པས་རྒྱལ་བུ་
D1.003.0206a06.01གཞོན་ནུ་ལས་ཉོས་ནས་ཡང་དག་པར་རྫོགས་པའི་སངས་རྒྱས་བདུན་ལ་འབུལ་བར་འགྱུར་ཞིང་། དེ་རྣམས་ཀྱི་ཕྱི་མ་ཤོས་གང་ཡིན་པ་དེའི་སྤྱན་སྔར་བདག་རབ་ཏུ་བྱུང་ནས་ཉོན་མོངས་པ་ཐམས་ཅད་སྤངས་ཏེ་དགྲ་བཅོམ་པ་མངོན་སུམ་དུ་བྱས་པར་གྱུར་ཅིག་ཅེས་བཏབ་བོ། །དགེ་སློང་དག་
D1.003.0206a07.01