完整藏文原文 · 德格版页 当前仅加载第 3 函德格 130a 版页；藏文 NFD、目录标记与异常页序保留在来源切片中，重复版页行以稳定序号区分。
སྙོམས་གཅིག་ཀྱང་མ་རྙེད་དོ། །དེ་ནས་དེ་རྣམས་འདུས་ནས་ཀཽ་ཤཱམྦཱིའི་བྲམ་ཟེ་དང་ཁྱིམ་བདག་རྣམས་ལ་སྨྲས་པ། ཤེས་ལྡན་དག་རེ་ཞིག་ནོར་ཟད་པར་གྱུར་པས་བསོད་སྙོམས་མི་སྟེར་བ་ནི་རིགས་ན། བདག་ཅག་གིས་ནི་ཉེས་པ་ཅི་བྱས་ན་ཚིག་ཀྱང་མི་སྟེར། དེ་རྣམས་ཀྱིས་
D1.003.0130a01.01སྨྲས་པ། གང་དག་གིས་ཚུལ་དང་སྤྱོད་པ་དང་ལོག་པར་སྒྲུབ་པས་སྟོན་པ་ཐུགས་མི་དགྱེས་ཤིང་ཐུགས་ལ་མ་བབ་ནས། སྟེང་གི་ནམ་མཁའ་ལས་གཤེགས་ཏེ། ལོ་བཅུ་གཉིས་འདས་ནས་ད་དུང་ཡང་སླར་མ་གཤེགས་པར་ཁྱེད་ཅག་ཀྱང་ཤཱཀྱའི་སྲས་ཀྱི་དགེ་སྦྱོང་ཡིན་པར་བདག་ཉིད་
D1.003.0130a02.01ཁས་འཆེའམ། དེ་རྣམས་ཅང་མི་སྨྲ་བར་འཁོད་ནས། དེ་རྣམས་ཀྱི་དྲུང་ནས་དོང་སྟེ་སྨྲས་པ། ཚེ་དང་ལྡན་པ་དག་དེ་རྣམས་ཀྱིས་བདག་ཅག་བརྒྱད་པ་ནི་ཐོག་ཏུ་བབ་སྟེ། གང་ཞིག་ས་ལ་འགྱེལ་བ་དེ་ཉིད་ལས་བརྟེན་ཏེ་ལྡང་བས་མ་དོར་ན་མཉན་ཡོད་དུ་དོང་ལ། བཅོམ་ལྡན་
D1.003.0130a03.01འདས་དང་དགེ་སློང་གི་དགེ་འདུན་ལ་བཟོད་པ་གསོལ་ལོ། །དེ་ནས་ཀཽ་ཤཱམྦཱིའི་དགེ་སློང་རྣམས་དེ་ཉིད་ཀྱི་ནུབ་མོ་འདས་ནས་ལྷུང་བཟེད་དང་ཆོས་གོས་ཁྱེར་ཏེ། ཀཽ་ཤཱམྦཱིར་མ་ཞུགས་པར་མཉན་ཡོད་གང་ན་བ་དེར་རྒྱུ་ཞིང་དོང་ངོ་། །ཚེ་དང་ལྡན་པ་ཀུན་དགའ་བོས་ཀཽ་ཤཱམྦཱིའི་དགེ་
D1.003.0130a04.01སློང་འཐབ་ཀྲོལ་བྱེད་པ། མཚང་འདྲུ་བར་བྱེད་པ། རྩོད་པར་བྱེད་པ། འགྱེད་པར་བྱེད་པ། རྩོད་པའི་གཞི་བྱེད་པ་རྣམས་འོང་ངོ་ཞེས་ཐོས་ནས་གང་དག་གིས་བཅོམ་ལྡན་འདས་ཐུགས་ཕྱུང་བར་བགྱིས་ཏེ། འདིར་གཤེགས་པ་དེ་དག་ངོ་ཚ་མེད་པས་ཐོ་བཙམ་པའི་ཕྱིར་བདག་
D1.003.0130a05.01ཅག་ལ་གླེང་བར་འགྱུར་གྱིས། མ་ལ་བདག་ཅག་གིས་བཅོམ་ལྡན་འདས་ལ་གསོལ་ལོ་སྙམ་དུ་བསམས་ནས། བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང་། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ། །ཕྱོགས་
D1.003.0130a06.01གཅིག་ཏུ་འདུག་ནས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བདག་གིས་ཀཽ་ཤཱམྦཱིའི་དགེ་སློང་འཐབ་ཀྲོལ་བགྱིད་པ། མཚང་འདྲུ་བར་བགྱིད་པ། རྩོད་པར་བགྱིད་པ། འགྱེད་པར་བགྱིད་པ། རྩོད་པའི་གཞི་བགྱིད་པ་རྣམས་འདིར་
D1.003.0130a07.01