完整藏文原文 · 德格版页 当前仅加载第 3 函德格 210b 版页；藏文 NFD、目录标记与异常页序保留在来源切片中，重复版页行以稳定序号区分。
འདུག་པས་སྦྱིན་བདག་རྣམས་ཀྱི་ལོངས་སྤྱོད་ལས་བྱུང་བའི་བསོད་ནམས་མེད་ཅིང་ནལ་ཕྲུག་རྣམས་ཀྱི་གནས་སུ་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། ཐམས་ཅད་བགོ་བར་བྱ་སྟེ། རེ་རེས་ཀྱང་སོ་སོར་གཉིས་སམ། གསུམ་མམ། བཞི་ཅི་རན་པ་ཐམས་ཅད་ལ་ལོངས་སྤྱད་པར་
D1.003.0210b01.01བྱ་སྟེ། ལ་ལར་ནི་སྔ་དྲོ་འདུག་པར་བྱའོ། །ལ་ལར་ནི་ཉི་མའི་གུང་ལའོ། །ལ་ལར་ནི་ཕྱི་དྲོའོ། །ལ་ལར་ནི་ནུབ་མོ་གནས་པར་བྱའོ། །དགེ་སློང་རྣམས་ཀྱིས་ལག་གི་ལས་མ་བྱས་པས་དེ་རྣམས་འདྲུམས་པར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། ཡོན་བདག་ལ་སྤྲོ་བ་བསྐྱེད་པར་
D1.003.0210b02.01བྱའོ། །གལ་ཏེ་གྲུབ་ན་དེ་ལྟ་ན་ལེགས། གལ་ཏེ་མ་གྲུབ་པར་གྱུར་ན་དགེ་འདུན་གྱིས་ཕྱིར་བཅོས་པར་བྱའོ། །གལ་ཏེ་མི་ནུས་པར་གྱུར་ན་ཇི་ཙམ་ནུས་པ་དེ་ཙམ་བཅོས་པར་བྱ་སྟེ། གཞན་ནི་བཏང་སྙོམས་སུ་གཞག་པར་བྱའོ། །གང་གི་ཚེ་བཅོམ་ལྡན་འདས་ཀྱི་བསྟན་པ་རྒྱས་པར་གྱུར་པ་དེའི་ཚེ་དགེ་
D1.003.0210b03.01སློང་མང་པོ་མཉན་ཡོད་དུ་ལྷགས་པ་དང་། དེ་རྣམས་གནས་ཁང་གིས་ཕོངས་པར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། གཉིས་དང་གསུམ་གྱིས་བགོ་བར་བྱ་སྟེ། ཆུ་སྣོད་གཞག་པ་དང་། འདག་ཆལ་དང་། སྨན་དང་། སོ་ཤིང་གཞག་པ་དང་། ཕན་ཚུན་གྱི་ཐེམ་སྐས་མ་གཏོགས་པར་
D1.003.0210b04.01ཆུང་ངུ་ན་འདུག་པའི་ཚད་ཙམ་ཡང་ཐམས་ཅད་ཀྱིས་འདྲ་བར་བགོ་བར་བྱ་སྟེ། ཉེ་འཁོར་ནི་སྤྱིའི་ཡིན་པ་ཉིད་པས་བགོ་བར་མི་བྱའོ། །བཅོམ་ལྡན་འདས་ཀྱིས་དགེ་སློང་དག་དགོན་པ་དང་། ཤིང་དྲུང་དང་། ཁང་སྟོང་དང་། རི་སུལ་དང་། བྲག་ཕུག་དང་། རྩྭའི་སྟན་དང་། བླ་གབ་མེད་པ་དང་། དུར་ཁྲོད་དང་། ནགས་
D1.003.0210b05.01མཐའ་དང་། བས་མཐའི་གནས་མལ་འདི་རྣམས་སུ་བསམ་གཏན་གྱིས་ཤིག །ཕྱིས་ཡིད་ལ་གཅགས་པར་མི་འགྱུར་བར་བག་ཡོད་པར་གྱིས་ཤིག་ཅེས་དགོན་པའི་བསྔགས་པ་མང་དུ་གསུངས་པ་དེའི་ཚེ་དགེ་སློང་ཁ་ཅིག་དགོན་པ་པར་དམ་བཅས་ནས་དགོན་པ་ན་གནས་པ་ལས། དེ་རྣམས་དེ་ན་
D1.003.0210b06.01ཆོམ་རྐུན་པ་རྣམས་ཀྱིས་གཏོགས་པར་གྱུར་ཏོ། །གཏོགས་ནས་བྲམ་ཟེ་དང་ཁྱིམ་བདག་གི་ཁྱིམ་རྣམས་སུ་ཆོས་གོས་ཚོལ་བའི་ཕྱིར་བརྩོན་པར་གྱུར་པས་ལུང་མནོད་པ་དང་། བཀླག་པ་དང་། གདོན་པ་དང་། རྣལ་འབྱོར་དང་། ཡིད་ལ་བྱ་བ་ཉམས་པར་གྱུར་བའི་སྐབས་དེ་དགེ་སློང་རྣམས་
D1.003.0210b07.01