完整藏文原文 · 德格版页 当前仅加载第 3 函德格 280a 版页；藏文 NFD、目录标记与异常页序保留在来源切片中，重复版页行以稳定序号区分。
སྙམ་པ་དང་། རྒྱལ་པོས་བཙོན་ཐམས་ཅད་ཐར་བར་བྱས་ནས། དེའི་འདོད་པ་སྐྱེས་པ་གང་ཡིན་པ་དེ་དང་བྲལ་བར་གྱུར་ཏོ། །གཞན་ཡང་དེའི་འདོད་པ་སྐྱེས་པ། ཀྱེ་མ་སྦྱིན་པ་དག་སྦྱིན། བསོད་ནམས་དག་བྱའོ་སྙམ་པ་དང་། རྒྱལ་པོས་སྦྱིན་པ་དག་བྱིན།
D1.003.0280a01.01བསོད་ནམས་དག་བྱས་ནས་དེའི་འདོད་པ་སྐྱེས་པ་གང་ཡིན་པ་དེ་དང་བྲལ་བར་གྱུར་ཏོ། །གཞན་ཡང་དེའི་འདོད་པ་སྐྱེས་པ། ཀྱེ་མ་བདག་གིས་སྐྱེད་མོས་ཚལ་བལྟའོ་སྙམ་པ་དང་། རྒྱལ་པོས་སྐྱེད་མོས་ཚལ་བསྟན་ནས་དེའི་འདོད་པ་སྐྱེས་པ་གང་ཡིན་པ་དེ་དང་བྲལ་བར་གྱུར་ཏོ། །གཞན་
D1.003.0280a02.01ཡང་དེའི་འདོད་པ་སྐྱེས་པ། ཀྱེ་མ་བདག་སྐྱེད་མོས་ཚལ་དུ་འདུག་པར་བྱའོ་སྙམ་པ་དང་། རྒྱལ་པོ་ལེགས་པར་རབ་སད་ལ་ལུམ་བི་ནིའི་ཚལ་ཞེས་བྱ་བའི་སྐྱེད་མོས་ཚལ་ཡོད་ནས་དེ་ལ་རྒྱལ་པོ་ཟས་གཙང་གིས་སྤྲིང་བ། ཁྱོད་ཀྱི་བུ་མོ་སྐྱེད་མོས་ཚལ་དུ་འགྲོ་བར་འདོད་ཀྱིས་སྐྱེད་མོས་
D1.003.0280a03.01ཚལ་བྱི་དོར་བྱོས་ཤིག །དེས་ཞོ་ཤས་འཚོ་བ་དག་ལ་བསྒོ་བ། ཤེས་ལྡན་དག་སྐྱེད་མོས་ཚལ་བྱི་དོར་བྱོས་ཤིག །དེ་རྣམས་ཀྱིས་སྐྱེད་མོས་ཚལ་བྱི་དོར་བྱས་སོ། །དེ་ནས་དེ་འཁོར་རྣམས་དང་ལྷན་ཅིག་དོང་ངོ་། །དེ་ནས་དེས་ལུམ་བི་ནིའི་ཚལ་དུ་འཆག་པ་ན་ཤིང་མྱ་ངན་འཚང་མེ་
D1.003.0280a04.01ཏོག་ཤིན་ཏུ་རྒྱས་པ་ཞིག་མཐོང་སྟེ། དེ་བལྟམ་པར་འདོད་ནས་དེ་ལ་བཟུང་སྟེ་འདུག་པ་དང་། ལྷ་རྣམས་ཀྱི་དབང་པོ་བརྒྱ་བྱིན་གྱིས་བསམས་པ། བྱང་ཆུབ་སེམས་དཔའི་ཡུམ་ནི་ངོ་ཚ་ཤེས་པ་དང་ལྡན་པས་སྐྱེ་བོའི་ཚོགས་ཆེན་པོས་བསྐོར་ན་བལྟམ་མི་ཕོད་ཀྱིས་ཐབས་ཤིག་བཤམ་
D1.003.0280a05.01པར་བྱའོ་སྙམ་ནས་དེས་རླུང་དང་ཆར་དྲག་པོ་ཅིག་སྤྲུལ་ནས་དེས་སྐྱེ་བོའི་ཚོགས་དེ་ཀུན་དུ་བྲོས་སོ། །དེ་ནས་ལྷ་རྣམས་ཀྱི་དབང་པོ་བརྒྱ་བྱིན་གྱིས་བདག་ཉིད་མ་མ་རྒན་མོའི་ཆ་བྱད་དུ་མངོན་པར་སྤྲུལ་ནས་བཙུན་མོ་སྒྱུ་འཕྲུལ་ཆེན་མོའི་མདུན་དུ་བསྡད་པ་དང་། དེས་བལྟམ་པར་བརྩམས་སོ། །
D1.003.0280a06.01བྱང་ཆུབ་སེམས་དཔའ་བལྟམ་པ་དང་། བརྒྱ་བྱིན་གྱིས་པགས་པའི་སླེབ་མོས་བཟུང་ངོ་། །དེ་ནས་བྱང་ཆུབ་སེམས་དཔའ་འདི་སྙམ་དུ་དགོངས་ཏེ། བརྒྱ་བྱིན་འདི་བདག་གིས་བྱང་ཆུབ་སེམས་དཔའ་བླངས་སོ་ཞེས་དྲེགས་པར་འགྱུར་བར་མཁྱེན་ནས་བདག་ཉིད་རྡོ་རྗེའི་སྐུར་བྱིན་
D1.003.0280a07.01