完整藏文原文 · 德格版页 当前仅加载第 3 函德格 249a 版页；藏文 NFD、目录标记与异常页序保留在来源切片中，重复版页行以稳定序号区分。
སློང་དག་དེ་ལྟར་ན་མ་སྨྱོས་པས་འདུལ་བར་འོས་པ་ནི་རྩོད་པ་ཞི་བར་བྱེད་པ་ཡིན་ཞིང་། དེ་ལྟར་ན་འདི་ན་ཁ་ཅིག་གི་རྩོད་པ་རྣམས་དུལ་བ་དང་། ཞི་བ་དང་། ཉེ་བར་ཞི་བ་ཡིན་ནོ། །དགེ་སློང་དག་གདམས་ངག་མེད་པའི་རྩོད་པ་ལ་རྩོད་པ་ཞི་བར་བྱ་བའི་ཆོས་འདི་གསུམ་གྱིས་
D1.003.0249a01.01དུལ་བར་བྱ། ཞི་བར་བྱ། ཉེ་བར་ཞི་བར་བྱ་བ་ནི་འདི་ལྟ་སྟེ། མངོན་སུམ་དུ་འདུལ་བར་འོས་པ་དང་། དྲན་པས་འདུལ་བར་འོས་པ་དང་། མ་སྨྱོས་པས་འདུལ་བར་འོས་པས་སོ། །དགེ་སློང་དག་ལྟུང་བའི་རྩོད་པ་ལ་རྩོད་པ་ཞི་བར་བྱེད་པའི་ཆོས་བཞིས་དུལ་བར་བྱ། ཞི་བར་བྱ། ཉེ་བར་
D1.003.0249a02.01ཞི་བར་བྱའོ། །བཞི་གང་ཞེ་ན། ཁས་བླང་བར་འོས་པ་དང་། མངོན་སུམ་དུ་འདུལ་བར་འོས་པ་དང་། དེའི་ངོ་བོ་ཉིད་ཚོལ་དུ་གཞུག་པར་འོས་པ་དང་། རྩྭ་བཀྲམ་པ་ལྟ་བུར་འོས་པས་སོ། །དགེ་སློང་དག་ཇི་ལྟར་ན་ཁས་བླང་བར་འོས་པ་ནི་རྩོད་པ་ཞི་བར་བྱེད་པ་ཡིན། ཇི་ལྟར་ན་འདི་ན་
D1.003.0249a03.01ཁ་ཅིག་གི་རྩོད་པ་རྣམས་འདི་ལྟ་སྟེ། ཁས་བླང་བར་འོས་པའི་རྩོད་པ་ཞི་བར་བྱེད་པས་དུལ་བ་དང་། ཞི་བ་དང་། ཉེ་བར་ཞི་བ་ཡིན་ཞེ་ན། འདི་ལྟ་སྟེ་དགེ་སློང་ལྟུང་བ་བྱུང་བར་གྱུར་པ་དེ་ལ་གཞི་དེས་གླེངས་ཀྱང་རུང་མ་གླེངས་ཀྱང་རུང་། དྲན་པར་བྱས་ཀྱང་རུང་དྲན་པར་མ་བྱས་ཀྱང་
D1.003.0249a04.01རུང་། དགེ་སློང་ཞིག་གི་མདུན་དུ་འདུག་ནས་འདི་སྐད་ཅེས་ཚེ་དང་ལྡན་པ་དགོངས་སུ་གསོལ། བདག་མིང་འདི་ཞེས་བགྱི་བ་ལ་ལྟུང་བ་འདི་ལྟ་བུ་ཞིག་བྱུང་བ་དེ་བདག་གིས་ཚེ་དང་ལྡན་པའི་མདུན་དུ་མཐོལ་ཞིང་བཤགས་པར་བགྱིའོ། །བདག་གིས་མཐོལ་ཞིང་བཤགས་ན་བདེ་བ་ལ་རེག་
D1.003.0249a05.01པར་འགྱུར་གྱི། མ་མཐོལ་མ་བཤགས་ན་ནི་མ་ལགས་སོ། །དེས་ལྟུང་བ་མཐོང་ངམ་ཞེས་བརྗོད་པར་བྱའོ། །དེས་ཀྱང་ལྟུང་བ་མཐོང་ངོ་ཞེས་བརྗོད་པར་བྱའོ། །སྔ་མ་ཤོས་ཀྱིས་ཕྱིས་སྡོམ་པར་བྱེད་དམ་ཞེས་བརྗོད་པར་བྱའོ། །ཕྱི་མ་ཤོས་ཀྱིས་བགྱིད་དོ་ཞེས་བརྗོད་པར་བྱ་སྟེ།
D1.003.0249a06.01འདི་ནི་ཁས་བླང་བའོ། །ཆོས་མ་ཡིན་པའི་ཁས་བླང་བ་སྦྱིན་པ་བཅུ་དང་། ཆོས་ཀྱི་བཅུའོ། །ཆོས་མ་ཡིན་པའི་ཁས་བླང་བ་སྦྱིན་པ་བཅུ་གང་ཞེ་ན། འདི་ལྟ་སྟེ། དགེ་སློང་ཕས་ཕམ་པའི་ལྟུང་བ་བྱུང་ལ་བདག་ལ་མ་བྱུང་ངོ་སྙམ་དུ་ཤེས་པ་དེ་ལ་དགེ་འདུན་གྱིས་ཁས་ལེན་དུ་
D1.003.0249a07.01