完整藏文原文 · 德格版页 当前仅加载第 3 函德格 256b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱིས་བདག་ཅག་ལ་ཇི་སྐད་དུ་ལུང་བསྟན་པ་དེ་བཞིན་དུ་གཟུང་བར་བྱའོ། །དེ་ནས་སེར་སྐྱའི་གཞི་ན་གནས་པའི་ཤཱཀྱ་རབ་ཏུ་མང་པོ་བཅོམ་ལྡན་འདས་གང་ན་བ་དེར་དོང་སྟེ་ལྷགས་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་
D1.003.0256b01.01གོ། །ཕྱོགས་གཅིག་ཏུ་འདུག་ནས་བཅོམ་ལྡན་འདས་ལ་སེར་སྐྱའི་གཞིའི་ཤཱཀྱ་རྣམས་ཀྱིས་འདི་སྐད་ཅེས་གསོལ་ཏོ། །བཙུན་པ་འདིར་བདག་ཅག་སེར་སྐྱའི་གཞིའི་ཤཱཀྱ་རབ་ཏུ་མང་པོ་འདུན་ཁང་དུ་ཚོགས་ཤིང་འདུས་ནས་བར་སྐབས་ཀྱི་བཀའ་མཆིད་འདི་ལྟ་བུ་དག་གླེང་སྟེ། ཤཱཀྱ་རྣམས་
D1.003.0256b02.01ནི་གང་ལས་སྐྱེས། ཐོག་མ་ནི་གང་ཡིན། རྒྱུ་ནི་ཅི་ཞིག་ཡིན། ཤཱཀྱ་རྣམས་ཀྱི་སྔོན་གྱི་རིགས་རྒྱུད་ནི་གང་ཡིན། གལ་ཏེ་བདག་ཅག་གི་དྲུང་དུ་འགའ་ཞིག་འོངས་ནས་འདི་སྐད་ཅེས་འདྲི་སྟེ། ཤེས་ལྡན་དག་ཤཱཀྱ་རྣམས་ནི་གང་ལས་སྐྱེས། ཐོག་མ་ནི་གང་ཡིན། རྒྱུ་ནི་ཅི་ཞིག་
D1.003.0256b03.01ཡིན། ཤཱཀྱ་རྣམས་ཀྱི་སྔོན་གྱི་རིགས་རྒྱུད་ནི་གང་ཡིན་ཞེས་དེ་སྐད་འདྲི་ན། བདག་ཅག་གིས་ནི་ཤཱཀྱ་རྣམས་ནི་གང་ལས་སྐྱེས། ཐོག་མ་ནི་གང་ཡིན། རྒྱུ་ནི་ཅི་ཞིག་ཡིན། ཤཱཀྱ་རྣམས་ཀྱི་སྔོན་གྱི་རིགས་རྒྱུད་ནི་གང་ཡིན་པ་ཡང་མི་ཤེས་ན་ཇི་སྐད་དུ་ལུང་བསྟན། ཚུར་བདག་
D1.003.0256b04.01ཅག་བཅོམ་ལྡན་འདས་གང་ན་བ་དེར་དོང་ལ་ལྷགས་པ་དང་། བཅོམ་ལྡན་འདས་ལ་དོན་དེ་ཉིད་ཞུས་ཏེ། བཅོམ་ལྡན་འདས་ཀྱིས་བདག་ཅག་ལ་ཇི་སྐད་དུ་ལུང་བསྟན་པ་དེ་བཞིན་དུ་གཟུང་བར་བགྱིའོ་སྙམ་ནས། དེའི་སླད་དུ་བཅོམ་ལྡན་འདས་ལ་བདག་ཅག་དོན་འདི་ཉིད་ཞུ་ལགས་
D1.003.0256b05.01ན། བཅོམ་ལྡན་འདས་ཤཱཀྱ་རྣམས་ནི་གང་ལས་སྐྱེས་ལགས། ཐོག་མ་ནི་གང་ལགས། རྒྱུ་ནི་ཅི་ཞིག་ལགས། ཤཱཀྱ་རྣམས་ཀྱི་སྔོན་གྱི་རིགས་རྒྱུད་ནི་གང་ལགས། དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། གལ་ཏེ་ངས་ཤཱཀྱ་རྣམས་ཀྱི་སྔོན་གྱི་རིགས་རྒྱུད་
D1.003.0256b06.01ལས་བརྩམས་ཏེ་ཆོས་ཀྱི་གཏམ་གླེངས་ན་མུ་སྟེགས་ཅན་དང་ཀུན་དུ་རྒྱུ་གཞན་དག་འདི་སྐད་ཅེས་དགེ་སྦྱོང་གཽ་ཏ་མ་ནི་ཅི་འདོད་པ་དེ་ལྟ་བུ་སྟོན་པས་བདག་ཉིད་ལ་སྟོད་པར་བྱེད་དོ་ཞེས་སྨྲ་བ་གང་ཡིན་པའི་གནས་འདི་ཡོད་པས་ངའི་ཉན་ཐོས་ལས་ཤཱཀྱ་རྣམས་ཀྱི་སྔོན་གྱི་
D1.003.0256b07.01