完整藏文原文 · 德格版页 当前仅加载第 3 函德格 22b 版页；藏文 NFD、目录标记与异常页序保留在来源切片中，重复版页行以稳定序号区分。
མིའི་གཡང་འབབ་པར་གྱུར་ཅིག །འདི་ལྟ་བུའི་ཆོས་རྣམས་ཀྱང་ཐོབ་ནས་འདི་བས་ཁྱད་པར་དུ་འཕགས་པའི་སྟོན་པ་མཉེས་པར་བྱེད་ཀྱི། མི་མཉེས་པར་བྱེད་པར་མ་གྱུར་ཅིག་ཅེས་བྱས་སོ། །དེ་ནས་རང་སངས་རྒྱས་ཀྱིས་དེ་རྣམས་ལ་སྙིང་བརྩེ་བར་རྫུ་འཕྲུལ་བྱས་ནས་
D1.003.0022b01.01རྒྱལ་པོའི་ཁབ་ཀྱི་སྟེང་ནས་ཕར་ཆས་ཏེ་སོང་བ་དང་། དེའི་གྲིབ་མ་རྒྱལ་པོའི་སྟེང་དུ་བབ་པ་ལས་དེ་གདོང་བསྟོད་དེ་བལྟ་བར་བརྩམས་པ་དང་། བདག་ཉིད་ཆེན་པོ་དེ་མཐོང་ནས་དེས་བསམས་པ། བདག་ཉིད་ཆེན་པོ་འདིས་ཡང་སུ་ཞིག་གི་བཀྲེན་པའི་རྩ་བ་ཕྱུང་
D1.003.0022b02.01བར་འགྱུར་སྙམ་མོ། །མེ་ཏོག་ཕྲེང་རྒྱུད་མཁན་དེ་རྒྱལ་པོ་ལ་མེ་ཏོག་འབུལ་བའི་དུས་གང་ཡིན་པ་དེ་ལས་ཐེག་གི་ཙམ་ཞིག་ཡོལ་ལོ། །རྒྱལ་པོ་ཡང་མེ་ཏོག་ལ་སྡོད་ཅིང་འདུག་གོ། །དེ་ནས་མེ་ཏོག་ཕྲེང་རྒྱུད་མཁན་དེ་རྒྱལ་པོའི་ཞོ་ཤས་འཚོ་བ་རྣམས་ཀྱིས་བཀུག་པ་
D1.003.0022b03.01དང་རྒྱལ་པོས་དེ་ལ་སྨྲས་པ། ཅིའི་ཕྱིར་ཁྱོད་ཀྱིས་མེ་ཏོག་དེ་རིང་དུས་ལས་ཡོལ་དེས་ཇི་ལྟར་གྱུར་པ་རྒྱས་པར་སྨྲས་པ་དང་། དེ་ནས་རྒྱལ་པོས་ཇི་སྙེད་གྱོན་པ་བྱིན་ནོ། །དེ་བཞིན་དུ་མེ་ཏོག་ཕྲེང་རྒྱུད་མཁན་གྱི་ཆུང་མ་ལ་ནི་བཙུན་མོ་རྣམས་ཀྱིས་ཇི་སྙེད་གྱོན་པ་བྱིན་ནོ། །
D1.003.0022b04.01མེ་ཏོག་ཕྲེང་རྒྱུད་མཁན་གྱི་བུ་ལ་ནི་གཞོན་ནུ་རྣམས་ཀྱིས་སོ། །མེ་ཏོག་ཕྲེང་རྒྱུད་མཁན་གྱི་མནའ་མ་ལ་ནི་རྒྱལ་པོའི་མནའ་མ་རྣམས་ཀྱིས་ཏེ། དེ་མཐོང་བའི་ཆོས་དེ་ཉིད་ལ་ནོར་གྱི་མེ་ཏོག་མངོན་པར་གྲུབ་པར་གྱུར་ཏེ་དབུལ་བ་མེད་པར་གྱུར་ཏོ། །དགེ་སློང་དག་ཇི་
D1.003.0022b05.01སྙམ་དུ་སེམས། དེའི་ཚེ་དེའི་དུས་ཀྱི་མེ་ཏོག་ཕྲེང་རྒྱུད་མཁན་གང་ཡིན་པ་དེ་ནི་ནོར་ཅན་འདི་ཉིད་ཡིན་ནོ། །མེ་ཏོག་ཕྲེང་རྒྱུད་མཁན་གྱི་ཆུང་མ་ནི་ནོར་ཅན་གྱི་ཆུང་མ་ཡིན་ནོ། །མེ་ཏོག་ཕྲེང་རྒྱུད་མཁན་གྱི་བུ་ནི་ནོར་ཅན་གྱི་བུ་ཡིན་ནོ། །མེ་ཏོག་ཕྲེང་རྒྱུད་མཁན་གྱི་མནའ་
D1.003.0022b06.01མ་ནི་ནོར་ཅན་གྱི་མནའ་མ་ཡིན་ཏེ། འདི་དག་གིས་རང་སངས་རྒྱས་ལ་བྱ་བ་བྱས་ཤིང་སྨོན་ལམ་བཏབ་པ་གང་ཡིན་པ་དེའི་ལས་ཀྱི་རྣམ་པར་སྨིན་པས་ཕྱུག་ཅིང་ནོར་མང་ལ་ལོངས་སྤྱོད་ཆེ་བའི་རིགས་སུ་སྐྱེས་ནས། ཁྱིམ་དུ་ལྷ་དང་མིའི་གཡང་བབས་པར་གྱུར་ཏོ། །ངའི་
D1.003.0022b07.01