完整藏文原文 · 德格版页 当前仅加载第 3 函德格 145a 版页；藏文 NFD、目录标记与异常页序保留在来源切片中，重复版页行以稳定序号区分。
བྱེད་ན་འགལ་ཚབས་ཅན་དུ་འགྱུར་རོ། །དེ་ལྟར་སྨད་པའི་ལས་བྱས་པ་དེ་སྐྲ་གྱེན་དུ་འགྲེང་བ་ལྟ་བུ་དང་། སྐྲ་ཞིག་པ་ལྟ་བུ་དང་། དགེ་འདུན་ལ་སྤུ་ས་ལ་ལྟུང་བ་ལྟ་བུར་བྱེད་ཅེས་བྱ་བ་ནས། མཚམས་ཀྱི་ནང་དུ་འདུག་ནས་བསླང་བར་གསོལ་ཏེ། ཡང་དང་ཡང་དུ་ལྟུང་བ་བྱེད་པ་
D1.003.0145a01.01ཉིད་ཀྱང་སྤོང་ངོ་ཞེས་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཁྱེད་ཀྱིས་དགེ་སློང་ལེགས་ལྡན་སྨད་པའི་ལས་བྱས་པ་དང་། གཞན་ཡང་དེ་ལྟ་བུ་དང་མཐུན་པ་སུ་ཡང་རུང་བ་ལ་བསླང་བའི་ལས་
D1.003.0145a02.01བྱོས་ཤིག །སྨད་པའི་ལས་བྱས་པ་ཆོས་ལྔ་དང་ལྡན་པ་བསླང་བར་བྱ་སྟེ། ལྔ་གང་ཞེ་ན། སྐྲ་གྱེན་དུ་འགྲེང་བ་ལྟ་བུ་དང་། སྐྲ་ཞིག་པ་ལྟ་བུར་དགེ་འདུན་ལ་སྤུ་ས་ལ་ལྟུང་བ་ལྟ་བུར་བྱེད་པ་དང་། འབྱུང་བར་བསྐྱོད་པ་དང་། མཚུངས་པར་ཉེ་བར་སྟོན་པ་དང་། མཚམས་ཀྱི་ནང་དུ་
D1.003.0145a03.01འདུག་ནས་བསླང་བ་གསོལ་པ་དང་། ཡང་དང་ཡང་དུ་ལྟུང་བ་འབྱིན་པ་ཡང་སྤོང་བའོ། །བསླང་བ་ནི་འདི་ལྟར་བྱ་སྟེ། གནས་མལ་བཤམས་ལ་གཎྜཱི་བརྡུངས་ཏེ་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ལ། དགེ་འདུན་ཐམས་ཅད་ཚོགས་ཤིང་མཐུན་པར་གྱུར་པ་
D1.003.0145a04.01དང་། དགེ་སློང་ལེགས་ལྡན་གྱིས་རྒན་རིམས་ཀྱི་མདུན་དུ་ཙོག་ཙོག་པོར་འདུག་ལ་ཐལ་མོ་སྦྱར་བ་བཏུད་ལ་འདི་སྐད་ཅེས་བརྗོད་པར་བྱའོ། །དགེ་འདུན་བཙུན་པ་རྣམས་གསན་དུ་གསོལ། བདག་དགེ་སློང་ལེགས་ལྡན་ཡང་དང་ཡང་དུ་ལྟུང་བ་བགྱིད་དེ། ཡང་དང་ཡང་དུ་དགེ་འདུན་ལྷག་
D1.003.0145a05.01མའི་ལྟུང་བ་འབྱིན་པས། དེའི་སླད་དུ་བདག་ལ་དགེ་སློང་རྣམས་ཀྱིས་སྤོ་བ་དང་། གཞི་ནས་སྤོ་བ་དང་། མགུ་བར་བགྱི་བར་སྩོལ་བ་དང་། འབྱིན་པས་བགྱི་བ་མང་ཞིང་བགྱིད་པ་{མངས་,མང་}པས་ལུང་ནོད་པ་དང་། ཀློག་པ་དང་། འདོན་པ་དང་། རྣལ་འབྱོར་དང་། ཡིད་ལ་བགྱི་བ་དང་། ནང་དུ་སེམས་
D1.003.0145a06.01ཞི་གནས་སུ་བགྱི་བ་ཤོར་ནས་དགེ་འདུན་གྱིས་བདག་ལ་སྨད་པའི་ཕྲིན་ལས་མཛད་ལགས་ཏེ། སྨད་པའི་ཕྲིན་ལས་མཛད་ལགས་པ་བདག་སྐྲ་གྱེན་དུ་འགྲེང་བ་ལྟ་བུ་དང་། སྐྲ་ཞིག་པ་ལྟ་བུར་དགེ་འདུན་ལ་སྤུ་ས་ལ་ལྟུང་བ་ལྟ་བུར་བགྱིད། འབྱུང་བར་བསྐྱོད། མཚུངས་པར་ཉེ་བར་སྟོན།
D1.003.0145a07.01