完整藏文原文 · 德格版页 当前仅加载第 3 函德格 140b 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་གནས་ནས་དབྱུང་བའི་ལས་དུ་ཞིག་མཆིས་ལགས། ཉེ་བ་འཁོར་བཞི་སྟེ། མི་མཐུན་པ་དག་གིས་ཆོས་མ་ཡིན་པས་གནས་ནས་འབྱིན་པ་དང་། མཐུན་པ་དག་གིས་ཆོས་མ་ཡིན་པས་དང་། མི་མཐུན་པ་དག་
D1.003.0140b01.01གིས་ཆོས་ཀྱིས་དང་། མཐུན་པ་དག་གིས་ཆོས་ཀྱིས་འབྱིན་པའོ། །དེ་ལ་གནས་ནས་འབྱིན་པའི་ལས་ནི་གཅིག་ཡིན་ཏེ། འདི་ལྟ་སྟེ། མཐུན་པ་དག་གིས་ཆོས་ཀྱིས་གནས་ནས་འབྱིན་པའོ། །བཙུན་པ་བསླང་བའི་ལས་དུ་མཆིས་ལགས་ཉེ་བ་འཁོར་བཞི་སྟེ། མི་མཐུན་པ་དག་གིས་
D1.003.0140b02.01ཆོས་མ་ཡིན་པས་སློང་བ་དང་། མཐུན་པ་དག་གིས་ཆོས་མ་ཡིན་པས་དང་། མི་མཐུན་པ་དག་གིས་ཆོས་ཀྱིས་དང་། མཐུན་པ་དག་གིས་ཆོས་ཀྱིས་སློང་བའོ། །དེ་ལ་སློང་བའི་ལས་ནི་གཅིག་ཡིན་ཏེ། འདི་ལྟ་སྟེ། མཐུན་པ་དག་གིས་ཆོས་ཀྱིས་སློང་བར་བྱེད་པའོ། །ལས་ཀྱི་
D1.003.0140b03.01གཞི་རྫོགས་སོ།། །།ཕྱིར་བཅོས་པའི་གཞིའི་སྡོམ་ནི། །དམར་སེར་ཅན་གྱི་གཞི་དང་ནི། །དེ་བཞིན་གང་ཟག་དག་དང་ནི། །དེ་ནས་སྤོ་བ་བྱ་བ་དང་། །གསོ་སྦྱོང་གཞག་པར་བྱ་བ་དང་། །གནས་མལ་དང་ནི་རྩོད་པ་དང་། །དགེ་འདུན་འབྱེད་པ་ཕྱི་མ་ཡིན། །དམར་སེར་ཅན་གྱི་གཞིའི་
D1.003.0140b04.01སྡོམ་ནི། དམར་སེར་ཅན་དག་བསྡིགས་པ་དང་། ལེགས་ལྡན་སྨད་པར་བྱ་བ་དང་། །འགྲོ་མགྱོགས་དང་ནི་ནབ་སོ་གཉིས། །བསྐྲད་དང་ཆུ་སྟོད་ཕྱིར་འགྱེད་དང་། །འདུན་པ་ཡི་ནི་མ་མཐོང་དང་། །དེ་བཞིན་སླར་ནི་མི་འཆོས་དང་། །འཆི་ལྟས་སྡིག་པའི་ལྟ་བ་ཅན། །འཆར་ཀ་དང་ནི་
D1.003.0140b05.01ལས་ལྔའོ། །སངས་རྒྱས་བཅོམ་ལྡན་འདས་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་མཉན་ཡོད་ན་དགེ་སློང་དམར་སེར་ཅན་འཐབ་ཀྲོལ་བྱེད་པ་མཚང་འདྲུ་བར་བྱེད་པ། རྩོད་པར་བྱེད་པ། འགྱེད་པར་བྱེད་པ། རྩོད་པའི་གཞི་བྱེད་པ་
D1.003.0140b06.01རྣམས་གནས་ཏེ། དེ་རྣམས་དགེ་འདུན་ལ་ཡང་དང་ཡང་དུ་རྩོད་པའི་གཞི་སྐྱེད་པས་དེས་ན་དགེ་འདུན་འཐབ་ཀྲོལ་དང་། མཚང་འདྲུ་བ་དང་། རྩོད་པ་དང་། འགྱེད་པ་བྱུང་ཞིང་གནས་སོ། །སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་
D1.003.0140b07.01