完整藏文原文 · 德格版页 当前仅加载第 3 函德格 52a 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཅན་ན་རིས་གསུམ་དུ་གནས་ཏེ། རིས་དང་པོ་ན་ནི་ཁང་པ་རྩེག་མ་བདུན་སྟོང་བ་གམ་གསེར་ལས་བྱས་པའོ། །རིས་བར་མ་ན་ནི་ཁང་པ་རྩེག་མ་ཁྲི་བཞི་སྟོང་བ་གམ་དངུལ་ལས་བྱས་པའོ། །རིས་ཐ་མ་ན་ནི་ཁང་པ་རྩེག་མ་ཉི་ཁྲི་ཆིག་སྟོང་བ་གམ་ཟངས་ལས་བྱས་པ་སྟེ། དེ་
D1.003.0052a01.01རྣམས་ན་མི་དམ་པ་དང་། བར་མ་དང་། ཕལ་པ་རྣམས་ཅི་རིགས་པར་གནས་སོ། །ཡངས་པ་ཅན་གྱི་ཚོགས་ཀྱིས་ཁྲིམས་སུ་བཅས་ཏེ་བཞག་པ་ནི་རིས་དང་པོར་བུ་མོ་བཙས་པ་གང་ཡིན་པ་དེ་ནི་རིས་དང་པོ་ཉིད་དུ་གཏོང་བར་བྱེད་ཀྱི་བར་མར་མ་ཡིན། ཐ་མར་མ་ཡིན་ནོ། །བར་མའི་གང་
D1.003.0052a02.01ཡིན་པ་དེ་ནི་རིས་དང་པོ་དང་བར་མ་ལ་གཏོང་བར་བྱེད་དོ། །ཐ་མའི་གང་ཡིན་པ་དེ་ནི་རིས་གསུམ་ཆར་དུ་གཏོང་བར་བྱེད་དོ། །བུད་མེད་རྣམས་ནི་ཡངས་པ་ཅན་མ་གཏོགས་པར་གཞན་དུ་མི་གཏོང་ཞིང་མི་འབྱིན་ཏོ། །བུད་མེད་རིན་པོ་ཆེ་ནི་སུ་ལ་ཡང་མི་གཏོང་བར་ཚོགས་སྤྱིའི་ཡོངས་སུ་ལོངས་
D1.003.0052a03.01སྤྱད་པ་ཁོ་ནར་བྱེད་དོ། །དུམ་བུ་ནི་སྐྱེས་བུ་དམ་པ་ཡིན་ནོ་ཞེས་ཏེ་རིས་དང་པོར་ཁང་པ་བྱིན་ནས། དེ་ན་གནས་པར་བརྩམས་པ་ལས་གང་གི་ཚེ་ཚོགས་འདུས་པ་དེའི་ཚེ་དེ་བོས་ཀྱང་འདུར་མ་བཏུབ་ནས། དེ་ལ་ཡངས་པ་ཅན་གྱི་ལིཙྪ་བཱི་རྣམས་ཀྱིས་སྨྲས་པ། དུམ་བུ་ཁྱོད་ཅིའི་ཕྱིར་མི་འདུ།
D1.003.0052a04.01དེས་སྨྲས་པ། འདུ་བ་ཁོ་ན་ལས་བདག་ལ་ཉེས་དམིགས་བྱུང་བས་བདག་མི་འདུའོ། །ཡངས་པ་ཅན་པ་རྣམས་ཀྱིས་སྨྲས་པ། དུམ་བུ་འདུས་ཤིག །འདིར་ཉེས་དམིགས་ཅི་ཞིག་འབྱུང་དེས་འདུ་བར་བརྩམས་ནས་བློ་གྲོས་མ་བྱིན་ནོ། །དེ་རྣམས་ཀྱིས་སྨྲས་པ། དུམ་བུ་བློ་གྲོས་བྱིན་
D1.003.0052a05.01ཅིག །དེས་སྨྲས་པ། གང་གི་ཕྱིར་བློ་གྲོས་ཁོ་ནས་བདག་ལ་ཉེས་དམིགས་བྱུང་བས་ན་བློ་གྲོས་ནི་མི་སྦྱིན་ནོ། །དེ་རྣམས་ཀྱིས་སྨྲས་པ། བློ་གྲོས་བྱིན་ཅིག་འདིར་ཉེས་དམིགས་ཅི་ཞིག་འབྱུང་། དེ་ཚོགས་དང་ལྷན་ཅིག་འདུས་ནས་བློ་གྲོས་ཀྱང་བྱིན་ནོ། །སྔོན་ཡངས་པ་ཅན་གྱི་ལིཙྪ་བཱི་
D1.003.0052a06.01རྣམས་གང་སུ་ལ་ཡང་རུང་ཡི་གེ་སྤྲིང་བར་བྱེད་ན་རྩུབ་པོ་དང་བཅས་པར་ཡི་གེ་སྤྲིང་བར་བྱེད་དོ། །གང་གི་ཚེ་དུམ་བུས་བློ་གྲོས་བྱིན་པ་དེའི་ཚེ་འཇམ་པོ་དང་བཅས་པར་ཡི་གེ་སྤྲིང་བར་བྱེད་དོ། །གང་དག་ལ་འཇམ་པོ་དང་བཅས་པར་ཡི་གེ་འོངས་པར་གྱུར་པ་དེ་རྣམས་ཕན་ཚུན་དུ་གྲོས་བྱས་པ།
D1.003.0052a07.01