'dul ba gzhi/
当前为德格木刻版 43a。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 43a
- 可引用原文
- 7 行
- 全文规模
- 全经 17054 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函目录 · 5 函第 3 函 · 德格 43a
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文པ་དང་ནི་མ་གྲགས་པས། །ཆུ་ཡིས་པད་མ་བཞིན་མ་གོས། །སྲོག་གཅོད་པ་ནི་རྣམ་སྤངས་ཏེ། །མ་བྱིན་པ་ལ་དགའ་མི་བྱེད། །བདེན་པ་གསུང་ཞིང་ཚངས་པར་སྤྱོད། །དེ་ནི་ཕྲ་མ་སྤངས་པ་ཡིན། །ཚིག་རྩུབ་དག་ནི་མི་གསུང་ཞིང་། །དུས་སུ་བབ་པ་འཇམ་པོར་གསུང་། །དེ་ནི་འདོད་ལ་བརྣབ་སེམས་མེད། །སྐྱེ་བོ་རྣམས་ལ་དེ་སེམས་བྱམས། །ཡང་དག་ལྟ་བ་ཕུན་སུམ་ཚོགས། །ཏིང་ངེ་འཛིན་སྟོབས་སྤྱོད་ཡུལ་བ། །བསམ་གཏན་ཆེན་པོ་མངོན་ཤེས་དྲུག །རྫུ་འཕྲུལ་གྱིས་ནི་མཁའ་ལ་གཤེགས། །ལྷ་དང་མི་ཡི་སྒྲ་དག་ནི། །གང་ཡིན་རྣམ་པ་སྣ་
ཚོགས་གསན། །ཉོན་མོངས་ཅན་ནམ་དགེ་ཡང་རུང་། །ཕ་རོལ་གྱི་ནི་སེམས་ཀྱང་མཁྱེན། །གང་དང་གང་དུ་སྔོན་གནས་པ། །སྔོན་གྱི་གནས་ལ་མཁས་པ་དང་། །སེམས་ཅན་འགྲོ་དང་འོང་བ་ཡི། །འཆི་འཕོ་དང་ནི་སྐྱེ་བ་མཁྱེན། །ཟག་པ་ཟད་ཅིང་མི་ལྡན་པས། །ཉེར་ཞི་ཤིན་ཏུ་མྱ་ངན་འདས། །དབང་པོ་ཞི་ཞིང་ཐུགས་ཞི་བ། །མཚོ་ནི་གང་བ་བཞིན་དུ་གནས། །པད་མའི་རྫིང་ན་གླང་པོ་ཆེ། །དམ་པ་དྲུག་བཅུ་ལོན་པ་ལྟར། །མཐོང་ན་ངོམས་ནི་མི་ཤེས་པས། །བྲམ་ཟེ་དགའ་བ་ཐོབ་པར་འགྱུར། །རི་བོ་བཅོམ་ལྡན་འདི་འདྲ་སྟེ། །དེ་ཡི་སྐུ་ནི་སྐྱེས་ཆེན་གྱི། །
སུམ་བཅུ་རྩ་གཉིས་མཚན་མངའ་ཞིང་། །གཟི་བརྗིད་མེ་ཡི་ཕུང་པོ་བཞིན། །གང་གིས་ལོ་བརྒྱ་ཚང་བར་ནི། །སྐྱོབ་པའི་བསྔགས་པ་བརྗོད་བྱས་ཀྱང་། །དེ་བཞིན་གཤེགས་པ་ཚད་མེད་པས། །དེས་ནི་མཐར་ཕྱིན་མི་འགྱུར་རོ། །བྲམ་ཟེ་གང་གིས་དེ་མཐོང་བ། །དེ་ཡི་རྙེད་པ་བླ་ན་མེད། །གང་གིས་མཐོང་བས་སྐྱབས་སོང་བ། །དེ་ཡི་རྙེད་པ་དེ་བས་འཕགས། །བྲམ་ཟེ་རི་བོས་ཐུབ་ཆེན་གྱི། །བསྔགས་པ་ཐོས་ནས་སྐྱོ་བར་གྱུར། །དབེན་པའི་སེམས་ཀྱི་རྟོག་པ་ཡིས། །ཀ་ནའི་བུ་ལ་འདི་སྐད་སྨྲས། །མིར་གྱུར་པ་ལ་བདག་གིས་ནི། །དེ་འདྲའི་བསྔགས་
པ་ཐོས་མ་མྱོང་། །ཀེ་ན་འཆད་པ་དང་སྦྱར་ན། །དེ་ནི་འཇིག་རྟེན་ཀུན་གྱི་གཙོ། །ཚོང་པ་ནོར་དག་དོན་གཉེར་ལྟར། །ཁྱོད་ཀྱིས་ང་རྒྱལ་རྒྱལ་མཚན་སྤོངས། །དེ་ལ་བཀུར་སྟི་གུས་བྱོས་དང་། །བྲམ་ཟེ་དགའ་བ་ཐོབ་པར་འགྱུར། །བྲམ་ཟེ་ཁྱེའུ་ནི་ལྔ་བརྒྱ་ཡིས། །སློབ་
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D1
- 德格版页
- 43a
- 显示
- 忠实保留藏文原典·未添加机器译文
研究边界
书目关系边界：BDRC WA0RK0001 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。