完整藏文原文 · 德格版页 当前仅加载第 3 函德格 268a 版页；藏文 NFD、目录标记与异常页序保留在来源切片中，重复版页行以稳定序号区分。
ཕན་ཚུན་དུ་བཙལ་བར་བརྩམས་པ་དང་། ཇི་ཙམ་ན་དེ་གསལ་ཤིང་ལ་གཤོན་པར་མཐོང་ནས་དེ་སྐད་མི་གསལ་ཞིང་མིག་མཆི་མས་གང་ལ་སྙིང་རྗེ་བའི་ཚིག་གིས་དལ་བུ་དལ་བུས་སྨྲས་པ། ཀྱི་ཧུད་བུ་འདི་ཅི་ཞིག །དེས་ཀྱང་སྐད་མི་གསལ་ཞིང་ཡི་ཆད་ལ་གནད་དུ་
D1.003.0268a01.01བབ་པའི་གནོད་པའི་ཚོར་བ་སྐྱེས་ཤིང་གདུངས་པས་སྨྲས་པ། མཁན་པོ་གཞན་ཅི་ལགས། ལས་ལགས་མོད། དེས་སྨྲས་པ། བུ་རྨ་ཕྱུང་བའམ། གནོད་པ་ཞིག་མ་བྱས་གྲང་མཁན་པོ་བདག་གི་ལུས་ཀྱིས་རྨ་ཕྱུང་གི་སེམས་ཀྱིས་ནི་མ་ཡིན་ནོ། །བུ་ཇི་ལྟར་ཤེས། མཁན་
D1.003.0268a02.01པོ་བདེན་པ་གསོལ་གྱིས་གསོན་ཅིག །བདེན་པ་དང་བདེན་པའི་ཚིག་གང་གིས་བདག་གི་ལུས་ཀྱིས་རྨ་ཕྱུང་གི་སེམས་ཀྱིས་མ་ཡིན་ན། བདེན་པ་དང་བདེན་པའི་ཚིག་དེས་མཁན་པོའི་པགས་པའི་མདོག་ནག་པོ་གང་ཡིན་པ་འདི་གསེར་གྱི་ཁ་དོག་ཏུ་གྱུར་ཅིག །བདག་ཉིད་ཆེན་
D1.003.0268a03.01པོ་དེ་ལྷག་པའི་བསམ་པ་གོམས་པ་ཡིན་པས་ཚིག་སྨྲས་མ་ཐག་ཏུ་དྲང་སྲོང་མདོག་གནག་གི་པགས་པ་ནག་པོ་མི་སྣང་ཞིང་གསེར་གྱི་ཁ་དོག་ཏུ་གྱུར་ཏོ། །ཀུན་དུ་དྲང་སྲོང་མདོག་ནག་གསེར་གྱི་ཁ་དོག་ཏུ་གྱུར་ཏོ་ཞེས་སྒྲ་གྲགས་པས་དེའི་མིང་གསེར་མདོག་ཅེས་བྱ་བར་གྱུར་ཏོ། །
D1.003.0268a04.01དེ་ངོ་མཚར་མཆོག་ཏུ་གྱུར་ཏོ། །དེ་ནས་དྲང་སྲོང་གཽ་ཏ་མས་སྨྲས་པ། མཁན་པོ་བདག་ནི་འདི་ནས་ཤི་འཕོས་ནས་འགྲོ་བ་ནི་གང་། སྐྱེ་བ་ནི་གང་། ཚེ་ཕྱི་མ་ནི་གང་ཞིག་ལགས། དེས་སྨྲས་པ། བྲམ་ཟེ་རྣམས་ན་རེ་བུ་མེད་པ་རྣམས་ལ་འགྲོ་བ་མེད་དོ། །ཞེས་ཟེར་ན་ཁྱོད་
D1.003.0268a05.01ཀྱིས་བུ་འགའ་བསྐྱེད་པ་ལྟ་ཡོད་དམ། མཁན་པོ་ཡབ་ཀྱིས་རྒྱལ་སྲིད་ཀྱི་སླད་དུ་སྤྲོ་བ་བསྐྱེད་པ་ན་བདག་གཞོན་ནུ་ཉིད་དུ་རབ་ཏུ་བྱུང་བས་བུད་མེད་ཀྱི་རྒྱུས་ཀྱང་མ་འཚལ་ན། བདག་གིས་བུ་བསྐྱེད་པ་ལྟ་ག་ལ་མཆིས། བུ་གལ་ཏེ་དེ་ལྟ་ན་སྔོན་ཡུལ་ལ་སྤྱད་པ་རྗེས་སུ་དྲན་པར་
D1.003.0268a06.01གྱིས་ཤིག །མཁན་པོ་ཚོར་བ་དྲག་པོས་ཉེན་པས་ད་ནི་བདག་གི་གནད་རྣམས་ཆད་ཅིང་ཚིགས་རྣམས་བྱེ་སྟེ། འགུམ་པ་གཅིག་པུ་དྲན་པར་བས་ན། ཇི་ལྟར་སྔོན་གྱི་ཡུལ་ལ་སྤྱད་པ་རྗེས་སུ་དྲན་པར་འགྱུར། དེའི་མཁན་པོ་མངོན་པར་ཤེས་པ་ཐོབ་པ་ཡིན་པས་དེས་རྫུ་
D1.003.0268a07.01