完整藏文原文 · 德格版页 当前仅加载第 3 函德格 257a 版页；藏文 NFD、目录标记与异常页序保留在来源切片中，重复版页行以稳定序号区分。
རིགས་རྒྱུད་ལས་བརྩམས་ནས་ཆོས་ཀྱི་གཏམ་གླེང་བར་ནུས་པ་སུ་ཡོད་སྙམ་མོ། །དེའི་ཚེ་ཚེ་དང་ལྡན་པ་མཽད་གལ་གྱི་བུ་ཆེན་པོ་འཁོར་དེ་ཉིད་དུ་འདུས་ཤིང་འདུག་པར་གྱུར་ཏོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་མཽད་གལ་གྱི་བུ་ཆེན་པོ་ལ་བཀའ་
D1.003.0257a01.01སྩལ་པ། མཽད་གལ་གྱི་བུ་ང་རྒྱབ་བསྙུང་བས་རེ་ཞིག་དེ་བསལ་གྱིས། ཁྱོད་ཀྱིས་ཤཱཀྱ་རྣམས་ཀྱི་སྔོན་གྱི་རིགས་རྒྱུད་ལས་བརྩམས་ནས་དགེ་སློང་རྣམས་ལ་ཆོས་ཀྱི་གཏམ་བྱ་བར་སྤོབས་པར་གྱིས་ཤིག །ཚེ་དང་ལྡན་པ་མཽད་གལ་གྱི་བུ་ཆེན་པོས་བཅོམ་ལྡན་འདས་ལ་ཅང་མི་སྨྲ་
D1.003.0257a02.01བས་ཁས་བླངས་སོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་མཽད་གལ་གྱི་བུ་ཆེན་པོས་ཅང་མི་སྨྲ་བས་ཁས་བླངས་པར་ཐུགས་སུ་ཆུད་ནས། སྣམ་སྦྱར་བལྟབ་སྟེ་སྔས་ཕངས་སུ་བཅུག་ནས་གློ་གཡས་པ་ཕབ་སྟེ། ཞབས་ཀྱི་སྟེང་དུ་ཞབས་བཞག་ནས་སྣང་བའི་འདུ་
D1.003.0257a03.01ཤེས་དང་། དྲན་པ་དང་། ཤེས་བཞིན་དང་ལྡང་བའི་འདུ་ཤེས་ཁོ་ན་ཡིད་ལ་མཛད་པས་མནལ་ཏོ། །དེ་ནས་ཚེ་དང་ལྡན་པ་མཽད་གལ་གྱི་བུ་ཆེན་པོ་འདི་སྙམ་དུ་སེམས་ཏེ། མ་ལ་བདག་གིས་སེམས་ཇི་ལྟར་མཉམ་པར་གཞག་ན་ཤཱཀྱ་རྣམས་ཀྱི་སྔོན་གྱི་རིགས་རྒྱུད་ཤཱཀྱ་རྣམས་
D1.003.0257a04.01གང་ལས་སྐྱེས་པ་དང་། ཐོག་མ་གང་ཡིན་པ་དང་། རྒྱུ་ནི་ཅི་ཞིག་ཡིན་པ་དང་། ཤཱཀྱ་རྣམས་ཀྱི་སྔོན་གྱི་རིགས་རྒྱུད་གང་ཡིན་པ་མཐོང་བར་འགྱུར་བ་དེ་ལྟ་བུའི་ཏིང་ངེ་འཛིན་ལ་སྙོམས་པར་འཇུག་པར་བྱའོ། །སྙམ་ནས། དེ་ནས་ཚེ་དང་ལྡན་པ་མཽད་གལ་གྱི་བུ་ཆེན་པོས་
D1.003.0257a05.01སེམས་ཇི་ལྟར་མཉམ་པར་གཞག་ན་ཤཱཀྱ་རྣམས་ཀྱི་སྔོན་གྱི་རིགས་རྒྱུད་མཐོང་བར་འགྱུར་བ་དེ་ལྟ་བུའི་ཏིང་ངེ་འཛིན་ལ་སྙོམས་པར་ཞུགས་པ་དང་། ཚེ་དང་ལྡན་པ་མཽད་གལ་གྱི་བུ་ཆེན་པོས་ཤཱཀྱ་རྣམས་ཀྱི་སྔོན་གྱི་རིགས་རྒྱུད་ཤཱཀྱ་རྣམས་གང་ལས་སྐྱེས་པ་དང་། ཐོག་མ་གང་
D1.003.0257a06.01ཡིན་པ་དང་། རྒྱུ་ནི་ཅི་ཞིག་ཡིན་པ་དང་། ཤཱཀྱ་རྣམས་ཀྱི་སྔོན་གྱི་རིགས་རྒྱུད་ནི་གང་ཡིན་པ་མཐོང་ངོ་། །མཐོང་ནས་ཏིང་ངེ་འཛིན་དེ་ལས་ལངས་ཏེ། དགེ་སློང་གི་དགེ་འདུན་གྱི་གུང་ལ་སྟན་བཤམས་པ་ཉིད་ལ་འདུག་གོ། །འདུག་ནས་ཚེ་དང་ལྡན་པ་མཽད་གལ་གྱི་
D1.003.0257a07.01