完整藏文原文 · 德格版页 当前仅加载第 3 函德格 279b 版页；藏文 NFD、目录标记与异常页序保留在来源切片中，重复版页行以稳定序号区分。
པ་སྤངས་ཏེ། སྲོག་གཅོད་པ་ལས་སླར་ལྡོག་གོ། །མ་བྱིན་པར་ལེན་པ་དང་། མི་ཚངས་པར་སྤྱོད་པ་དང་། {བརྫུན་,རྫུན་}དུ་སྨྲ་བ་དང་། སྦྱར་བའི་ཆང་དང་། འབྲུའི་ཆང་མྱོས་པར་འགྱུར་བ་བག་མེད་པའི་གནས་སྤངས་ཏེ། སྦྱར་བའི་ཆང་དང་འབྲུའི་ཆང་མྱོས་པར་འགྱུར་བ་བག་མེད་
D1.003.0279b01.01པའི་གནས་ལས་སླར་ལྡོག་པར་བྱེད་དོ། །སྲོག་མི་གཅོད་དང་མ་བྱིན་མི་ལེན་དང་། །{བརྫུན་,རྫུན་}དུ་མི་སྨྲ་ཆང་ལ་མི་བརྐམ་དང་། །འཁྲིག་པའི་མི་ཚངས་སྤྱོད་པ་སྤོང་བ་འདི། །འདི་ནི་དོན་གྲུབ་ཡུམ་གྱི་ཆོས་ཉིད་ཡིན། ཆོས་ཉིད་ཀྱིས་གང་གི་ཚེ་བྱང་ཆུབ་སེམས་དཔའ་བཅོམ་ལྡན་
D1.003.0279b02.01འདས་ཡུམ་གྱི་ལྷུམས་སུ་བཞུགས་པ་དེའི་ཚེ་དེའི་ཡུམ་འདི་ལྟ་སྟེ། སྐྱེས་པ་རྣམས་ལ་འདོད་པ་དང་ལྡན་པའི་ཡིད་གཏོད་པ་མེད་དོ། །ཉོན་མོངས་རྣམས་ལ་ཆགས་པར་མི་འགྱུར་ཞིང་། །དེ་ནི་འདོད་རྒྱུས་སེམས་གདུངས་མི་འགྱུར་ལ། །དེ་ཡུམ་འདོད་པའི་ཡོན་ཏན་ལྡན་པ་ཡི། །སྐྱེས་
D1.003.0279b03.01པ་རྣམས་ལ་སེམས་ནི་གཏོད་པ་མེད། །སྒྱུ་འཕྲུལ་ཆེན་མོ་འདོད་པ་སྐྱེས་པ། ཀྱེ་མ་བདག་གིས་རྒྱ་མཚོ་ཆེན་པོ་བཞིའི་ཆུ་བཏུང་ངོ་སྙམ་ནས་དེས་རྒྱལ་པོ་ཟས་གཙང་ལ་སྨྲས་པ་དང་། རྒྱལ་པོ་ཟས་གཙང་གིས་མཚན་མཁན་རྣམས་ལ་སྨྲས་པ། ཅིའི་ཕྱིར་བཙུན་མོ་འདི་འདི་ལྟ་བུའི་འདོད་པ་སྐྱེ།
D1.003.0279b04.01མཚན་མཁན་རྣམས་ཀྱིས་སྨྲས་པ། ལྷ་བཙུན་མོ་ལ་སྲས་སྐྱེས་བུ་ཆེན་པོའི་མཚན་སུམ་བཅུ་རྩ་གཉིས་ཀྱིས་སྐུ་བརྒྱན་པ་ཞིག་བལྟམ་པར་འགྱུར་ཏེ། དེ་རབ་ཏུ་བྱུང་ནས་ཤེས་བྱའི་མཚོ་མཐའ་དག་འཐུང་བར་འགྱུར་རོ་ཞེས་ལུང་བསྟན་ཏོ། །རྒྱལ་པོས་སྨྲས་པ། གལ་ཏེ་འདི་ལ་མཚོ་
D1.003.0279b05.01ཆེན་པོའི་ཆུ་མ་བླུད་ན་ཅིར་འགྱུར། སྲས་ཡན་ལག་མ་ཚང་བ་ཞིག་བཙས་པར་འགྱུར་རོ། །རྒྱལ་པོས་སྨྲས་པ། ང་མིང་ཟས་གཙང་མ་ཞེས་བྱ་བའི་བུ་ཡན་ལག་མ་ཚང་བར་བྱའམ། དེའི་ཚེ་གྲོང་ཁྱེར་སེར་སྐྱའི་གཞི་ན་ཀུན་དུ་རྒྱུ་མིག་དམར་ཞེས་བྱ་བ་མིག་འཕྲུལ་ལ་བྱང་བ་ཞིག་
D1.003.0279b06.01འདུག་པ་དེ་རྒྱལ་པོས་བཀུག་ནས་བསྒོ་བ་དང་། དེས་དེ་སྟེང་གི་ཁང་{བཟངས་ཀྱི་,བཟང་གི་}གཞི་ན་འདུག་པ་ལ་རྒྱ་མཚོ་ཆེན་པོ་བཞི་བསྟན་ཏེ་ཆུ་བླུད་པ་དང་། དེའི་འདོད་པ་སྐྱེས་པ་གང་ཡིན་པ་དེ་དང་བྲལ་བར་གྱུར་ཏོ། །གཞན་ཡང་དེའི་འདོད་པ་སྐྱེས་པ། ཀྱེ་མ་བཙོན་ཐམས་ཅད་ཐར་བར་བྱའོ། །
D1.003.0279b07.01