完整藏文原文 · 德格版页 当前仅加载第 3 函德格 126a 版页；藏文 NFD、目录标记与异常页序保留在来源切片中，重复版页行以稳定序号区分。
འཛིན་པ། འདུལ་བ་འཛིན་པ། མ་མོ་འཛིན་པ་ཡིན་ལ། དེའི་གྲོགས་བྱེད་པའི་དགེ་སློང་མང་པོ་ཡང་གདུག་པ་ཕ་རོལ་གནོན་པ། མདོ་སྡེ་འཛིན་པ། འདུལ་བ་འཛིན་པ། མ་མོ་འཛིན་པ་ཡིན་ཏེ། གལ་ཏེ་བདག་གིས་ལྟུང་བ་ཆོས་བཞིན་དུ་སླར་མ་བྱས་ན་དེས་ན་དགེ་འདུན་འཐབ་ཀྲོལ་
D1.003.0126a01.01དང་། མཚང་འདྲུ་བ་དང་། རྩོད་པ་དང་། འགྱེད་པ་བྱུང་བས་གནས་པར་འགྱུར་གྱིས། མ་ལ་བདག་གིས་ལྟུང་བ་ཕྱིར་ཆོས་བཞིན་བྱའོ། །གནས་ནས་ཕྱུང་བའི་དགེ་སློང་གིས་ཀུན་ཏུ་སྤྱོད་པའི་ཆོས་ཇི་ལྟར་བཅས་པ་བཞིན་ཡང་དག་པར་བླངས་ཏེ་འཇུག་པར་མི་བྱེད་ན་འགལ་ཚབས་ཅན་དུ་འགྱུར་
D1.003.0126a02.01རོ། །དེ་ནས་བཅོམ་ལྡན་འདས་ཀྱིས་གནས་ནས་ཕྱུང་བའི་དགེ་སློང་དང་། གནས་ནས་ཕྱུང་བའི་རྗེས་སུ་ཕྱོགས་པའི་དགེ་སློང་རྣམས་དང་། གནས་ནས་ཕྱུང་བའི་རྗེས་སུ་ཕྱོགས་པའི་ཡང་རྗེས་སུ་ཕྱོགས་པ་རྣམས་གཟེངས་བསྟོད་ནས་གནས་ནས་འབྱིན་པའི་དགེ་སློང་དང་། གནས་ནས་འབྱིན་
D1.003.0126a03.01པའི་རྗེས་སུ་ཕྱོགས་པའི་དགེ་སློང་རྣམས་དང་། གནས་ནས་འབྱིན་པའི་རྗེས་སུ་ཕྱོགས་པའི་ཡང་རྗེས་སུ་ཕྱོགས་པའི་དགེ་སློང་རྣམས་ཕོ་ཉས་བཀུག་སྟེ་འདི་སྐད་ཅེས་བཀའ་སྩལ་ཏོ། །དགེ་སློང་དག་ཁྱེད་འཐབ་ཀྲོལ་དང་། མཚང་འདྲུ་བ་དང་། རྩོད་པ་དང་། འགྱེད་པ་བྱུང་ནས།
D1.003.0126a04.01འདི་ལྟ་སྟེ་ལྟུང་བ་བྱུང་ངོ་ཞེའམ་ཞེས་བྱ་བ་ནས་འཁྲུགས་པ་གཞག་པར་འོས་པས་ཞེས་བྱ་བའི་བར་གོང་མ་བཞིན་དུ་སྟེ་བདེན་ནམ་བཙུན་པ་མད་ལགས་སོ། །དགེ་སློང་དག་འཐབ་ཀྲོལ་མ་བྱེད་ཅིག །མཚང་མ་འདྲུ་ཞིག །མ་རྩོད་ཅིག །མ་འགྱེད་ཅིག །གཞན་ཡང་ངས་གནས་
D1.003.0126a05.01ནས་འབྱིན་པའི་དགེ་སློང་གི་ཀུན་དུ་སྤྱོད་པའི་ཆོས་བཅའ་བར་བྱ་སྟེ། དགེ་སློང་གནས་ནས་འབྱིན་པ་འདི་སྙམ་དུ་སེམས་བསྐྱེད་པར་བྱའོ། །གནས་ནས་ཕྱུང་བའི་དགེ་སློང་འདི་ནི་གདུག་པ་རྣམ་པར་གནོན་པ། མདོ་སྡེ་འཛིན་པ། འདུལ་བ་འཛིན་པ། མ་མོ་འཛིན་པ་ཡིན་ལ་འདིའི་
D1.003.0126a06.01གྲོགས་བྱེད་པའི་དགེ་སློང་མང་པོ་ཡང་གདུག་པ་རྣམ་པར་གནོན་པ། མདོ་སྡེ་འཛིན་པ། འདུལ་བ་འཛིན་པ། མ་མོ་འཛིན་པ་ཡིན་ཏེ། གལ་ཏེ་བདག་གིས་དེ་ལ་མི་འདོད་པ་གླེངས་སམ། དྲན་པར་བྱས་ན་དེས་ན་དགེ་འདུན་འཐབ་ཀྲོལ་དང་། རྩོད་པ་དང་། མཚང་འདྲུ་བ་
D1.003.0126a07.01