完整藏文原文 · 德格版页 当前仅加载第 3 函德格 108a 版页；藏文 NFD、目录标记与异常页序保留在来源切片中，重复版页行以稳定序号区分。
གྱིས་ནད་ཀྱི་གནས་སྐབས་ལ་བརྟགས་ནས་རིམ་གྲོ་བ་གཅིག་གམ། གཉིས་སམ། མང་པོ་སྦྱིན་ཏེ་མཐར་ན་དགེ་འདུན་ཀུན་གྱིས་ཀྱང་རིམ་གྲོ་བྱའོ། །དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་
D1.003.0108a01.01པ་བཅོམ་ལྡན་འདས་ཉིད་ཀྱིས་དགེ་སློང་དེའི་ལུས་ཀྱི་རིམ་གྲོ་མཛད་ནས་དེས་དགྲ་བཅོམ་པ་མངོན་སུམ་དུ་བགྱིས་པ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ད་ལྟར་འབའ་ཞིག་ཏུ་མ་ཟད་དེ། ཇི་ལྟར་འདས་པའི་དུས་ན་ཡང་ངས་འདིའི་རིམ་གྲོ་བྱས་ནས་དེས་
D1.003.0108a02.01མངོན་པར་ཤེས་པ་ལྔ་མངོན་སུམ་དུ་བྱས་པ་དེ་ཉོན་ཅིག །དགེ་སློང་དག་སྔོན་བྱུང་བ་བསྟི་གནས་མེ་ཏོག་དང་། འབྲས་བུ་དང་། ཆུ་ཕུན་སུམ་ཚོགས་པ། ཤིང་སྣ་ཚོགས་ཀྱིས་མཛེས་པར་བྱས་པ་ཞིག་ན་དྲང་སྲོང་མངོན་པར་ཤེས་པ་ལྔ་དང་ལྡན་པ་ཞིག་གནས་སོ། །དེས་སློབ་མའི་
D1.003.0108a03.01རིམ་གྲོ་བྱས་ནས་སོས་པ་དང་། དེ་ནས་དེས་མངོན་པར་ཤེས་པ་ལྔ་མངོན་སུམ་དུ་བྱས་སོ། །དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་དྲང་སྲོང་གང་ཡིན་པ་དེ་ནི་ང་ཉིད་ཡིན་ནོ། །དྲང་སྲོང་དེའི་སློབ་མ་གང་ཡིན་པ་དེ་ནི་དགེ་སློང་འདི་ཉིད་ཡིན་ཏེ། དེ་ན་ཡང་ངས་དེའི་རིམ་
D1.003.0108a04.01གྲོ་བྱས་སོ། །ད་ལྟར་ཡང་བྱས་སོ། །གཞན་ཡང་དགེ་སློང་རྣམས་ཀྱིས་བཅོམ་ལྡན་འདས་ལ་ཞུས་པ། བཙུན་པ་བཅོམ་ལྡན་འདས་ལྷག་པར་ཡང་ནད་པ་རྣམས་ལ་བྱམས་པར་མཛད་པ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ད་ལྟར་འབའ་ཞིག་ཏུ་མ་
D1.003.0108a05.01ཟད་དེ། ཇི་ལྟར་འདས་པའི་དུས་ན་ཡང་ང་ལྷག་པར་ནད་པ་རྣམས་ལ་བྱམས་པར་བྱེད་པ་དེ་ཉོན་ཅིག །དགེ་སློང་དག་སྔོན་བྱུང་བ་ཡུལ་ཤི་བིའི་དབྱངས་ཀྱི་རྒྱལ་པོའི་ཕོ་བྲང་ན་རྒྱལ་པོ་ཤི་བི་ཞེས་བྱ་བ་འབྱོར་པ་དང་། རྒྱས་པ་དང་བདེ་བ་དང་ལོ་ལེགས་པ་སྐྱེ་བོ་དང་མི་མང་པོས་རབ་ཏུ་གང་བ་ན་རྒྱལ་
D1.003.0108a06.01སྲིད་བྱེད་དུ་འཇུག་སྟེ། དེ་སློང་བ་པ་རྣམས་ལ་མི་གཏོང་བ་ཅུང་ཟད་ཀྱང་མེད་དེ། ནད་པ་རྣམས་ལ་ནི་ཁྱད་པར་དུ་བྱེད་དོ། །ཇི་ཙམ་ན་ཁྱིམ་བདག་ནད་པ་སྨན་པ་ཐམས་ཅད་ཀྱིས་སྤངས་པ་ཞིག་རྒྱལ་པོའི་དྲུང་དུ་སོང་ནས་ལྷ་བདག་ལ་དཔྱད་མཛོད་ཅིག །རྒྱལ་པོས་སྨན་པ་རྣམས་
D1.003.0108a07.01