完整藏文原文 · 德格版页 当前仅加载第 3 函德格 140a 版页；藏文 NFD、目录标记与异常页序保留在来源切片中，重复版页行以稳定序号区分。
མགུ་བར་བྱ་བ་དང་མི་འབྱིན་པ་ཞེས་བྱ་བའི་བར་ནི་ཆོས་མ་ཡིན་པའི་ལས་ཏེ་གོང་མ་བཞིན་ནོ། །དབྱུང་བར་འོས་པ་ལ་དབྱུང་བ་ཉིད་བྱེད་ཀྱི་མངོན་སུམ་གྱིས་འདུལ་བ་སྦྱིན་པ་མ་ཡིན་ཞེས་བྱ་བ་ནས། མགུ་བར་བྱ་བ་མ་ཡིན་ཞེས་བྱ་བའི་བར་ནི་ཆོས་ཀྱི་ལས་ཏེ་གོང་མ་བཞིན་ནོ། །
D1.003.0140a01.01དེ་བཞིན་དུ་རེ་རེས་མགོ་བཟུང་ནས་འཁོར་ལོ་བཞིན་དུ་བསྒྲེ་བ་རྒྱས་པར་ཁོང་དུ་ཆུད་པར་བྱའོ།། །།སྡོམ་ལ། མི་མཐུན་མཐུན་དང་འོས་པ་དང་། །ཆོས་དང་ཆོས་མིན་གནས་ནས་འབྱིན། །བསླང་བ་ཉིད་དེ་འདི་དག་ནི། །ལས་ཀྱི་གཞིར་ནི་བསྡུས་པ་ཡིན། །མི་མཐུན་པའི་ལས་དང་མཐུན་པའི་
D1.003.0140a02.01ལས་སོ། །མི་མཐུན་པའི་ལས་གང་ཞེ་ན། མཚམས་ན་གནས་པའི་དགེ་སློང་བྱ་བར་འོས་པ་ཇི་སྙེད་པ་ཐམས་ཅད་མ་འདུས་ཤིང་མངོན་སུམ་དུ་མ་གྱུར་པ་དང་། འདུན་པ་བླང་བར་འོས་པ་རྣམས་ལས་འདུན་པ་མ་བླངས་པར་གྱུར་པ་དང་། དགེ་སློང་རྣམས་འདུས་ཤིང་མངོན་སུམ་དུ་གྱུར་ཀྱང་མི་
D1.003.0140a03.01བཏུབ་ཅིང་ཕྱིར་འདོང་བ་གང་དག་གི་གཤེ་བ་འོས་པ་རྣམས་མི་བཏུབ་ཅིང་ཕྱིར་དོང་བ་ལས་དག་བྱེད་ན་འདི་ནི་མི་མཐུན་པའི་ལས་ཞེས་བྱའོ། །མཐུན་པའི་ལས་གང་ཞེ་ན། མཚམས་ན་གནས་པའི་དགེ་སློང་བྱ་བར་འོས་པ་ཇི་སྙེད་པ་ཐམས་ཅད་འདུས་ཤིང་མངོན་སུམ་དུ་གྱུར་པ་དང་། འདུན་
D1.003.0140a04.01པ་བླང་བར་འོས་པ་རྣམས་ལས་འདུན་པ་བླང་བར་གྱུར་པ་དང་། དགེ་སློང་རྣམས་འདུས་ཤིང་མངོན་སུམ་དུ་གྱུར་ཀྱང་མི་བཏུབ་ཅིང་ཕྱིར་འདོང་བ་གང་དག་གཤེ་བ་འོས་པ་རྣམས་བཏུབ་ཅིང་མི་གཤེ་བ་ལས་དག་བྱེད་པ་འདི་ནི་མཐུན་པའི་ལས་ཞེས་བྱའོ། །སངས་རྒྱས་བཅོམ་ལྡན་འདས་ལ་ཚེ་
D1.003.0140a05.01དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་དུ་ཞིག་གི་གཤེ་བ་མི་འོས་པ་ལགས། ཉེ་བ་འཁོར་བཅུ་སྟེ། ངོ་ཚ་མེད་པ་དང་། ཀླན་ཀ་ཚོལ་བ་དང་། བུས་པ་དང་། བླུན་པོ་དང་། མི་གསལ་བ་དང་། མི་མཁས་པ་དང་། མཚམས་ཀྱི་ཕྱི་རོལ་ན་གནས་པ་དང་། བར་སྣང་ལ་གནས་
D1.003.0140a06.01པ་དང་། སྤྱོད་ལམ་ལས་ལྡང་བ་དང་། ཚིག་མ་བསྡམས་པའིའོ། །བཙུན་པ་དུ་ཞིག་གི་གཤེ་བ་འོས་པ་ལགས། ཉེ་བ་འཁོར་བཞི་སྟེ་རང་བཞིན་དུ་གནས་པ་དང་། མཚམས་ཀྱི་ནང་ན་གནས་པ་དང་། སྤྱོད་ལམ་ལས་མ་ལངས་པ་དང་། ཚིག་བསྡམས་པའི་འོ། །སངས་རྒྱས་
D1.003.0140a07.01