完整藏文原文 · 德格版页 当前仅加载第 3 函德格 218b 版页；藏文 NFD、目录标记与异常页序保留在来源切片中，重复版页行以稳定序号区分。
བགྱིད་དེ། མ་དད་པ་རྣམས་ཡན་ལག་འདིས་འཕགས་པ་རྣམས་ལ་སྨོད་པར་འགྱུར་རོ། །གལ་ཏེ་བཅོམ་ལྡན་འདས་ཀྱིས་གནང་ན་བདག་གིས་གང་ཡང་མཉན་ཡོད་ནས་རྒྱལ་བུ་རྒྱལ་བྱེད་ཀྱི་ཚལ་གྱི་བར་གྱི་བར་དུ་བསྟི་གནས་བརྩིག་པར་བགྱི་སྟེ། གང་ཞིག་གང་དུ་དྲོལ་བབ་
D1.003.0218b01.01པ་དེ་དེར་བསོད་སྙོམས་ལོངས་སྤྱོད་པར་འགྱུར་རོ། །བཅོམ་ལྡན་འདས་ཀྱིས་བཀའ་སྩལ་པ། ཁྱིམ་བདག་དེ་ལྟ་བས་ན་རྗེས་སུ་གནང་གིས་རྩིགས་ཤིག །དེས་གང་ཡང་མཉན་ཡོད་ནས་རྒྱལ་བྱེད་ཀྱི་ཚལ་གྱི་བར་གྱི་བར་དུ་བསྟི་གནས་དག་བརྩིགས་ནས་དགེ་སློང་གང་ཞིག་
D1.003.0218b02.01གང་དུ་དྲོ་བབ་པ་དེ་དེར་ཟས་ཀྱི་བྱ་བ་བྱེད་དོ། །དགེ་སློང་གཞན་དག་ཆུས་ཕོངས་པར་གྱུར་ནས་ཁྱིམ་བདག་མགོན་མེད་ཟས་སྦྱིན་གྱིས་དེར་ཁྲོན་པ་བརྐོས་ནས་ཚ་བ་གསུམ་དང་འབྲས་བུ་གསུམ་གྱིས་ཤིང་རྟ་བཀང་སྟེ་བཏབ་པས་ཆུ་དེ་རོ་ཕུན་སུམ་ཚོགས་པར་གྱུར་ཏོ་ཞེས་འཇིག་རྟེན་ཐམས་ཅད་
D1.003.0218b03.01དུ་གྲགས་པ་སྐྱེ་བོའི་ཚོགས་ཀྱིས་ཐོས་ནས་ལྷགས་པ། དགེ་སློང་རྣམས་ཀྱིས་བགགས་པ་དང་། མཉན་ཡོད་ན་གནས་པ་རྣམས་ཀྱིས་སྨྲས་པ། འཕགས་པ་ཁྱེད་ཅག་ལ་བདག་ཅག་གིས་ཡོ་བྱད་ཐམས་ཅད་ཀྱིས་བསྙེན་བཀུར་བགྱིས་ན། ཆབ་འཇིག་རྟེན་ཐམས་ཅད་ཀྱི་
D1.003.0218b04.01ཐུན་མོང་ཁྱེད་འགོག་པར་མཛད་དམ་ཞེས་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། བགག་པར་མི་བྱའོ། །བུད་མེད་དགེ་སློང་རྣམས་ལ་ཆུ་སློང་བ་ན་དགེ་སློང་རྣམས་ཀྱིས་མ་བྱིན་ནས་བཅོམ་
D1.003.0218b05.01ལྡན་འདས་ཀྱིས་བཀའ་སྩལ་པ། སྦྱིན་པར་བྱའོ། །བཅོམ་ལྡན་འདས་ཀྱིས་བུད་མེད་ནི་ཀུན་ནས་ཞགས་པ་སྟེ། བདུད་ཀྱི་འཆིང་བ་ཡིན་ནོ་ཞེས་གསུངས་པས་དགེ་སློང་རྣམས་བུད་མེད་ལ་ཆུ་སྦྱིན་པར་བྱེད་པ་ན་ཆགས་པར་གྱུར་ཏོ། །ཇི་ཙམ་ན་བུད་མེད་བྱད་བཞིན་དང་
D1.003.0218b06.01ལང་ཚོས་རྒྱགས་པ་ཞིག་དགེ་སློང་གཞོན་ནུ་ཞིག་ལ་ཤིན་ཏུ་ཆགས་པས་དེ་ལ་ཆུ་བླངས་པ་དང་། དེ་ཡང་དེ་ལ་ཆགས་པས་བཅིངས་པའི་སེམས་ཀྱིས་སླར་ལོག་ཀྱང་རྒྱུན་མ་བཅད་པར་བླུགས་ཏེ། དེ་ཡང་དེ་ལ་རྟོག་བཞིན་འཐུངས་པ་ལ་ཆུ་དེ་གློར་སོང་ནས་ཤིའོ། །དོན་ཉུང་
D1.003.0218b07.01