完整藏文原文 · 德格版页 当前仅加载第 3 函德格 153a 版页；藏文 NFD、目录标记与异常页序保留在来源切片中，重复版页行以稳定序号区分。
མཛད་དོ། །འདི་ནི་གསོལ་བའོ། །ལས་བྱ་བ་ནི། དགེ་འདུན་བཙུན་པ་རྣམས་གསན་དུ་གསོལ། དགེ་སློང་འཆི་ལྟས་འདི་ལ་འདི་ལྟ་བུའི་སྡིག་པའི་ལྟ་བར་སོང་བ་སྐྱེས་ཏེ་ཞེས་བྱ་བ་ནས་དེ་ལྟར་བཅོམ་ལྡན་འདས་ཀྱིས་ཆོས་བསྟན་པ་བདག་གིས་ཤེས་ཏེ་ཞེས་བྱ་བའི་བར་
D1.003.0153a01.01གོང་མ་བཞིན་དུ་སྟེ། དགེ་འདུན་གྱིས་དགེ་སློང་འཆི་ལྟས་སྡིག་པའི་ལྟ་བར་སོང་བ་མི་འདོར་བ་ལ་གནས་ནས་དབྱུང་བའི་ཕྲིན་ལས་མཛད་ན། ཚེ་དང་ལྡན་པ་གང་དག་དགེ་སློང་འཆི་ལྟས་སྡིག་པའི་ལྟ་བར་སོང་བ་མི་འདོར་བ་ལ་གནས་ནས་དབྱུང་བའི་ཕྲིན་ལས་མཛད་པར་བཟོད་པ་དེ་དག་
D1.003.0153a02.01ནི་ཅང་མ་གསུང་ཤིག །གང་དག་མི་བཟོད་པ་དེ་དག་ནི་གསུང་ཤིག །འདི་ནི་ལས་བརྗོད་པ་དང་པོ་ཡིན་ཏེ་ཞེས་བྱ་བའི་བར་གོང་མ་བཞིན་དུ་སྟེ། དམར་སེར་ཅན་རྣམས་ཀྱི་བཞིན་ནོ། །དེ་སྡིག་པའི་ལྟ་བར་སོང་བ་ཕྱིར་མི་འདོར་བ་གནས་ནས་དབྱུང་བའི་ལས་བྱས་པས་སྐྲ་གྱེན་དུ་
D1.003.0153a03.01འགྲེང་བ་ལྟ་བུ་དང་། སྐྲ་ཞིག་པ་ལྟ་བུར་དགེ་འདུན་ལ་སྤུ་ས་ལ་ལྟུང་བ་ལྟ་བུར་བྱེད་ཅེས་བྱ་བ་ནས། སྡིག་པའི་ལྟ་བར་སོང་བ་འདོར་རོ་ཞེས་སྨྲའོ་ཞེས་བྱ་བའི་བར་གོང་མ་བཞིན་དུ་སྟེ། སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང་། བཅོམ་ལྡན་འདས་
D1.003.0153a04.01ཀྱིས་བཀའ་སྩལ་པ། དགེ་སློང་དག་ཁྱེད་ཀྱིས་དགེ་སློང་འཆི་ལྟས་སྡིག་པའི་ལྟ་བར་སོང་བ་མི་འདོར་བ་གནས་ནས་དབྱུང་བའི་ལས་བྱས་པ་དང་། གཞན་ཡང་དེ་ལྟ་བུ་དང་མཐུན་པ་སུ་ཡང་རུང་བ་ལ་བསླང་བའི་ལས་བྱོས་ཤིག །རྒྱུ་ལྔས་སྡིག་པའི་ལྟ་བར་སོང་བ་མི་འདོར་བ་དེ་
D1.003.0153a05.01གནས་ནས་དབྱུང་བའི་ལས་བྱས་པ་བསླང་བར་བྱ་སྟེ། ལྔ་གང་ཞེ་ན། སྐྲ་གྱེན་དུ་འགྲེང་བ་ལྟ་བུ་དང་། སྐྲ་ཞིག་པ་ལྟ་བུར་དགེ་འདུན་ལ་སྤུ་ས་ལ་ལྟུང་བ་ལྟ་བུར་བྱེད་ཅེས་བྱ་བའི་བར་གོང་མ་བཞིན་དུ་སྟེ། དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། །དགེ་འདུན་བཙུན་པ་
D1.003.0153a06.01རྣམས་གསན་དུ་གསོལ། དགེ་སློང་འཆི་ལྟས་འདི་ལ་འདི་ལྟ་བུའི་སྡིག་པའི་ལྟ་བར་སོང་བ་སྐྱེས་ཏེ། ཇི་ལྟར་བཅོམ་ལྡན་འདས་ཀྱིས་བར་དུ་གཅོད་པའི་ཆོས་སུ་གསུངས་པ་གང་དག་ཡིན་པ་དེ་དག་བསྟེན་ཀྱང་བར་དུ་གཅོད་པར་མི་འགྱུར་བ་དེ་ལྟར་བཅོམ་ལྡན་འདས་ཀྱིས་ཆོས་བསྟན་
D1.003.0153a07.01