完整藏文原文 · 德格版页 当前仅加载第 3 函德格 170b 版页；藏文 NFD、目录标记与异常页序保留在来源切片中，重复版页行以稳定序号区分。
དགེ་སློང་དག་ཁྱེད་ཀྱིས་གང་ཟག་དེའི་ལྟུང་བ་དེ་དང་། གཞན་ཡང་དེ་ལྟ་བུ་དང་མཐུན་པ་སུ་ཡང་རུང་བ་ལ་ཕྱི་མའི་རྒྱུད་ནས་བཟུང་སྟེ་སྤོ་བ་བྱིན་ཅིག །མ་མཐོང་བས་གནས་ནས་ཕྱུང་བའི་གང་ཟག་དགེ་འདུན་ལྷག་མའི་ལྟུང་བ་བྱུང་བ་མ་བཅབས་པ་དེ་དགེ་འདུན་གྱིས་མ་མཐོང་བས་གནས་
D1.003.0170b01.01ནས་ཕྱུང་སྟེ་བསླང་ཟིན་པ་དེས་ལྟུང་བ་དེ་མ་བཅབས་པར་དགེ་སློང་རྣམས་ལ་སྨྲས་པ་དང་། དགེ་སློང་རྣམས་ཀྱིས་བཅོམ་ལྡན་འདས་ལའོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཁྱེད་ཀྱིས་གང་ཟག་དེ་དང་། གཞན་ཡང་དེ་ལྟ་བུ་དང་མཐུན་པ་སུ་ཡང་རུང་བ་ལ་ཞག་དྲུག་
D1.003.0170b02.01གི་མགུ་བར་བྱ་བ་བྱིན་ཅིག །ཁྱད་པར་མེད་པས་གཉིས་ཡིན་པ་དེ་བཞིན་དུ་ཤེས་པས་གཉིས་དང་། དྲན་པས་གཉིས་དང་། ཡིད་གཉིས་ཀྱིས་གཉིས་ཀྱང་དེ་བཞིན་ནོ། །མ་མཐོང་བས་གནས་ནས་ཕྱུང་བ་བརྒྱད་ཡིན་པ་ཇི་ལྟ་བ་བཞིན་དུ་སླར་མི་བྱེད་པས་གནས་ནས་ཕྱུང་བ་བརྒྱད་
D1.003.0170b03.01དང་། སྡིག་པ་ཅན་གྱི་ལྟ་བར་སོང་བ་མི་འདོར་བ་གནས་ནས་ཕྱུང་བ་བརྒྱད་ཀྱང་དེ་བཞིན་ནོ།། །།སྡོམ་ལ། བརྩམས་པ་བཅུ་གཉིས་དག་དང་ནི། །དགུ་བ་ཐམས་ཅད་ནག་པོ་དང་། །ཟུང་དགུ་དག་ཏུ་བྱས་པ་དང་། །ཚིག་བཅུ་དང་ནི་ལྔ་པའོ། །ཡང་གང་ཟག་གཞན་ཞིག་དགེ་
D1.003.0170b04.01འདུན་ལྷག་མའི་ལྟུང་བ་ཚད་མེད་པ་དང་ལྡན་པ་བྱུང་བ་བཅབས་ཏེ། དེས་ལྟུང་བ་དེ་རྣམས་ཀྱི་བརྩམས་པ་ནི་ཤེས་ཀྱི། ཞག་གི་མཐའ་ནི་མི་ཤེས་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཁྱེད་
D1.003.0170b05.01ཀྱིས་གང་ཟག་དེ་དང་། གཞན་ཡང་དེ་ལྟ་བུ་དང་མཐུན་པ་སུ་ཡང་རུང་བ་ལ་ལྟུང་བ་དེ་རྣམས་ཚད་དང་མི་ལྡན་པའོ་ཞེས་བྱོས་ལ་དག་པའི་མཐའ་ཅན་གྱི་སྤོ་བ་བྱིན་ཅིག །ཡང་གང་ཟག་གཞན་ཞིག་དགེ་འདུན་ལྷག་མའི་ལྟུང་བ་ཚད་མེད་པ་དང་ལྡན་པ་བྱུང་བ་བཅབས་ནས་དེས་ལྟུང་བ་དེ་
D1.003.0170b06.01རྣམས་ཀྱི་ཞག་གི་མཐའ་ནི་ཤེས་ཀྱི། ལྟུང་བ་བརྩམས་པ་མི་ཤེས་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཁྱེད་ཀྱིས་གང་ཟག་དེ་དང་། གཞན་ཡང་དེ་ལྟ་བུ་དང་མཐུན་པ་སུ་ཡང་རུང་བ་ལ་
D1.003.0170b07.01