完整藏文原文 · 德格版页 当前仅加载第 3 函德格 246a 版页；藏文 NFD、目录标记与异常页序保留在来源切片中，重复版页行以稳定序号区分。
དུ་འདུལ་བ་ནི་རྩོད་པ་ཞི་བར་བྱེད་པ་ཡིན་ཞིང་། དེ་ལྟར་ན་འདི་ན་ཁ་ཅིག་གི་རྩོད་པ་རྣམས་འདི་ལྟ་སྟེ། མངོན་སུམ་དུ་འདུལ་བའི་རྩོད་པ་ཞི་བར་བྱེད་པས་དུལ་བ་དང་། ཞི་བ་དང་། ཉེ་བར་ཞི་བ་ཡིན་ནོ། །དགེ་སློང་དག་ཇི་ལྟར་ན་དྲན་པས་འདུལ་བ་ནི་རྩོད་པ་ཞི་བར་བྱེད་པ་
D1.003.0246a01.01ཡིན། ཇི་ལྟར་ན་འདི་ན་ཁ་ཅིག་རྩོད་པ་རྣམས་འདི་ལྟ་སྟེ། དྲན་པས་འདུལ་བའི་རྩོད་པ་ཞི་བར་བྱེད་པས་དུལ་བ་དང་། ཞི་བ་དང་། ཉེ་བར་ཞི་བ་ཡིན་ཞེ་ན། དཔེར་ན་ཚེ་དང་ལྡན་པ་གྱད་བུ་ནོར་ལ་དགེ་སློང་མ་མཛའ་མོས་མི་བདེན་པས་སྐུར་བ་བཏབ་པ་དེ་ལ་དགེ་སློང་རྣམས་གླེང་བར་བྱེད་
D1.003.0246a02.01དེ། གཞི་དེས་གླེང་བ་ན་ངོ་ཚའོ་ཞེས་བྱ་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཁྱེད་ཀྱིས་གྱད་བུ་ནོར་དང་། གཞན་ཡང་དེ་ལྟ་བུ་དང་མཐུན་པ་སུ་ཡང་རུང་བ་ལ་དྲན་པས་འདུལ་བར་འོས་
D1.003.0246a03.01པ་བྱིན་ཅིག །སྦྱིན་པ་ནི་འདི་ལྟར་སྦྱིན་པར་བྱ་སྟེ། གནས་མལ་བཤམས་ལ་གཎྜཱི་བརྡུངས་ནས་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ལ་དགེ་འདུན་ཐམས་ཅད་ཚོགས་ཤིང་མཐུན་པར་གྱུར་པ་དང་གྱད་བུ་ནོར་གྱིས་བླ་གོས་ཕྲག་པ་གཅིག་ཏུ་གཟར་ཏེ། རྒན་རིམས་ཇི་
D1.003.0246a04.01ལྟ་བ་བཞིན་དུ་འདུད་པ་བྱས་ལ་རྒན་པའི་མཐར་ཙོག་ཙོག་པོར་འདུག་ནས་ཐལ་མོ་སྦྱར་ཏེ་ཚིག་འདི་སྐད་ཅེས། དགེ་འདུན་བཙུན་པ་རྣམས་གསན་དུ་གསོལ། བདག་གྱད་བུ་ནོར་ལ་དགེ་སློང་མ་མཛའ་མོས་མི་བདེན་པས་སྐུར་བ་བཏབ་པས་བདག་ལ་དགེ་སློང་རྣམས་གཞི་དེས་གླེང་བར་
D1.003.0246a05.01བགྱིད་དེ། བདག་ལ་གཞི་དེས་གླེང་བར་བགྱིད་པ་དགེ་འདུན་ལ་དྲན་པས་འདུལ་བ་གསོལ་ན། དགེ་འདུན་བཙུན་པ་ཐུགས་བརྩེ་བ་ཅན་ཐུགས་བརྩེ་བ་ཉེ་བར་བཟུང་སྟེ། བདག་གྱད་བུ་ནོར་ལ་དྲན་པས་འདུལ་བ་སྩལ་དུ་གསོལ། དེ་སྐད་ལན་གཉིས་ལན་གསུམ་དུ་བརྗོད་པར་བྱའོ། །
D1.003.0246a06.01དེ་ནས་དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། །དགེ་འདུན་བཙུན་པ་རྣམས་གསན་དུ་གསོལ། གྱད་བུ་ནོར་འདི་ལ་དགེ་སློང་མ་མཛའ་མོས་མི་བདེན་པས་སྐུར་བ་བཏབ་པས་འདི་ལ་དགེ་སློང་རྣམས་གཞི་དེས་གླེང་བར་བགྱིད་དེ། འདི་ལ་གཞི་དེས་གླེང་བར་བགྱིད་པ་དགེ་
D1.003.0246a07.01