完整藏文原文 · 德格版页 当前仅加载第 3 函德格 257b 版页；藏文 NFD、目录标记与异常页序保留在来源切片中，重复版页行以稳定序号区分。
བུ་ཆེན་པོས་སེར་སྐྱའི་གཞིའི་ཤཱཀྱ་རྣམས་ལ་སྨྲས་པ། གཽ་ཏ་མ་དག་འཇིག་རྟེན་འདི་འཇིག་ཅིང་འཇིག་རྟེན་ཞིག་ན་སེམས་ཅན་ཕལ་ཆེར་འོད་གསལ་གྱི་ལྷའི་རིས་སུ་སྐྱེ་བར་འགྱུར་ཏེ། དེ་རྣམས་དེ་ན་ཡིད་ལས་བྱུང་བའི་གཟུགས་ཕུན་སུམ་ཚོགས་པ་དབང་པོ་མ་ཉམས་ཤིང་
D1.003.0257b01.01མ་ཚང་བ་མེད་པ། ཡན་ལག་དང་ཉིང་ལག་ཐམས་ཅད་དང་ལྡན་པ། ཁ་དོག་བཟང་པོས་གནས་པ། རང་གི་འོད་ཅན། ནམ་མཁའ་ལ་འགྲོ་བ། དགའ་བ་ཟ་ཞིང་དགའ་བའི་ཟས་ཀྱིས་ཚེ་རིང་ཞིང་ཡུན་རིང་དུ་གནས་སོ། །དེའི་ཚེ་ས་ཆེན་པོ་འདི་ཆུ་འབའ་ཞིག་ཏུ་འགྱུར་
D1.003.0257b02.01ཞིང་མཚོ་གཅིག་ཏུ་འགྱུར་རོ། །ས་ཆེན་པོ་འདི་ཆུ་འབའ་ཞིག་གི་མཚོ་གཅིག་ཏུ་གྱུར་པའི་སྟེང་དུ་རླུང་གིས་པྲིས་མ་ཆགས་པ་དང་། མཁྲེགས་པ་དང་། ཁེབས་པར་བྱེད་དོ། །དཔེར་ན་འོ་མ་བསྐོལ་བ་གྲངས་པར་གྱུར་པའི་སྟེང་དུ་རླུང་གིས་པྲིས་མ་ཆགས་པ་དང་། མཁྲེགས་པ་
D1.003.0257b03.01དང་། ཁེབས་པ་དེ་བཞིན་དུ། ས་ཆེན་པོ་འདི་ཆུ་འབའ་ཞིག་གི་མཚོ་གཅིག་ཏུ་གྱུར་པའི་སྟེང་དུ་རླུང་གིས་པྲིས་མ་ཆགས་པ་དང་། མཁྲེགས་པ་དང་། ཁེབས་པར་བྱེད་དོ། །སའི་བཅུད་དེ་ནི་ཁ་དོག་ཕུན་སུམ་ཚོགས་པ། དྲི་ཕུན་སུམ་ཚོགས་པ་དང་། རོ་ཕུན་སུམ་
D1.003.0257b04.01ཚོགས་པ་ཡིན་ཞིང་ཁ་དོག་ཕུན་སུམ་ཚོགས་པ་ནི་འདི་ལྟ་བུ་ཡིན་ཏེ། དཔེར་ན་མར་སར་ལྟ་བུའོ། །རོ་ནི་འདི་ལྟ་བུ་ཡིན་ཏེ། དཔེར་ན་སྦྲང་མའི་སྦྲང་རྩི་བཙིར་བ་ལྟ་བུའི་དུས་གང་ཡིན་པ་དེ་ཡོད་དོ། །གཽ་ཏ་མ་དག་འཇིག་རྟེན་གང་ཡིན་པ་དེ་འཆགས་ཤིང་འཇིག་རྟེན་
D1.003.0257b05.01ཆགས་ན་དེ་ན་སེམས་ཅན་ཁ་ཅིག་ཚེ་ཟད། ལས་ཟད། བསོད་ནམས་ཟད་ནས་འོད་གསལ་གྱི་ལྷའི་རིས་ནས་ཤི་འཕོས་ནས་འདི་ལྟ་བུར་མི་རྣམས་དང་། སྐལ་བ་མཉམ་པར་འོང་ཞིང་དེ་རྣམས་འདི་ན་ཡིད་ལས་བྱུང་བའི་གཟུགས་ཕུན་སུམ་ཚོགས་པ་དབང་པོ་མ་ཉམས་
D1.003.0257b06.01ཤིང་མ་ཚང་བ་མེད་པ། ཡན་ལག་དང་ཉིང་ལག་ཐམས་ཅད་དང་ལྡན་ཞིང་ཁ་དོག་བཟང་པོས་གནས་པ། རང་གི་འོད་ཅན། ནམ་མཁའ་ལ་འགྲོ་བ། དགའ་བ་ཟ་ཞིང་དགའ་བའི་ཟས་ཀྱིས་ཚེ་རིང་ཞིང་ཡུན་རིང་དུ་གནས་པར་འགྱུར་རོ། །དེའི་ཚེ་ཉི་མ་དང་ཟླ་
D1.003.0257b07.01