完整藏文原文 · 德格版页 当前仅加载第 3 函德格 246b 版页；藏文 NFD、目录标记与异常页序保留在来源切片中，重复版页行以稳定序号区分。
འདུན་ལས་དྲན་པས་འདུལ་བ་གསོལ་ན། གལ་ཏེ་དགེ་འདུན་གྱི་དུས་ལ་བབ་ཅིང་བཟོད་ན་དགེ་འདུན་གྱིས་གནང་བར་མཛོད་ཅིག་དང་། འདི་ལྟར་དགེ་འདུན་གྱིས་གྱད་བུ་ནོར་ལ་དྲན་པས་འདུལ་བ་སྩོལ་བར་མཛད་དོ། །འདི་ནི་གསོལ་བའོ། །ལས་བྱ་བ་ནི། དགེ་འདུན་བཙུན་
D1.003.0246b01.01པ་རྣམས་གསན་དུ་གསོལ། གྱད་བུ་ནོར་འདི་ལ་དགེ་སློང་མ་མཛའ་མོས་མི་བདེན་པས་སྐུར་བ་བཏབ་པས་འདི་ལ་དགེ་སློང་རྣམས་གཞི་དེས་གླེང་བར་བགྱིད་དེ། འདི་ལ་གཞི་དེས་གླེང་བར་བགྱིད་པ་ན་དགེ་འདུན་ལས་དྲན་པས་འདུལ་བ་གསོལ་ཏེ། དེའི་སླད་དུ་དགེ་འདུན་གྱིས་
D1.003.0246b02.01གྱད་བུ་ནོར་ལ་དྲན་པས་འདུལ་བ་སྩོལ་བར་མཛད་ན། ཚེ་དང་ལྡན་པ་གང་དག་གྱད་བུ་ནོར་ལ་དྲན་པས་འདུལ་བ་སྩོལ་བར་བཟོད་པ་དེ་དག་ནི་ཅང་མ་གསུང་ཤིག །གང་དག་མི་བཟོད་པ་དེ་དག་ནི་གསུང་ཤིག །འདི་ནི་ལས་བརྗོད་པ་དང་པོ་སྟེ། དེ་བཞིན་དུ་ལས་བརྗོད་པ་གཉིས་པ་དང་
D1.003.0246b03.01གསུམ་གྱི་བར་དུ་བརྗོད་པར་བྱའོ། །དགེ་འདུན་གྱིས་བཟོད་ཅིང་གནང་ནས་དགེ་འདུན་གྱིས་གྱད་བུ་ནོར་ལ་དྲན་པས་འདུལ་བ་སྩལ་ལགས་ཏེ། འདི་ལྟར་ཅང་མི་གསུང་བས་དེ་དེ་བཞིན་དུ་འཛིན་ནོ། །ཆོས་མ་ཡིན་པའི་དྲན་པས་འདུལ་བ་སྦྱིན་པ་གསུམ་དང་། ཆོས་ཀྱི་གསུམ་མོ། །ཆོས་
D1.003.0246b04.01མ་ཡིན་པའི་དྲན་པས་འདུལ་བ་སྦྱིན་པ་གསུམ་གང་ཞེ་ན། འདི་ལྟ་སྟེ། དགེ་སློང་ཕས་ཕམ་པའི་ལྟུང་བ་བྱུང་བ་དེ་ལ་དགེ་སློང་རྣམས་གཞི་དེས་གླེང་བར་བྱེད་ཅིང་། དེ་ལ་གཞི་དེས་གླེང་བར་བྱེད་པ་ན། དགེ་འདུན་ལས་དྲན་པས་འདུལ་བ་
D1.003.0246b05.01གསོལ་ཏེ། དེ་ལ་དགེ་འདུན་གྱིས་དྲན་པས་འདུལ་བ་སྦྱིན་པ་ནི་ཆོས་མ་ཡིན་པའི་དྲན་པས་འདུལ་བ་སྦྱིན་པ་ཡིན་ཏེ། དེ་ཅིའི་ཕྱིར་ཞེ་ན། དེ་ནི་བསྙིལ་བར་འོས་པའི་ཕྱིར་རོ། །འདི་ལྟ་སྟེ་དགེ་སློང་དགེ་འདུན་ལྷག་མ་དང་། ལྟུང་བྱེད་དང་། སོ་སོར་བཤགས་པ་དང་། ཉེས་
D1.003.0246b06.01བྱས་ཀྱི་ལྟུང་བ་བྱུང་བ་དེ་ལ་དགེ་སློང་རྣམས་གཞི་དེས་གླེང་བར་བྱེད་ཅིང་། དེ་ལ་གཞི་དེས་གླེང་བར་བྱེད་པ་ན་དགེ་འདུན་ལས་དྲན་པས་འདུལ་བ་གསོལ་ཏེ། དགེ་འདུན་གྱིས་དེ་ལ་དྲན་པས་འདུལ་བ་སྦྱིན་པ་ནི་ཆོས་མ་ཡིན་པའི་དྲན་པས་འདུལ་བ་སྦྱིན་པ་ཡིན་ཏེ། དེ་ཅིའི་ཕྱིར་ཞེ་ན།
D1.003.0246b07.01