完整藏文原文 · 德格版页 当前仅加载第 3 函德格 195b 版页；藏文 NFD、目录标记与异常页序保留在来源切片中，重复版页行以稳定序号区分。
དེས་སྨྲས་པ། ལྷ་གལ་ཏེ་དེར་བདག་ལ་འཚལ་བ་མ་མཆིས་ན་བླངས་ལ་འདིར་མཆིས་ནས་ལྷའི་ཐུགས་མཉེས་པར་བགྱིའོ། །རྒྱལ་པོས་སྨྲས་པ། ལེགས་ཀྱིས་དེ་བཞིན་དུ་བྱོས་ཤིག །དེ་ནས་ཁྱིམ་བདག་མགོན་མེད་ཟས་སྦྱིན་གཉོད་མང་དུ་ཁྱེར་ནས་རྒྱལ་པོའི་ཁབ་ཏུ་ཕྱིན་ཏོ། །
D1.003.0195b01.01དེ་ཁྱིམ་བདག་གང་གི་ཁྱིམ་དུ་གནས་བཏབ་པའི་ཁྱིམ་བདག་དེ་དེ་ཉིད་ཀྱི་མཚན་མོ་ལངས་ཏེ་ནང་མི་རྣམས་ལ་བསྒོ་བ། ནང་རྗེ་དག་ལོངས་ཤིག །བཞིན་{བཟངས་,བཟང་}དག་ལོངས་ཤིག །ཤིང་རྣམས་གཤེགས་ཤིག །མེ་དག་བུས་ཤིག །འབྲས་ཆན་ཚོས་ཤིག །ཚོད་མ་ཚོས་ཤིག །
D1.003.0195b02.01བཅའ་བ་དག་བཟང་དུ་གྱིས་ཤིག །བཀད་སའི་ཞལ་ཏ་དག་གྱིས་ཤིག །དེ་ནས་ཁྱིམ་བདག་མགོན་མེད་ཟས་སྦྱིན་འདི་སྙམ་དུ་སེམས་ཏེ། ཅི་ཁྱིམ་བདག་འདི་བག་མ་ལེན་ཏམ། བག་མ་གཏོང་ངམ། ཡུལ་མི་རྣམས་འདིས་ཟས་ལ་མགྲོན་དུ་བོས་སམ། ཚོང་པའམ། ཚོགས་
D1.003.0195b03.01སམ། འཁོར་ཏམ། འདིས་མ་ག་དྷཱའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་ཟས་ལ་སྤྱན་དྲངས་སམ་སྙམ་དུ་བསམས་ནས། ཁྱིམ་བདག་དེ་ལ་འདི་སྐད་ཅེས་སྨྲས་སོ། །ཁྱིམ་བདག་ཅི་ཁྱོད་བག་མ་ལེན་ཏམ། བག་མ་གཏོང་ངམ། ཡུལ་མི་རྣམས་ཁྱོད་ཀྱིས་ཟས་ལ་མགྲོན་
D1.003.0195b04.01དུ་བོས་སམ། ཚོང་པའམ། ཚོགས་སམ། འཁོར་ཏམ། ཁྱོད་ཀྱིས་མ་ག་དྷཱའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་ཟས་ལ་སྤྱན་དྲངས་སམ། དེས་སྨྲས་པ། ཁྱིམ་བདག་ཁོ་བོ་བག་མ་ལེན་པའམ། བག་མ་གཏོང་བ་ཡང་མེད། ཁོ་བོས་ཡུལ་མི་ཡང་ཟས་ལ་མ་
D1.003.0195b05.01བོས། ཚོང་པ་མ་ཡིན། ཚོགས་མ་ཡིན། འཁོར་མ་ཡིན། མ་ག་དྷཱའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་ཡང་ཟས་ལ་སྤྱན་དྲངས་པ་མ་ཡིན་ཏེ། འོན་ཀྱང་སངས་རྒྱས་ལ་སོགས་པ་དགེ་སློང་གི་དགེ་འདུན་གདུགས་ཚོད་ལ་སྤྱན་དྲངས་སོ། །ཁྱིམ་བདག་མགོན་མེད་ཟས་སྦྱིན་གྱིས་སངས་རྒྱས་ཞེས་བྱ་
D1.003.0195b06.01བའི་སྒྲ་སྔོན་མ་ཐོས་པ་ཐོས་པ་དང་། བ་སྤུའི་ཁུང་བུ་ཐམས་ཅད་ནས་སྤུ་ཟིང་ཞེས་བྱེད་ནས། བ་སྤུ་ཟིང་ཞེས་བྱེད་པས་ཁྱིམ་བདག་དེ་ལ་འདི་སྐད་ཅེས་སྨྲས་སོ། །ཁྱིམ་བདག་སངས་རྒྱས་ཞེས་བྱ་བ་འདི་སུ་ཡིན། ཁྱིམ་བདག་དགེ་སྦྱོང་གཽ་ཏ་མ་ཤཱཀྱའི་སྲས་ཤཱཀྱའི་རིགས་ལས་སྐྲ་དང་ཁ་སྤུ་བྲེགས་ཏེ་གོས་
D1.003.0195b07.01