完整藏文原文 · 德格版页 当前仅加载第 3 函德格 86b 版页；藏文 NFD、目录标记与异常页序保留在来源切片中，重复版页行以稳定序号区分。
སོ། །དོན་གྱི་དབང་ཅི་ཞིག་མཐོང་ན་ནད་གཡོག་ལ་སྦྱིན་པ་སྦྱིན། བཙུན་པ་དགེ་སློང་བྲོ་གཡོག་བགྱིད་པ་རང་གི་ཆེད་དུ་བསོད་སྙོམས་ཚོལ་དུ་མཆིས་ན་བྲོ་འཚལ་བའི་བགྱི་བ་ཉམས་པར་འགྱུར་བས་དེས་བདག་གི་བསོད་སྙོམས་ལ་ལོངས་སྤྱད་ན་འགྲུབ་པར་འགྱུར་ལགས་སོ། །ས་
D1.003.0086b01.01ག་མ་དེ་ཡང་ཐུགས་སུ་ཆུད་དེ་ལེགས་སོ་ལེགས་སོ། །དོན་གྱི་དབང་ཅི་ཞིག་མཐོང་ན་དགེ་འདུན་ལ་ནས་ཐུག་ནར་མ་སྦྱིན། བཙུན་པ་བཅོམ་ལྡན་འདས་ཀྱི་ཉན་ཐོས་རྣམས་ལ་དྲོད་ཆུང་བ་ཡང་མཆིས། དྲོད་ཆེ་བ་ཡང་མཆིས་ཏེ། དེ་ལ་རེ་ཞིག་དྲོད་ཆུང་བ་གང་ལགས་པ་དེ་རྣམས་
D1.003.0086b02.01ནི་ནས་ཐུག་འཚལ་ན་དྲོད་སྐྱེ་བར་འགྱུར་ལ། དྲོད་ཆེ་བ་གང་ལགས་པ་དེ་རྣམས་ནི་ཉམ་སྐྱེ་བར་འགྱུར་ལགས་སོ། །ས་ག་མ་དེ་ཡང་ཐུགས་སུ་ཆུད་དེ་ལེགས་སོ་ལེགས་སོ། །དོན་གྱི་དབང་ཅི་ཞིག་མཐོང་ན་དགེ་འདུན་ལ་སྨན་ནར་མ་སྦྱིན། བཙུན་པ་བཅོམ་ལྡན་འདས་ཀྱི་ཉན་
D1.003.0086b03.01ཐོས་རྣམས་ལས་བྲོ་ནད་མང་བ་དང་བྲོ་ནད་ཉུང་བ་མཆིས་ཏེ། དེ་ལ་བྲོ་ནད་མང་པོ་གང་ལགས་པ་དེ་རྣམས་ལ་ནི་རེ་ཞིག་འཚལ་ཆེས། བྲོ་ནད་ཉུང་བ་གང་ལགས་པ་དེ་རྣམས་ཀྱིས་ལོངས་སྤྱད་ན་ལྷག་པར་ཡང་བདེ་བ་ལ་རེག་པར་གནས་པར་འགྱུར་ལགས་སོ། །ས་ག་མ་དེ་ཡང་
D1.003.0086b04.01ཐུགས་སུ་ཆུད་དེ་ལེགས་སོ་ལེགས་སོ། །དོན་གྱི་དབང་ཅི་ཞིག་མཐོང་ན། དགེ་སློང་རྣམས་ལ་དབྱར་གྱི་གོས་རས་ཆེན་སྦྱིན། བཙུན་པ་དེ་རིང་ཁོ་ན་བདག་གིས་བུ་མོ་མངག་གཞུག་བགྱིད་པ་དུས་ཚོད་གསོལ་བར་བཏང་བ་ལས། དེས་དགེ་སློང་རྣམས་སྒྲེན་མོར་ཁྲུས་
D1.003.0086b05.01བྱས་པ་མཐོང་ནས། དེ་སླར་མཆིས་ཏེ་བདག་ལ་འཕགས་པ་རྣམས་ནི་བཞུད་ལ་འཚོ་བ་པ་ནལ་ཕྲུག་རྣམས་ཀྱིས་གཙུག་ལག་ཁང་དུ་བཏབ་བོ་ཞེས་མཆི་བས་དེ་རྣམས་དབྱར་གྱི་གོས་རས་ཆེན་གྱིས་བཀབ་པར་འགྱུར་ལགས་སོ། །ས་ག་མ་དེ་ཡང་ཐུགས་སུ་ཆུད་དེ་ལེགས་
D1.003.0086b06.01སོ་ལེགས་སོ། །དོན་གྱི་དབང་ཅི་ཞིག་མཐོང་ན་དགེ་སློང་མ་རྣམས་ལ་ཁྲུས་རས་སྦྱིན། བཙུན་པ་དུས་འདི་གཅིག་ན་ཁྱིམ་པ་མོ་རབ་ཏུ་མང་པོ་དག་དགེ་སློང་མ་རབ་ཏུ་མང་པོ་རྣམས་ཆུ་བོ་གནས་ལྡན་ལ་སྒྲེན་མོར་ཁྲུས་བགྱིད་པ་ལས་ཁྱིམ་པ་མོ་དེ་རྣམས་ཀྱིས་བགད་ཅིང་
D1.003.0086b07.01