完整藏文原文 · 德格版页 当前仅加载第 3 函德格 81a 版页；藏文 NFD、目录标记与异常页序保留在来源切片中，重复版页行以稳定序号区分。
ཟས་སུ་སྦྱར་བས་རྨོངས་པར་བྱས་ནས་མགོ་རྣམས་བཅད་དེ། དེ་ནས་གཟེབ་བཀང་ནས་སྟེང་དུ་ཕུ་བོ་ཤོས་ཀྱི་མགོ་བཞག་སྟེ་རྒྱ་སྐྱེགས་ལ་རྒྱས་བཏབ་ནས་ས་ག་མ་ལ་བསྐུར་བ་དང་ས་ག་མས་བསམས་པ། གདོན་མི་ཟ་བར་ལྷས་སྲིང་མོའི་བུ་རྣམས་ལ་བགོ་བ་ཞིག་བསྐུར་
D1.003.0081a01.01བ་ཡིན་གྱིས། བདག་གིས་ཀྱང་སངས་རྒྱས་ལ་སོགས་པ་དགེ་སློང་གི་དགེ་འདུན་ལ་བགོ་བར་དབུལ་ལོ་སྙམ་ནས། དེ་ནས་སངས་རྒྱས་ལ་སོགས་པ་དགེ་སློང་གི་དགེ་འདུན་རྣམས་བདེ་བར་བཞུགས་པར་རིག་ནས་གཙང་ཞིང་བསོད་པའི་བཟའ་བ་དང་བཅའ་བ་རྣམས་ཀྱིས་ཞེས་བྱ་བ་
D1.003.0081a02.01ནས། བཅོམ་ལྡན་འདས་ཀྱིས་གསོལ་ཟིན་ནས་ཕྱག་བཅབས་ཏེ་ལྷུང་བཟེད་གྱུ་བར་རིག་ནས་ཞེས་བྱ་བའི་བར་གོང་མ་བཞིན་དུའོ། །གཟེབ་ཁ་དབྱེ་བར་བརྩམས་པ་དང་བཅོམ་ལྡན་འདས་ཀྱིས་དགོངས་པ། གལ་ཏེ་ས་ག་མས་བདེན་པ་མ་མཐོང་བར་བུ་བསད་པ་མཐོང་ན་
D1.003.0081a03.01བདེན་པ་རྣམས་ཀྱི་སྣོད་དུ་མི་འགྱུར་བའི་གནས་གང་ཡིན་པ་དེ་ཡོད་དོ་སྙམ་དུ་དགོངས་ནས་ས་ག་མ་ལ་བཀའ་སྩལ་པ། རེ་ཞིག་འདུག་ལ་ཆོས་ཉོན་ལ་ཕྱིས་ཅི་དགའ་བ་གྱིས་ཤིག །དེས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ནས་ཆོས་མཉན་པའི་ཕྱིར་སྤྱན་སྔར་འདུག་
D1.003.0081a04.01གོ། །དེ་ནས་བཅོམ་ལྡན་འདས་ཀྱིས་དེའི་བསམ་པ་དང་། བག་ལ་ཉལ་བ་དང་ཁམས་དང་རང་བཞིན་མཁྱེན་ནས་ཞེས་བྱ་བ་ནས་བདེན་པ་མཐོང་བར་མཛད་དོ་ཞེས་བྱ་བའི་བར་གོང་མ་བཞིན་དུའོ། །དེ་ནས་བདེན་པ་མཐོང་ནས་གཟེབ་ཁ་ཕྱེ་བ་དང་བུའི་མགོ་རྣམས་མཐོང་ནས། དེ་ནས་
D1.003.0081a05.01གསོལ་པ། བཅོམ་ལྡན་འདས་འདུ་བྱེད་ཐམས་ཅད་ནི་འདི་ལྟར་མི་རྟག་པ་ལགས་སོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་ཀོ་ས་ལའི་རྒྱལ་པོ་གསལ་རྒྱལ་གྱིས་ས་ག་མའི་བུ་རྣམས་བསྟུངས་པ་ནི་ཉེས་སོ། །གལ་ཏེ་མ་བསྟུངས་པར་
D1.003.0081a06.01གྱུར་ན་འདི་རྣམས་ཁོ་ནས་གྲོགས་བྱས་པས་དེའི་ལག་མཐིལ་དུ་ས་མཐའ་དག་འཇོག་པར་འགྱུར་བ་ཞིག །དེ་ནས་ཀོ་ས་ལའི་རྒྱལ་པོ་གསལ་རྒྱལ་ལུས་རྡུལ་གྱིས་ཡོག་ཅིང་བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་
D1.003.0081a07.01