完整藏文原文 · 德格版页 当前仅加载第 3 函德格 89b 版页；藏文 NFD、目录标记与异常页序保留在来源切片中，重复版页行以稳定序号区分。
སློང་དག་དགེ་སློང་མཛེ་ནད་ཀྱིས་ཐེབས་པ་རྣམས་ཀྱི་ཕྱིར་ངས་ཀུན་ཏུ་སྤྱོད་པའི་ཆོས་དག་བཅའ་བར་བྱ་སྟེ། དགེ་སློང་མཛེ་ནད་ཀྱིས་ཐེབས་པས་དགེ་འདུན་གྱི་གནས་མལ་དང་། གནས་ཁང་ལ་ལོངས་སྤྱད་པར་མི་བྱ། ཁྱམས་རྣམས་དང་། ཇི་སྐད་དུ་བསྒྲགས་པའི་ཁྱམས་ལ་
D1.003.0089b01.01སོགས་པར་གནས་པར་མི་བྱ། དགེ་འདུན་གྱི་ཆབ་ཁུང་དང་། སྣམ་ཕྱི་སར་འཇུག་པར་མི་བྱ་སྟེ། དགེ་འདུན་གྱིས་དེ་ལ་གནས་དབེན་པ་བྱིན་ནས་རིམ་གྲོ་བྱའོ། །དགེ་སློང་མཛེ་ནད་ཀྱིས་ཐེབས་པས་ཀུན་ཏུ་སྤྱོད་པའི་ཆོས་ཇི་ལྟར་བཅས་པ་བཞིན་ཡང་དག་པར་བླངས་ཏེ་
D1.003.0089b02.01འཇུག་པར་མི་བྱེད་ན་འགལ་ཚབས་ཅན་དུ་འགྱུར་རོ།། །།འདུལ་བ་གཞི། བམ་པོ་དྲུག་བཅུ་བཞི་པ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་བདེ་བར་གཤེགས་པའི་ན་བཟའ་ཆོས་གོས་ལྷག་པར་བཅང་དུ་རུང་
D1.003.0089b03.01ལགས་སམ། ཉེ་བ་འཁོར་མི་རུང་ངོ་། །བཙུན་པ་མོན་དར་གྱི་ཆོས་གོས་ལ་ཆོས་གོས་གསུམ་དུ་བྱིན་གྱིས་བརླབས་ནས་ཆོས་གོས་ལྷག་པར་བྱིན་གྱིས་བརླབས་ཏེ་བཅང་དུ་རུང་ལགས་སམ། ཉེ་བ་འཁོར་ཅི་དགར་ཟད་དེ། དེ་བཞིན་དུ་འདོད་པ་བཞིན་དུ་བལ་དང་ཤ་ནའི་རས་ལ་ཡང་
D1.003.0089b04.01རུང་ངོ་།། །།སྡོམ་ལ། གསོ་མ་སྐྲ་ཡི་ཆོས་གོས་དང་། །གཅེར་བུ་སྐྲ་འབལ་ལོ་མའི་གོས། །མཐང་གོས་ཅན་དང་གཡང་གཞི་དང་། །གསོ་རས་སེང་རས་པ་ཆར་སྔོ། །གླེང་གཞི་ནི་མཉན་ཡོད་ནའོ། །དགེ་སློང་ཞིག་བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང་
D1.003.0089b05.01བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་ནས་བཅོམ་ལྡན་འདས་ལ་དགེ་སློང་དེས་འདི་སྐད་ཅེས་གསོལ་ཏོ། །བཙུན་པ་བདག་གསོ་མའི་ཆོས་གོས་འཆང་བར་འཚལ་ལོ། །བཅོམ་ལྡན་འདས་ཀྱིས་
D1.003.0089b06.01བཀའ་སྩལ་པ། སྐྱེས་བུ་གཏི་མུག་འདི་ལྟ་སྟེ། གསོ་མའི་ཆོས་གོས་འདི་ནི་མུ་སྟེགས་པའི་རྟགས་ཡིན་ནོ། །དེ་ལྟ་བས་ན་དགེ་སློང་གིས་གསོ་མའི་ཆོས་གོས་བཅང་བར་མི་བྱའོ། །བཅངས་ན་འགལ་ཚབས་ཅན་དུ་འགྱུར་རོ། །ཡང་དགེ་སློང་ཞིག་འོངས་ནས་བཅོམ་ལྡན་
D1.003.0089b07.01