完整藏文原文 · 德格版页 当前仅加载第 3 函德格 256a 版页；藏文 NFD、目录标记与异常页序保留在来源切片中，重复版页行以稳定序号区分。
ཎ་སཱིར་དབང་ཕྱུག་ཆེན་པོའི་སྡེ་དང་བརྒྱ་ཐམ་པའོ། །རྩྭ་ཅན་དུ་རྒྱ་མཚོའི་སྡེ་དང་བརྒྱད་ཁྲི་བཞི་སྟོང་ངོ་། །གྲུ་འཛིན་དུ་དཀའ་ཐུབ་སྤྱོད་དང་སྟོང་ངོ་། །རྩྭ་ཅན་དུ་སའི་གདོང་དང་བརྒྱད་ཁྲི་བཞི་སྟོང་ངོ་། །བཱ་རཱ་ཎ་སཱིར་སའི་བདག་པོ་དང་འབུམ་མོ། །དམག་
D1.003.0256a01.01གིས་མི་ཚུགས་པར་ས་འཛིན་དང་འབུམ་མོ། །མི་ཐི་ལར་ལྷ་ཆེན་པོ་དང་བརྒྱད་ཁྲི་བཞི་སྟོང་ངོ་། །ཡང་མི་ཐི་ལར་ལྷ་ཆེན་པོ་ནས་བཟུང་སྟེ་མུ་ཁྱུད་ནས་ཤིང་རྟ་སྲ་བའི་བར་བརྒྱད་ཁྲི་བཞི་སྟོང་ངོ་། །ཀུན་དུ་སྣང་བར་ནམ་མཁའི་བདག་པོ་དང་། ཀླུ་མཉམ་སྐྱོང་དང་བདུན་ཁྲི་བདུན་
D1.003.0256a02.01སྟོང་ངོ་། །བཱ་རཱ་ཎ་སཱིར་ཀྲྀ་ཀཱི་དང་ལེགས་སྐྱེས་དང་བརྒྱ་ཐམ་པའོ། །གྲུ་འཛིན་དུ་རྣ་བ་ཅན་དང་བུ་རམ་ཤིང་པ་དང་བརྒྱ་ཐམ་པའོ། །གྲུ་འཛིན་དུ་འཕགས་སྐྱེས་པོ་དང་བུ་རམ་ཤིང་པ་ལ་སོགས་པས་ཁྱིམ་གྱི་བར་བརྒྱ་ཐམ་པའོ། །སེར་སྐྱའི་གཞིར་ཤིང་རྟ་བཅུ་པ་ནས་
D1.003.0256a03.01བཟུང་སྟེ་ལྔ་ཁྲི་ལྔ་སྟོང་བྱུང་བ་ལ་སེང་གེའི་འགྲམ་ལས་བཞི་སྟེ། བཞི་པོ་དེ་རྣམས་ལས་གཉིས་གཉིས་སོ། །སངས་རྒྱས་བཅོམ་ལྡན་འདས་ཡུལ་སེར་སྐྱའི་གཞི་ནྱ་གྲོ་དྷའི་ཀུན་དགའ་ར་བ་ན་བཞུགས་སོ། །དེ་ནས་སེར་སྐྱའི་གཞི་ན་གནས་པའི་ཤཱཀྱ་རབ་ཏུ་མང་པོ་འདུན་
D1.003.0256a04.01ཁང་དུ་ཚོགས་ཤིང་འདུས་ནས་བར་སྐབས་ཀྱི་གཏམ་འདི་ལྟ་བུ་དག་གླེང་བར་བྱེད་དེ། ཤེས་ལྡན་དག་ཤཱཀྱ་རྣམས་ནི་གང་ལས་སྐྱེས། ཐོག་མ་ནི་གང་ཡིན། རྒྱུ་ནི་ཅི་ཞིག་ཡིན། ཤཱཀྱ་རྣམས་ཀྱི་སྔོན་གྱི་རིགས་རྒྱུད་ནི་གང་ཡིན། གལ་ཏེ་བདག་ཅག་གི་དྲུང་དུ་འགའ་
D1.003.0256a05.01ཞིག་འོངས་ནས་འདི་སྐད་འདྲི་སྟེ། ཤེས་ལྡན་དག་ཤཱཀྱ་རྣམས་ནི་གང་ལས་སྐྱེས། ཐོག་མ་ནི་གང་ཡིན། རྒྱུ་ནི་ཅི་ཞིག་ཡིན། ཤཱཀྱ་རྣམས་ཀྱི་སྔོན་གྱི་རིགས་རྒྱུད་ནི་གང་ཡིན་ཞེས་དེ་སྐད་དུ་འདྲི་ན་བདག་ཅག་གིས་ནི་ཤཱཀྱ་རྣམས་གང་ལས་སྐྱེས་པ་དང་། ཐོག་མ་གང་
D1.003.0256a06.01ཡིན་པ་དང་། རྒྱུ་ནི་ཅི་ཞིག་ཡིན་པ་དང་། ཤཱཀྱ་རྣམས་ཀྱི་སྔོན་གྱི་རིགས་རྒྱུད་གང་ཡིན་པ་ཡང་མི་ཤེས་ན་ཇི་སྐད་དུ་ལུང་བསྟན། ཚུར་བདག་ཅག་བཅོམ་ལྡན་འདས་གང་ན་བ་དེར་དོང་ལ་ལྷགས་པ་དང་། བཅོམ་ལྡན་འདས་ལ་དོན་འདི་ཉིད་ཞུས་ནས་བཅོམ་ལྡན་འདས་
D1.003.0256a07.01