完整藏文原文 · 德格版页 当前仅加载第 3 函德格 94b 版页；藏文 NFD、目录标记与异常页序保留在来源切片中，重复版页行以稳定序号区分。
གྱིས། ཁྱོད་ཁོ་ནས་བདག་ཅག་ལ་བགོས་ཤིག །དེས་བགོ་བར་བརྩམས་ནས་དེ་ནས་རས་ཡུག་གཅིག་ཁ་ཁྱེར་དུ་འདུག་པ་དེ་ཡང་བླངས་ནས་རས་རྣམས་བམ་པོར་བཅིངས་ཏེ་སོང་ངོ་། །དེ་ནས་རིམ་གྱིས་མཉན་ཡོད་དུ་ཕྱིན་པ་དང་དེ་དགེ་སློང་རྣམས་ཀྱིས་མཐོང་ནས་སྨྲས་
D1.003.0094b01.01པ། བཙུན་པ་ཉེ་དགའ་ཁྱོད་ཀྱིས་སུ་ཞིག་ཤི་བ་མཐོང་། དེས་ཇི་ལྟར་གྱུར་པ་རྒྱས་པར་སྨྲས་པ་དང་དེ་རྣམས་ཀྱིས་སྨྲས་པ། ཁྱོད་དེ་ལྟར་བྱེད་པ་བརྟགས་པ་ཡིན་ནམ། མི་མཛའ་བ་རྣམས་ཀྱི་མགྲིན་པ་རྡོག་པས་མནན་ནས་སོ། །སྐབས་དེ་དགེ་སློང་རྣམས་ཀྱིས་བཅོམ་ལྡན་
D1.003.0094b02.01འདས་ལ་གསོལ་པ་དང་། བཅོམ་ལྡན་འདས་ཀྱིས་དགོངས་པ། ཉེས་དམིགས་གང་ཅི་བྱུང་བ་ནི་དགེ་སློང་རྣམས་གཞན་གྱི་རྙེད་པ་ལ་ཐོབ་རྒྱལ་བྱེད་པ་ལས་གྱུར་གྱིས། དེ་ལྟ་བས་ན་དགེ་སློང་གིས་གཞན་གྱི་རྙེད་པ་ལ་ཐོབ་རྒྱལ་མི་བྱའོ། །ཐོབ་རྒྱལ་བྱེད་ན་འགལ་ཚབས་ཅན་དུ་
D1.003.0094b03.01འགྱུར་རོ། །དགེ་སློང་རྣམས་ཐེ་ཚོམ་སྐྱེས་ནས། ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ཚེ་དང་ལྡན་པ་ཉེ་{དགའས་,དགས་}རྒན་ཞུགས་དེ་གཉིས་ཆོས་ཀྱི་སྒོ་ནས་བསླུས་པ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་
D1.003.0094b04.01ད་ལྟར་འབའ་ཞིག་ཏུ་མ་ཟད་དེ། འདས་པའི་དུས་ན་ཇི་ལྟར་འདིས་རྒན་ཞུགས་གཉིས་བསླུས་པ་དེ་ཉིད་ཉོན་ཅིག །དགེ་སློང་དག་སྔོན་བྱུང་བ་འབབ་ཆུའི་ངོགས་ཤིག་ན་སྲམ་གཉིས་ཤིག་གནས་པ་ལས་དེ་གཉིས་གང་གི་ཚེ་ཆུའི་ནང་དུ་ཞུགས་པ་ན་ཉ་སྐམ་ལ་ཐོན་པར་འགྱུར་ཞིང་གང་
D1.003.0094b05.01གི་ཚེ་སྐམ་ལ་དོང་བ་དེའི་ཚེ་ཆུའི་ནང་དུ་དོང་ནས་ཅུང་ཟད་ཀྱང་མ་རྙེད་དོ། །དེ་ནས་དེ་གཉིས་ཀྱིས་གྲོས་བྱས་པ། བདག་ཅག་ལས་གཅིག་ནི་ཆུའི་ནང་དུ་འགྲོའོ། །ཅིག་ཤོས་ཀྱིས་ནི་སྐམ་ལ་སྟེ། རྙེད་པ་གང་ཡིན་པ་དེ་ནི་སྤྱིར་བྱའོ། །དེ་ན་གཅིག་ནི་ཆུར་སོང་ངོ་། །ཅིག་ཤོས་
D1.003.0094b06.01ཀྱིས་ནི་སྐམ་ལ་སྟེ། དེ་ལ་ཆུར་ཞུགས་པ་གང་ཡིན་པས་ཉ་རྣམས་བསྐྲོགས་ཏེ་སྐམ་ལ་བཏོན་ནས་དེ་རྣམས་སྐམ་ལ་གནས་པས་བསད་དོ། །ཆུ་ལ་གནས་པ་ནི་ཆུ་ལ་གནས་པ་ཉིད་ཀྱིས་སོ། །ཇི་ཙམ་ན་ཉའི་ཕུང་པོ་ཆེན་པོར་གྱུར་པ་དང་གཅིག་གིས་སྨྲས་པ། ཁྱོད་ཀྱིས་བགོས་
D1.003.0094b07.01