完整藏文原文 · 德格版页 当前仅加载第 3 函德格 17b 版页；藏文 NFD、目录标记与异常页序保留在来源切片中，重复版页行以稳定序号区分。
གྱི་སྲིད་པ་ཐ་མ་མི་རྣམས་སུ་སྐྱེས་པ་ན་ལུས་རུལ་བའི་དྲི་མནམ་པས་སེམས་རྩེ་གཅིག་པ་མ་གྲུབ་པའོ། །དྲི་ཞིམ་པོའི་དྲི་མནམ་པ་དང་། སེམས་མཉམ་པ་ཐོབ་ནས་སྡུག་པས་རྣམ་པར་གྲོལ་བར་གྱུར་ཏོ། །གལ་ཏེ་འདི་ལ་ཐབས་འདི་མ་བྱས་པར་གྱུར་ན། དྲོ་བར་གྱུར་པ་
D1.003.0017b01.01ཡང་འདིས་བསྐྱེད་པར་མི་འགྱུར་རོ། །དེ་ལྟ་བས་ན་རྗེས་སུ་གནང་སྟེ། གཞན་གང་ཞིག་སྡུག་པ་འདི་ལྟ་བུས་རྣམ་པར་གྲོལ་བར་འགྱུར་བ་དེས་རིམ་པ་དེ་ལྟ་བུ་བྱ་སྟེ། འདི་ལ་འགྱོད་པར་ནི་མི་བྱའོ། །དེ་ནས་བཅོམ་ལྡན་འདས་ཡུལ་སྤོང་བྱེད་ནས་ལྗོངས་རྒྱུ་ཞིང་
D1.003.0017b02.01གཤེགས་ཏེ་ཡངས་པ་ཅན་དུ་བྱོན་ནས། ཡངས་པ་ཅན་གྱི་སྤྲེའུ་རྫིང་གི་འགྲམ་ན་ཁང་པ་བརྩེགས་པའི་གནས་ན་བཞུགས་སོ། །ཡངས་པ་ཅན་གྱི་བྲམ་ཟེ་དང་ཁྱིམ་བདག་རྣམས་ཀྱིས་བཅོམ་ལྡན་འདས་ཡུལ་སྤོང་བྱེད་ནས་ལྗོངས་རྒྱུ་ཞིང་གཤེགས་ཏེ་ཡངས་པ་ཅན་དུ་
D1.003.0017b03.01བྱོན་ནས་ཡངས་པ་ཅན་གྱི་སྤྲེའུ་རྫིང་གི་འགྲམ་ན་ཁང་པ་བརྩེགས་པའི་གནས་ན་བཞུགས་སོ་ཞེས་ཐོས་སོ། །ཐོས་ནས་ཀྱང་གཅིག་ཏུ་འདུས་ནས་སྨྲས་པ། ཤེས་ལྡན་དག་བཅོམ་ལྡན་འདས་ཡུལ་སྤོང་བྱེད་ནས་ལྗོངས་རྒྱུ་ཞིང་གཤེགས་ཏེ་ཡངས་པ་ཅན་དུ་བྱོན་ནས་
D1.003.0017b04.01ཡངས་པ་ཅན་གྱི་སྤྲེའུ་རྫིང་གི་འགྲམ་ན་ཁང་པ་བརྩེགས་པའི་གནས་ན་བཞུགས་སོ་ཞེས་གྲག་གིས། གལ་ཏེ་བདག་ཅག་རེ་རེ་ནས་བཅོམ་ལྡན་འདས་སྤྱན་དྲངས་ཏེ་གདུགས་ཚོད་གསོལ་ན་ནི། བཅོམ་ལྡན་འདས་སླར་གཤེགས་དང་། གཞན་གྱི་སྐབས་མི་རྙེད་པར་
D1.003.0017b05.01འགྱུར་བས་དེ་ལ་ཁྲིམས་ཤིག་བཅས་ཏེ། ཅི་ནས་ཀྱང་ཚོགས་ཤིང་འདུས་པ་ཁོ་ནས་བཅོམ་ལྡན་འདས་གདུགས་ཚོད་གསོལ་གྱི་མི་གཅིག་པུས་ནི་མ་ཡིན་ནོ་ཞེས་དེ་རྣམས་ཀྱིས་ཁྲིམས་སུ་བཅའ་བ་དག་བྱས་ནས་བཞག་གོ། །དེའི་ཚེ་ཡངས་པ་ཅན་གྱི་བསོད་ནམས་
D1.003.0017b06.01ཆེན་པོ་དང་ལྡན་པ་བཞི་ཞིག་གནས་ཏེ། ནོར་ཅན་དང་། ནོར་ཅན་གྱི་ཆུང་མ་དང་། ནོར་ཅན་གྱི་བུ་དང་། ནོར་ཅན་གྱི་མནའ་མའོ། །དེ་དག་གི་ཁྱིམ་དུ་ནི་ལྷ་དང་མི་རྣམས་ཀྱི་གཡང་བབས་པར་གྱུར་ཏོ། །དེ་རྣམས་ཀྱིས་ཁྲིམས་སུ་བཅས་པ་དེ་མ་ཐོས་པར་ཁྱིམ་བདག་
D1.003.0017b07.01