完整藏文原文 · 德格版页 当前仅加载第 3 函德格 258b 版页；藏文 NFD、目录标记与异常页序保留在来源切片中，重复版页行以稳定序号区分。
ཚད་གཉིས་ལ་བརྟེན་ནས་ཁ་དོག་རྣམ་པ་གཉིས་མངོན་ཏེ། ཁ་དོག་རྣམ་པ་གཉིས་ཡོད་པས། ཀྱེ་སེམས་ཅན་ཁོ་བོ་ནི་ཁ་དོག་དང་ལྡན་ནོ། །ཁྱོད་ནི་ཁ་དོག་ངན་པ་ཅན་ཡིན་ནོ་ཞེས་སེམས་ཅན་གྱིས་སེམས་ཅན་ལ་ཁྱད་དུ་གསོད་པར་བྱེད་དོ། །ཁ་དོག་གི་མངོན་པའི་ང་རྒྱལ་ཅན་དེ་
D1.003.0258b01.01རྣམས་སྡིག་པ་མི་དགེ་བའི་ཆོས་དེ་དག་ཉིད་བླངས་པའི་རྒྱུས་སའི་བཅུད་དེ་ནུབ་པར་གྱུར་ཏོ། །གཽ་ཏ་མ་དག་སའི་བཅུད་དེ་ནུབ་པ་ན་སེམས་ཅན་དེ་རྣམས་ཚོགས་ཤིང་འདུས་ནས་འདི་སྐད་ཅེས་ཀྱི་ཧུད་བྲོ་བ་ཀྱི་ཧུད་བྲོ་བ་ཞེས་སྨྲ་ཞིང་སྨྲེ་སྔགས་འདོན་ལ་མྱ་ངན་དང་སྡུག་བསྔལ་
D1.003.0258b02.01བར་གྱུར་ཏོ། །དཔེར་ན་ད་ལྟར་གྱི་མི་རྣམས་ཀྱིས་ཟས་ཞིམ་པོ་ཅུང་ཟད་ཅིག་ཟོས་ནས་སྔོན་གྱི་ཡི་གེ་དང་། ཚིག་དང་། ཚིག་འབྲུ་དེ་ཉིད་རྗེས་སུ་དྲན་ནས་འདི་སྐད་ཅེས་ཀྱི་ཧུད་བྲོ་བ་ཀྱི་ཧུད་བྲོ་བ་ཞེས་སྨྲ་བ་དེ་བཞིན་དུ་སེམས་ཅན་དེ་རྣམས་སའི་བཅུད་དེ་ནུབ་པ་ན་ཚོགས་
D1.003.0258b03.01ཤིང་འདུས་ནས་འདི་སྐད་ཅེས་ཀྱི་ཧུད་བྲོ་བ་ཀྱི་ཧུད་བྲོ་བ་ཞེས་སྨྲ་ཞིང་སྨྲེ་སྔགས་འདོན་ལ་མྱ་ངན་དང་སྡུག་བསྔལ་བར་གྱུར་ཀྱང་སྨྲས་པ་འདིའི་དོན་ནི་འདི་ཡིན། སྨྲས་པ་འདིའི་དོན་ནི་འདི་ཡིན་ནོ་ཞེས་དེའི་དོན་ནི་མི་ཤེས་སོ། །གཽ་ཏ་མ་དག་སེམས་ཅན་དེ་རྣམས་ཀྱི་སའི་
D1.003.0258b04.01བཅུད་དེ་ནུབ་པ་ནས་ཞག་ཁ་དོག་ཕུན་སུམ་ཚོགས་པ། དྲི་ཕུན་སུམ་ཚོགས་པ། རོ་ཕུན་སུམ་ཚོགས་པ་འབྱུང་བར་འགྱུར་ཏེ། ཁ་དོག་ནི་འདི་ལྟ་བུ་ཡིན་ཏེ། དཔེར་ན་དོང་ཀའི་མེ་ཏོག་ལྟ་བུའོ། །རོ་ནི་འདི་ལྟ་བུ་ཡིན་ཏེ། དཔེར་ན་སྦྲང་མའི་སྦྲང་རྩི་བཙིར་བ་ལྟ་
D1.003.0258b05.01བུའོ། །དེ་རྣམས་དེ་ཟ་ཞིང་ཟས་སུ་ཟ་བ་ལ་ཚེ་རིང་ཞིང་ཡུན་རིང་དུ་གནས་སོ། །དེ་རྣམས་ལས་ཁ་ཟས་ལ་ཆེས་ཉུང་དུ་ཟ་བ་གང་ཡིན་པ་དེ་ནི་ཁ་དོག་དང་ལྡན་པར་གྱུར་ཏོ། །ཁ་ཟས་ལ་ཆེས་མང་དུ་ཟ་བ་གང་ཡིན་པ་དེ་ནི་ཁ་དོག་ངན་པར་གྱུར་ཏོ། །ཟས་ཀྱི་ཚད་གཉིས་ལ་
D1.003.0258b06.01བརྟེན་ནས་ཁ་དོག་རྣམ་པ་གཉིས་མངོན་ཏེ། ཁ་དོག་རྣམ་པ་གཉིས་ཡོད་པས་ཀྱེ་སེམས་ཅན་ཁོ་བོ་ནི་ཁ་དོག་དང་ལྡན་ལ། ཁྱོད་ནི་ཁ་དོག་ངན་པ་ཡིན་ནོ་ཞེས་སེམས་ཅན་གྱིས་སེམས་ཅན་ལ་ཁྱད་དུ་གསོད་པར་བྱེད་དོ། །ཁ་དོག་གི་མངོན་པའི་ང་རྒྱལ་ཅན་དེ་རྣམས་
D1.003.0258b07.01